San Lucas 4:16 - Triqui de San Juan Copala

¹⁶ Dan me se nucuiꞌ uún Jesús chiháán soꞌ chumanꞌ Nazaret rej cachij soꞌ a. Ga̱a quisíj güii naránj rá nij yuvii̱ israelitá, ne̱ catúj soꞌ rá veꞌ tucuꞌyón nij soꞌ stucua̱nj Moisés, ese da̱nj ina̱nj uꞌyón soꞌ ꞌyaj soꞌ a. Ga̱a ne̱ canicunꞌ caya̱ soꞌ naya̱a̱ soꞌ Danj Yaꞌanj rihaan nij yuvii̱ a.

San Lucas 4:16 Iomraidhean Croise

San Mateo 2:23

ne̱ cuchiꞌ soꞌ chumanꞌ Nazaret, ne̱ cayáán soꞌ chumanꞌ yoꞌ a. Veé dan quisíj ya̱ nu̱ꞌ nana̱ cataj nij síí nataꞌ snana̱ Yaꞌanj ga̱a naá a: “Síí cavii Nazaret me Síí Caꞌne̱j Yaꞌanj ado̱nj”, taj nij soꞌ a.

San Lucas 2:39

Dan me se ga̱a quisíj quiꞌyaj ro̱j ni̱ca̱ José se vaa taj stucua̱nj Moisés, ga̱a ne̱ quinanꞌ ro̱j soꞌ estadó Galilea a. Quinanꞌ ro̱j soꞌ chiháán ro̱j soꞌ nda̱a chumanꞌ Nazaret a.

San Lucas 2:42

ese da̱nj vaa tucuáán noco̱ꞌ nij síí israelitá a. Dan me se ga̱a quisíj Jesús chuvi̱j yoꞌ, ga̱a ne̱ caꞌanj ro̱j ni̱i soꞌ chaꞌanj ga̱ rej soꞌ a.

San Lucas 2:51

Dan me se nanij Jesús quinanꞌ soꞌ nda̱a chumanꞌ Nazaret ga̱ ro̱j soꞌ, ne̱ ꞌo̱ ya̱nj uno sa̱ꞌ soꞌ rihaan ro̱j soꞌ a. Ne̱ ꞌo̱ nuû rá Mariá nu̱ꞌ nda̱a vaa guun a.

San Lucas 4:15

Caꞌanj Jesús da̱j a̱ nij veꞌ tucuꞌyón nij yuvii̱ israelitá stucua̱nj Moisés, ne̱ tucuꞌyón soꞌ snana̱ Yaꞌanj man nij yuvii̱, ne̱ veꞌé uxrá caꞌmii ta̱ranꞌ nij yuvii̱ cheꞌé soꞌ a.

San Lucas 4:17

Síí tumé yanj roꞌ, quirii yanj no̱ nana̱ cachrón síí cuꞌna̱j Isaías síí nataꞌ snana̱ Yaꞌanj ga̱a naá, ne̱ caxríj soꞌ ston Jesús a. Nacuchraꞌ Jesús yanj, ne̱ nariꞌ soꞌ rej no̱ nana̱ nihánj a:

San Lucas 4:21

ne̱ guun cheꞌe̱ soꞌ caꞌmii soꞌ, cataj soꞌ a: ―Veé cuano̱ nihánj me se a̱j quisíj ya̱ nu̱ꞌ nana̱ nihánj, ne̱ ꞌu̱nj si̱j nayaa nana̱ nihánj cuno soj me síí quiꞌya̱j nu̱ꞌ se vaa taj nana̱ nihánj ado̱nj ―taj Jesús rihaan nij soꞌ a.

San Lucas 4:23

Cheꞌé dan me caꞌmii Jesús nana̱ nihánj rihaan nij soꞌ a: ―Neꞌén ꞌu̱nj se vaa cata̱j soj nana̱ nihánj rihanj a: “Sese ya̱ si̱j naquiꞌyaj conoꞌó man yuvii̱ mé so̱ꞌ, ne̱ naquiꞌya̱j conoꞌó so̱ꞌ man ma̱ꞌán so̱ꞌ á”, cata̱j soj rihanj cheꞌé se cuno soj se vaa queꞌe̱e̱ suun sa̱ꞌ noco̱o quiꞌyáj chumanꞌ Capernaum a. Ne̱ cata̱j soj rihanj se vaa qui̱ꞌyáj suun sa̱ꞌ noco̱o chumanꞌ chiháán níꞌ nihánj uún a.

San Juan 18:20

Ga̱a ne̱ cataj Jesús rihaan nij soꞌ a: ―ꞌU̱nj roꞌ, caꞌmii ranga̱ꞌ rihaan cunuda̱nj nij yuvii̱ a. Nu̱ꞌ güii tucuꞌyón ꞌu̱nj snana̱j rá veꞌ tucuꞌyón níꞌ stucua̱nj Moisés do̱ꞌ, rej ya̱nj nuvií noco̱o do̱ꞌ, ne̱ yoꞌ me rej nuu chre̱ꞌ ta̱ranꞌ nij yuvii̱ israelitá a. Ne̱ taj va̱j nana̱ ne caꞌmi̱i̱ yuve̱ ꞌu̱nj maꞌ.

Hechos 17:2

Dan me se catúj Pabló rá veꞌ yoꞌ rej nuu chre̱ꞌ nij yuvii̱ israelitá yoꞌ, nda̱a vaa uꞌyón ina̱nj soꞌ quiꞌya̱j soꞌ a. Ne̱ vaꞌnu̱j ya̱ güii cueta̱nꞌ naránj rá nij soꞌ nataꞌ Pabló rihaan nij soꞌ cheꞌé nana̱ no̱ rihaan Danj Yaꞌanj a.