San Lucas 23:25 - Triqui de San Juan Copala

²⁵ Xa̱ꞌ síí ꞌni̱j tagaꞌ tumé cacunꞌ tucuáá rihaan tucuá suun gobiernó do̱ꞌ, ticaviꞌ man yuvii̱ do̱ꞌ, tza̱j ne̱ quirii Pilató man soꞌ ne̱ caꞌanj u̱u̱n soꞌ, nda̱a vaa cataj nij yuvii̱ a. Ne̱ Jesús roꞌ, caꞌvej rá Pilató quira̱nꞌ soꞌ nda̱a vaa guun rá nij yuvii̱ quira̱nꞌ soꞌ na̱nj ado̱nj.

San Lucas 23:25 Iomraidhean Croise

San Mateo 27:26

Ga̱a ne̱ quirii Pilató man Barrabás tagaꞌ cheꞌé nij yuvii̱ a. Ne̱ goꞌ nij tanuu cuartá xráá Jesús, quiꞌyaj Pilató, ne̱ tacuachén Pilató man soꞌ rihaan nij tanuu se vaa cachro̱n nij tanuu man soꞌ rihaan rcutze̱ a.

San Marcos 15:15

Ne̱ Pilató me se guun rá soꞌ quiꞌya̱j soꞌ se vaa gu̱un niha̱ꞌ rá nij yuvii̱, ne̱ cheꞌé dan quirii soꞌ man Barrabás tagaꞌ, ne̱ goꞌ nij tanuu cuartá xráá Jesús, quiꞌyaj soꞌ, ne̱ tacuachén soꞌ man Jesús rihaan nij tanuu cheꞌé rej cachro̱n nij tanuu man Jesús rihaan rcutze̱ a.

San Lucas 23:2

Ga̱a ne̱ cutaꞌ nij soꞌ cacunꞌ xráá soꞌ rihaan Pilató, ne̱ cataj nij soꞌ rihaan Pilató a: ―Síí nihánj roꞌ, me síí tucuꞌyón tucuáán ne̱ rihaan tuviꞌ núj si̱j israelitá a. Ne̱ cataj soꞌ se vaa se̱ goꞌ yuvii̱ impuestó rihaan síí nica̱j suun emperador cuꞌna̱j César, ne̱ taj soꞌ se vaa Si̱j Caꞌnéé Yaꞌanj gu̱un síí nica̱j suun rey me maꞌa̱n soꞌ, taj soꞌ ado̱nj ―taj nij soꞌ rihaan Pilató, niꞌya̱j nij soꞌ man Jesús a.

San Lucas 23:24

Ga̱a ne̱ guun ya̱ rá Pilató se vaa quiꞌya̱j soꞌ nda̱a vaa cataj nij yuvii̱ rihaan soꞌ a.

San Lucas 23:26

Dan me se nica̱j nij tanuu man Jesús caꞌanj nij soꞌ, ga̱a ne̱ taꞌaa nij soꞌ man ꞌo̱ síí cuꞌna̱j Simón síí cavii chumanꞌ Cirene ga̱a ꞌnaꞌ nique soꞌ rej tacaan, ne̱ cutaꞌ nij tanuu rcutze̱ xráá soꞌ ata̱ soꞌ rcutze̱ ꞌnaꞌ soꞌ rej xco̱ Jesús a.

San Lucas 23:5

Tza̱j ne̱ nucua̱j doj caꞌmii nij soꞌ, cataj nij soꞌ a: ―Tza̱j ne̱ tinachej raa̱ soꞌ man nij yuvii̱ na̱nj á. Ne̱ va̱j soꞌ tucuꞌyón soꞌ snana̱ soꞌ nu̱ꞌ estadó Judea nihánj a. Guun cheꞌe̱ soꞌ tucuꞌyón soꞌ snana̱ soꞌ estadó Galilea, ne̱ ꞌnaꞌ soꞌ nda̱a nihánj tucuꞌyón soꞌ na̱nj ado̱nj ―taj nij soꞌ rihaan Pilató a.

San Juan 18:40

Cheꞌé dan caguáj uún nij yuvii̱, cataj nij soꞌ a: ―Se̱ quirii so̱ꞌ man síí nihánj a̱ maꞌ. Tana̱nj síí cuꞌna̱j Barrabás quiri̱i̱ so̱ꞌ á ―taj nij yuvii̱, caguáj nij yuvii̱ a. Ne̱ Barrabás me se si̱j guun rá cunu̱ꞌ ga̱ gobiernó me soꞌ a.

San Juan 19:16

Ga̱a ne̱ tacuachén Pilató man Jesús rihaan nij soꞌ cachro̱n nij soꞌ man soꞌ rihaan rcutze̱ a. Dan me se caꞌanj nica̱j nij soꞌ man Jesús,

Hechos 3:14

’Dan me se cataj soj se vaa ne gu̱un rá soj ni̱ꞌyaj soj man Síí Sa̱ꞌ Ina̱nj do̱ꞌ, Síí Nica̱ Ina̱nj Nimán do̱ꞌ maꞌ. Ma̱an se cachíín niꞌya̱j soj rihaan Pilató se vaa quiri̱i̱ soꞌ tagaꞌ man ꞌo̱ síí ticaviꞌ man yuvii̱ a.