San Lucas 4:25 - Triqui de San Juan Copala

²⁵ ’Dan me se cuno̱ soj caꞌmi̱j á. Ga̱a cayáán Elías síí nataꞌ snana̱ Yaꞌanj ga̱a naá, ne̱ cachén vaꞌnu̱j yoꞌ táá néé, ne̱ ne cama̱nꞌ, ne̱ cheꞌé dan guun uxrá xꞌnaa nu̱ꞌ chiháán nij síí israelitá a. Yoꞌ dan me se cayáán queꞌe̱e̱ chana̱ caviꞌ nica̱ chiháán nij síí israelitá,

San Lucas 4:25 Iomraidhean Croise

San Mateo 20:15

Ne nó xcúnj qui̱ꞌyáj se vaa rii nimanj, rá so̱ꞌ naꞌ. Xco̱j ruva̱a̱ rá so̱ꞌ, cheꞌé se quiꞌyáj se lu̱j rihaan tuvíꞌ so̱ꞌ naꞌ”, taj síí toꞌo̱j yoꞌ rihaan síí quiꞌyaj suun rihaan toꞌóó soꞌ a.

San Lucas 10:21

Ma̱an güii yoꞌ roꞌ, guun niha̱ꞌ ya̱ rá nimán Jesús, quiꞌyaj Nimán Yaꞌanj, ne̱ cataj Jesús rihaan Yaꞌanj a: ―Síí ꞌNi̱j Raꞌa chumii̱ do̱ꞌ, Síí ꞌNi̱j Raꞌa xta̱ꞌ do̱ꞌ, mé so̱ꞌ, Ata̱j. Ne̱ sa̱ꞌ uxrá quiꞌyáá so̱ꞌ caráán so̱ꞌ rihaan nij síí avii raa̱ do̱ꞌ, rihaan nij síí acaj cuentá do̱ꞌ, se vaa se̱ cuno nij soꞌ snana̱j maꞌ. Ma̱an nij síí vaa nica̱ꞌ nimán roꞌ, veꞌé cuno nij soꞌ, quiꞌyáá so̱ꞌ a. Da̱nj ina̱nj quiꞌyáá so̱ꞌ, cheꞌé yan da̱nj me rá so̱ꞌ qui̱ꞌyáá so̱ꞌ, Ata̱j ―taj Jesús rihaan Rej soꞌ Yaꞌanj a.

Romanos 9:15

ꞌO̱ se ga̱a naá caꞌmii Yaꞌanj rihaan síí cuꞌna̱j Moisés, cataj Yaꞌanj a: “Ga̱a̱ ꞌe̱e̱ rá ꞌu̱nj ni̱ꞌyaj ꞌu̱nj man yuvii̱ me rá ꞌu̱nj niꞌya̱j ꞌu̱nj man, ne̱ qui̱ꞌyáj se lu̱j rihaan yuvii̱ me rá ꞌu̱nj qui̱ꞌyáj se lu̱j rihaan ado̱nj.” Da̱nj caꞌmii Yaꞌanj rihaan Moisés ga̱a naá a.

Romanos 9:20

Tza̱j ne̱ ne nó xcúún níꞌ cata̱j níꞌ se vaa ne nó xcúún Yaꞌanj quiꞌya̱j soꞌ nda̱a vaa ꞌyaj soꞌ maꞌ. Caꞌve̱e xna̱ꞌanj ꞌo̱ xruj yoꞌóó man síí quiꞌyaj man xruj: “Me cheꞌé quiꞌyáá so̱ꞌ da̱nj mán ꞌu̱nj ga̱.”

Efesios 1:11

Ne̱ cheꞌé Cristó me se narii Yaꞌanj man núj si̱j israelitá si̱j amán rá niꞌya̱j man Cristó, ne̱ dan me se narii soꞌ man núj cheꞌé se a̱j cuneꞌ soꞌ man núj gu̱un núj nij síí ga̱a̱ nucua̱j rá ga̱a asino ya̱a̱n man Cristó, cheꞌé rej veꞌé nata̱ꞌ núj se vaa sa̱ꞌ uxrá vaa Yaꞌanj a. Dan me se ina̱nj da̱nj guun rá Yaꞌanj quiꞌya̱j soꞌ, ne̱ soꞌ me síí avii ndoꞌo raa̱ da̱j quiꞌya̱j, ne̱ soꞌ me síí ꞌyaj nu̱ꞌ nda̱a vaa avii raa̱ soꞌ quiꞌya̱j soꞌ ado̱nj.

Efesios 1:9

ꞌO̱ se soꞌ me síí quiꞌyaj xcaj níꞌ cuentá cheꞌé nana̱ sa̱ꞌ yuve̱ aꞌmii cheꞌé da̱j me rá maꞌa̱n soꞌ quiꞌya̱j soꞌ cheꞌé níꞌ si̱j noco̱ꞌ man Cristó

Santiago 5:17

Na̱nj yuvii̱ me síí cuꞌna̱j Elías síí cayáán ga̱a naá, ne̱ ase vaa maꞌa̱n níꞌ vaa soꞌ, tza̱j ne̱ cachíín niꞌya̱j soꞌ rihaan Yaꞌanj se vaa se̱ camanꞌ, ne̱ quisíj nda̱a vaꞌnu̱j ya̱ yoꞌ táá néé ne cama̱nꞌ quiꞌyaj soꞌ, quiꞌyaj Yaꞌanj ga̱a cachíín niꞌya̱j soꞌ rihaan Yaꞌanj maꞌ.

Apocalipsis 11:6

Ne̱ gu̱un nucua̱j ro̱j soꞌ ca̱ráán ro̱j soꞌ rej xta̱ꞌ, cheꞌé yan se̱ camanꞌ a̱ doj maa̱n nu̱ꞌ güii caꞌmi̱i̱ natáj ro̱j soꞌ a. Ne̱ gu̱un nucua̱j ro̱j soꞌ naquiꞌya̱j ro̱j soꞌ ton man na a. Ne̱ gu̱un nucua̱j ro̱j soꞌ quiꞌya̱j chiꞌi̱i̱ ro̱j soꞌ man chumii̱ me daj me rá maꞌa̱n ro̱j soꞌ quiꞌya̱j ro̱j soꞌ a.