San Lucas 23:9 - Triqui de San Juan Copala

⁹ Dan me se xnáꞌanj ndoꞌo soꞌ nana̱ man Jesús, tza̱j ne̱ a̱ ꞌó nana̱ ne cata̱j Jesús rihaan soꞌ a̱ maꞌ.

San Lucas 23:9 Iomraidhean Croise

San Mateo 27:12

Ne̱ cutaꞌ nij xrej ata̱ suun noco̱o do̱ꞌ, nij síí uun chij do̱ꞌ, cacunꞌ xráá Jesús a. Tza̱j ne̱ ne caꞌmi̱i̱ Jesús a̱ ꞌó nana̱ maꞌ.

San Mateo 27:14

Tza̱j ne̱ yu̱u̱n cheꞌe̱ ne caꞌmi̱i̱ Jesús a̱ ꞌó nana̱ rihaan soꞌ cheꞌé cacunꞌ cutaꞌ nii xráá soꞌ a. Veé dan, ne̱ caráyaꞌa̱nj uxrá síí nica̱j suun gobernador yoꞌ cheꞌé yan quiꞌyaj soꞌ da̱nj a.

San Mateo 7:6

’Se̱ goꞌ soj rasu̱u̱n gue̱e̱ man chuvee, ne̱ se̱ caraa soj chruj perlá tuꞌve̱e̱ ndoꞌo rihaan xcáá a̱ maꞌ. ꞌO̱ se chuvee yoꞌ roꞌ, ca̱nica̱j ne̱ cha̱ man soj, ne̱ xcáá yoꞌ roꞌ, tu̱guáj cheꞌé xcáá man se sa̱ꞌ yoꞌ, ne̱ navi̱j nu̱ꞌ yoꞌ xtu̱nꞌ, quiꞌya̱j xcáá na̱nj ado̱nj.

San Marcos 15:5

Tza̱j ne̱ yu̱u̱n cheꞌe̱ ne caꞌmi̱i̱ Jesús a̱ doj nana̱ rihaan soꞌ, ne̱ caráyaꞌa̱nj uxrá Pilató cheꞌé yan quiꞌyaj soꞌ da̱nj a.

San Lucas 13:32

Ga̱a ne̱ cataj Jesús rihaan nij soꞌ a: ―Ase vaa chunee avii ndoꞌo raa̱ quiꞌya̱j sayuun vaa Herodes, ne̱ caꞌa̱nj soj, ne̱ cata̱j soj rihaan soꞌ se vaa ꞌu̱nj me se rii ꞌu̱nj nana̱ chre̱e nimán nij yuvii̱, ne̱ naquiꞌyaj sa̱ꞌ ꞌu̱nj man nij síí ranꞌ, ne̱ ꞌo̱ güii cuanꞌ ne̱ ꞌo̱ güii aꞌyuj ne̱ rque vaꞌnu̱j gue̱e̱ güii qui̱ꞌyáá ꞌu̱nj se‑su̱nj, ne̱ veé da̱nj quisi̱j se‑su̱nj, qui̱ꞌyáj na̱nj ado̱nj.

San Lucas 23:10

Tza̱j ne̱ nicu̱nꞌ nij xrej ata̱ suun noco̱o nicu̱nꞌ nij síí naquiꞌyaj cu̱u stucua̱nj Moisés nicu̱nꞌ, ne̱ nucua̱j ndoꞌo cutaꞌ nij soꞌ cacunꞌ xráá Jesús a.

San Juan 19:9

Ga̱a ne̱ catúj uún soꞌ tucuá suun, ne̱ xnáꞌanj soꞌ man Jesús, cataj soꞌ a: ―Me rej cavii so̱ꞌ ga̱ ―taj soꞌ, xnáꞌanj soꞌ man Jesús a. Tza̱j ne̱ a̱ ꞌó nana̱ ne caꞌmi̱i̱ Jesús rihaan soꞌ a̱ maꞌ.

Hechos 8:32

Dan me se nana̱ nayaa síí “eunuco” yoꞌ rihaan Danj Yaꞌanj roꞌ, me nana̱ nihánj a: Ase vaa dínj tuꞌva matzinj ga̱a uchiꞌ xoꞌ rihaan síí ticavi̱ꞌ man xoꞌ do̱ꞌ, ase vaa dínj tuꞌva matzinj leꞌe̱j ga̱a uchiꞌ xoꞌ rihaan síí caca̱ cachij xráá xoꞌ do̱ꞌ, da̱nj quiꞌyaj soꞌ, ne̱ a̱ doj nana̱ ne caꞌmi̱i̱ soꞌ maꞌ.

1 Pedro 2:23

Caꞌmii chre̱e yuvii̱ cheꞌé soꞌ, tza̱j ne̱ ne caꞌmi̱i̱ chre̱e soꞌ cheꞌé nij yuvii̱ maꞌ. Quiranꞌ soꞌ sayuun, tza̱j ne̱ ne caꞌmi̱i̱ soꞌ nana̱ qui̱j maꞌ. Tana̱nj guun rá soꞌ se vaa Yaꞌanj si̱j aꞌneꞌ nica̱ cacunꞌ cheꞌé níꞌ roꞌ, soꞌ me síí caꞌne̱ꞌ cacunꞌ cheꞌé soꞌ vaa güii a.