San Lucas 4:20 - Triqui de San Juan Copala

²⁰ Ga̱a ne̱ nacué uún soꞌ yanj ne̱ nagoꞌ uún soꞌ man síí tumé yanj, ga̱a ne̱ caꞌanj quita̱j soꞌ chruun xlá ti̱haa̱n soꞌ man yuvii̱ a. Tza̱j ne̱ niꞌya̱j uxrá cunuda̱nj nij yuvii̱ ma̱n rque veꞌ yoꞌ man soꞌ,

San Lucas 4:20 Iomraidhean Croise

San Mateo 26:55

Ne̱ cataj Jesús rihaan nij yuvii̱ a: ―Me cheꞌé nica̱j soj neê espadá nica̱j soj chruun nica̱j soj, caꞌnaꞌ soj ga̱. Síí itu̱u̱ mé ꞌu̱nj, rá soj naꞌ. Ne̱ ꞌo̱ se guun queꞌe̱e̱ güii cayáán ꞌu̱nj rihaan rej ya̱nj nuvií noco̱o, tucuꞌyón ꞌu̱nj snana̱j rihaan nij yuvii̱, tza̱j ne̱ ne ta̱ꞌaa soj manj a.

San Mateo 27:60

ne̱ rihaan toꞌóó soꞌ táá ꞌo̱ yuꞌuj yuvej rej achinꞌ nii man nij síí caviꞌ, tza̱j ne̱ yuꞌuj naca̱ me yoꞌ a. Maꞌa̱n soꞌ me síí quiꞌyaj gáán nii yuꞌuj yoꞌ, ne̱ taj va̱j xnangá na̱j rque yuꞌuj maꞌ. Ne̱ caxríj soꞌ man Jesús rque yuꞌuj yoꞌ, ne̱ caráán soꞌ yuvej xi̱j tuꞌva yuꞌuj yoꞌ a.

San Lucas 19:48

Tza̱j ne̱ ne nari̱ꞌ nij soꞌ da̱j quiꞌya̱j nij soꞌ cavi̱ꞌ Jesús maꞌ. ꞌO̱ se guun niha̱ꞌ uxrá rá nij yuvii̱ cuno nij soꞌ snana̱ Jesús a.

San Lucas 4:17

Síí tumé yanj roꞌ, quirii yanj no̱ nana̱ cachrón síí cuꞌna̱j Isaías síí nataꞌ snana̱ Yaꞌanj ga̱a naá, ne̱ caxríj soꞌ ston Jesús a. Nacuchraꞌ Jesús yanj, ne̱ nariꞌ soꞌ rej no̱ nana̱ nihánj a:

San Lucas 4:21

ne̱ guun cheꞌe̱ soꞌ caꞌmii soꞌ, cataj soꞌ a: ―Veé cuano̱ nihánj me se a̱j quisíj ya̱ nu̱ꞌ nana̱ nihánj, ne̱ ꞌu̱nj si̱j nayaa nana̱ nihánj cuno soj me síí quiꞌya̱j nu̱ꞌ se vaa taj nana̱ nihánj ado̱nj ―taj Jesús rihaan nij soꞌ a.

San Lucas 5:3

Dan me se catúj Jesús rá ꞌo̱ rihoo, ne̱ se‑riho̱o̱ síí cuꞌna̱j Simón me yoꞌ, ne̱ cachíín niꞌya̱j Jesús rihaan Simón se vaa quiꞌya̱j soꞌ se ndoꞌo cuxu̱u̱n soꞌ rihoo gu̱un ga̱nꞌ yoꞌ do̱j tzínꞌ tuꞌva na a. Ga̱a ne̱ caꞌanj ca̱yáán Jesús rque rihoo, ne̱ tucuꞌyón soꞌ snana̱ Yaꞌanj man nij yuvii̱ ma̱n tuꞌva na a.

San Juan 8:2

Dan me se rej síj güii me se caꞌanj uún Jesús rej ya̱nj nuvií noco̱o a. Ga̱a ne̱ cuchiꞌ cunuda̱nj nij yuvii̱ rihaan soꞌ, ne̱ caꞌanj ca̱yáán soꞌ, ne̱ tucuꞌyón soꞌ man nij yuvii̱ yoꞌ a.

Hechos 16:13

Ne̱ ꞌo̱ güii naránj rá nij yuvii̱ israelitá curiha̱nj núj taꞌyaa xi̱j rej atúj yuvii̱ chumanꞌ yoꞌ, ne̱ caꞌanj núj tuꞌva ꞌo̱ chráá a. ꞌO̱ se guun rá núj se vaa rej yoꞌ me rej uꞌyón nij yuvii̱ israelitá nuu chre̱ꞌ nij soꞌ cachíín niꞌya̱j nij soꞌ rihaan Yaꞌanj a. Dan me se caꞌanj ca̱yáán núj rihaan yoꞌóó, ne̱ caꞌmii núj ga̱ nij chana̱ cunuu chre̱ꞌ rej yoꞌ a.

Hechos 3:12

Ne̱ ga̱a queneꞌen Pedró man nij yuvii̱, ne̱ cataj soꞌ rihaan nij yuvii̱ a: ―Cuno̱ soj si̱j israelitá caꞌmi̱j á. Me cheꞌé caꞌanj ndoꞌo rá soj se vaa chéé síí nihánj ga̱. Me cheꞌé niꞌya̱j ndoꞌo soj man rój ga̱. Se̱ guun rá soj se vaa cheꞌé se síí nucua̱j do̱ꞌ, síí gue̱e̱ do̱ꞌ, me maꞌa̱n rój, ne̱ quiꞌyaj rój se vaa cachéé soꞌ maꞌ.