San Lucas 4:1 - Triqui de San Juan Copala

¹ ꞌO̱ se nu̱u̱ Nimán Yaꞌanj nu̱ꞌ nimán Jesús, ne̱ cavii Jesús tuꞌva chráá cuꞌna̱j Jordán, ne̱ caꞌanj soꞌ, va̱j soꞌ rej tacaan, quiꞌyaj Nimán Yaꞌanj a.

San Lucas 4:1 Iomraidhean Croise

San Mateo 3:16

Quisíj cataꞌ ne Jesús, ga̱a ne̱ naxuma̱a̱n soꞌ rque na, ga̱a ne̱ ta̱j niꞌyo̱n naxraꞌ rej xta̱ꞌ, ne̱ queneꞌen soꞌ se vaa nanij Nimán Yaꞌanj rej xta̱ꞌ, ne̱ ase vaa chaꞌaa̱n roꞌ, vaa Nimán Yaꞌanj, curuviꞌ yoꞌ rej xta̱ꞌ nanij yoꞌ xráá Jesús a.

San Lucas 2:27

Dan me se güii cuchiꞌ ro̱j ni̱ca̱ José chumanꞌ Jerusalén me se cataj xnaꞌanj Nimán Yaꞌanj rihaan Simeón se vaa caꞌa̱nj soꞌ nuvií noco̱o, ne̱ cheꞌé dan caꞌanj soꞌ catúj soꞌ rej ya̱nj nuvií noco̱o a. Ga̱a ne̱ catúj ro̱j ni̱ca̱ José ga̱ neꞌej cheꞌé se guun rá ro̱j soꞌ quiꞌya̱j ro̱j soꞌ nda̱a vaa taj stucua̱nj Yaꞌanj a.

San Lucas 3:3

Dan me se cachéé Juan nu̱ꞌ rej na̱j nichru̱nꞌ tuꞌva chráá cuꞌna̱j Jordán, ne̱ guun cheꞌe̱ soꞌ caꞌmii natáj soꞌ rihaan yuvii̱, cataj soꞌ se vaa cata̱ꞌ ne nij yuvii̱ cheꞌé yan ti̱haa̱n nij soꞌ se vaa ya̱ nuchranꞌ nimán nij soꞌ ne̱ tanáj nij soꞌ chrej chiꞌi̱i̱, ne̱ caꞌve̱e tinavi̱j Yaꞌanj cacunꞌ tumé nij soꞌ, taj Juan ado̱nj.

San Lucas 3:38

Taꞌníí Enós me Cainán, ne̱ taꞌníí Set me Enós, ne̱ taꞌníí Adán me Set, ne̱ Adán roꞌ, me síí quiꞌyaj maꞌa̱n Yaꞌanj man a. Nu̱ꞌ nij soꞌ me xi̱i Jesús cumán ga̱a naá a.

San Lucas 4:14

Dan me se nanꞌ Jesús estadó Galilea, ne̱ ꞌo̱ racuíj ndoꞌo Nimán Yaꞌanj man soꞌ, ne̱ chaꞌnuu̱ nana̱ cheꞌé soꞌ rihaan nij yuvii̱ ma̱n nu̱ꞌ estadó Galilea a.

San Lucas 4:18

Ya̱nj Nimán Yaꞌanj nimán ꞌu̱nj, ne̱ cheꞌé dan narii Yaꞌanj manj caꞌa̱nj caꞌmi̱i̱ natáj ꞌu̱nj nana̱ sa̱ꞌ rihaan nij síí nique̱ a. Caꞌnéé Yaꞌanj manj caꞌmi̱i̱ natáj ꞌu̱nj rihaan nij síí ꞌni̱j tagaꞌ cata̱j ꞌu̱nj se vaa cu̱riha̱nj nij soꞌ cache̱e̱ u̱u̱n nij soꞌ a. Ne̱ caꞌnéé Yaꞌanj manj ra̱cuíj ꞌu̱nj man nij síí tuchri̱i naxra̱ꞌ rihaan nij soꞌ, ne̱ caꞌnéé Yaꞌanj manj ra̱cuíj ꞌu̱nj man nij síí ranꞌ sayuun uún na̱nj á.

San Juan 1:32

Ga̱a ne̱ cataj xnaꞌanj ya̱ Juan cheꞌé se vaa queneꞌen maꞌa̱n soꞌ a: ―Queneꞌén ꞌu̱nj se vaa nanij Nimán Yaꞌanj rej xta̱ꞌ, ne̱ ase vaa ꞌo̱ chaꞌaa̱n vaa Nimán Yaꞌanj yoꞌ, ne̱ caꞌnaꞌ yoꞌ, cayáán yoꞌ ga̱ Jesús ado̱nj.

San Juan 3:34

Síí caꞌnéé Yaꞌanj man roꞌ, me síí aꞌmii snana̱ Yaꞌanj á. ꞌO̱ se rqué uxrá Yaꞌanj Nimán Yaꞌanj man soꞌ ado̱nj.

Hechos 1:2

Asino caꞌneꞌ soꞌ suun rihaan nij síí cuneꞌ soꞌ caꞌa̱nj nata̱ꞌ snana̱ soꞌ, nda̱a vaa cataj Nimán Yaꞌanj rihaan soꞌ, nda̱a güii cavii soꞌ quinanꞌ soꞌ xta̱ꞌ a.

Hechos 10:38

Ne̱ nana̱ yoꞌ taj se vaa cuneꞌ Yaꞌanj man Jesús síí cavii chumanꞌ Nazaret, ne̱ rqué ndoꞌo Yaꞌanj Nimán Yaꞌanj man soꞌ, ne̱ rqué ndoꞌo Yaꞌanj rej nucua̱j man soꞌ a. Ne̱ dan me se cachéé Jesús, ne̱ quiꞌyaj ndoꞌo soꞌ suun sa̱ꞌ, ne̱ cunuda̱nj nij síí ranꞌ sayuun ꞌyaj Síí Chre̱e cheꞌé se quirii taꞌngaꞌ Síí Chre̱e rihaan nij soꞌ roꞌ, nahuun sa̱ꞌ nij soꞌ, quiꞌyaj Jesús a. ꞌO̱ se Yaꞌanj roꞌ, racuíj ndoꞌo man Jesús ꞌyaj soꞌ da̱nj ado̱nj.

Hechos 8:39

Dan me se ga̱a curiha̱nj ro̱j soꞌ rá na, ga̱a ne̱ naxca̱j Nimán Yaꞌanj man Felipé, ne̱ ne queneꞌe̱n uún síí “eunuco” yoꞌ man Felipé a̱ maꞌ. ꞌO̱ se cavii síí “eunuco” yoꞌ, quinanꞌ soꞌ, ne̱ guun niha̱ꞌ ya̱ rá nimán soꞌ a.