San Lucas 23:32 - Triqui de San Juan Copala

³² Ne̱ nica̱j nij tanuu man yavíj síí tumé cacunꞌ, caꞌanj nij soꞌ rej cavi̱ꞌ ro̱j soꞌ ga̱ Jesús a.

San Lucas 23:32 Iomraidhean Croise

San Mateo 27:38

Ga̱a ne̱ cachrón nij tanuu man yavíj snóꞌo rihaan yavíj rcutze̱ yoꞌ, ne̱ yavíj ro̱j soꞌ me síí itu̱u̱ a. Dan me se nicu̱nꞌ ꞌo̱ soꞌ rej nuva̱ꞌ Jesús, ne̱ nicu̱nꞌ ꞌó soꞌ rej nichru̱un Jesús a.

San Marcos 15:27

Ga̱a ne̱ cachrón nij tanuu man yavíj snóꞌo rihaan yavíj rcutze̱, ne̱ síí itu̱u̱ me ro̱j soꞌ a. Dan me se nicu̱nꞌ ꞌo̱ soꞌ rej nuva̱ꞌ Jesús, ne̱ nicu̱nꞌ ꞌó soꞌ rej nichru̱un Jesús a.

San Lucas 22:37

ꞌO̱ se vaa nana̱ no̱ rihaan Danj Yaꞌanj taj a: “Cataj nii se vaa si̱j ꞌyaj cacunꞌ me soꞌ a”, taj Danj Yaꞌanj cheꞌé ꞌu̱nj, ne̱ vaa cheꞌé quisi̱j ya̱ nu̱ꞌ nana̱ cheꞌej a. ꞌO̱ se da̱j doj quisi̱j se vaa ꞌyáá ꞌu̱nj rihaan chumii̱ nihánj na̱nj ado̱nj ―taj Jesús rihaan nij soꞌ a.

San Lucas 23:31

ꞌO̱ se ase vaa chruun maree̱ vaa iꞌna̱ꞌ vaa ꞌu̱nj nihánj, tza̱j ne̱ da̱nj na̱nj ticavi̱ꞌ nii manj a. Táá a̱ nij síí ya̱nj chumanꞌ Jerusalén, ne̱ ase vaa chruun naco̱o̱ caviꞌ vaa nij síí tumé cacunꞌ ya̱nj chumanꞌ Jerusalén, ne̱ cheꞌé dan chiꞌi̱i̱ uxrá doj quira̱nꞌ nij soꞌ na̱nj ado̱nj ―taj Jesús rihaan nij chana̱ a.

San Juan 19:18

Ne̱ ga̱a cuchiꞌ nij soꞌ rej yoꞌ, ga̱a ne̱ cachrón nij tanuu man soꞌ rihaan rcutze̱ a. Ne̱ yavíj ro̱j soꞌ cachrón uún nij tanuu rihaan yavíj rcutze̱ uún, ne̱ ꞌo̱ soꞌ roꞌ, nicu̱nꞌ rej nuva̱ꞌ Jesús, ne̱ ꞌó soꞌ roꞌ, nicu̱nꞌ rej nichru̱un Jesús, ne̱ tanu̱u̱ nicunꞌ maꞌa̱n Jesús a.

2 Timoteo 2:9

Cheꞌé nana̱ nihánj ránꞌ ꞌu̱nj sayuun, ne̱ nda̱a ꞌni̱j ꞌu̱nj tagaꞌ, nda̱ꞌ rá se vaa ranꞌ síí tumé cacunꞌ chugua̱nj. ꞌO̱ se taj se ꞌyaj maꞌ. Xa̱ꞌ snana̱ Yaꞌanj, tza̱j ne̱ se̱ caꞌvee nu̱míj nii man yoꞌ do̱ꞌ, se̱ caꞌvee caxri̱i̱ nii tagaꞌ man nana̱ yoꞌ do̱ꞌ maꞌ.

Hebreos 12:2

Ma̱an se ꞌo̱ ni̱ꞌyaj níꞌ man Jesús á. Maꞌa̱n soꞌ me se síí cuchruj tucuáán amán rá niꞌya̱j man Yaꞌanj ado̱nj. Ne̱ veé soꞌ me síí quisíj quiꞌyaj ya̱ nu̱ꞌ suun cheꞌé rej canoco̱ꞌ níꞌ man Yaꞌanj ado̱nj. Dan me se neꞌen soꞌ se vaa rej riha̱a̱n gu̱un niha̱ꞌ uxrá rá nimán soꞌ sese quiꞌya̱j soꞌ se vaa me rá Yaꞌanj, ne̱ cheꞌé dan guun nucua̱j soꞌ caviꞌ soꞌ rihaan rcutze̱, ne̱ ne cara̱yaꞌa̱nj soꞌ se vaa caꞌngaꞌ naco̱o̱ yuvii̱ niꞌya̱j yuvii̱ man soꞌ maꞌ. Síj ga̱a ne̱ caꞌanj ca̱yáán soꞌ rej nuva̱ꞌ xrúún Yaꞌanj, chruun xlá sa̱ꞌ uxrá ado̱nj.