San Lucas 23:13 - Triqui de San Juan Copala

¹³ Dan me se canacúún síí cuꞌna̱j Pilató man nij xrej ata̱ suun noco̱o do̱ꞌ, man nij síí uun chij rihaan nij yuvii̱ israelitá do̱ꞌ, man maꞌa̱n nij yuvii̱ do̱ꞌ, se vaa caꞌna̱ꞌ nij soꞌ cunu̱u chre̱ꞌ nij soꞌ rihaan soꞌ a.

San Lucas 23:13 Iomraidhean Croise

San Marcos 15:14

Ga̱a ne̱ cataj Pilató rihaan nij yuvii̱ a: ―Tza̱j ne̱ me cacunꞌ tumé soꞌ ga̱ ―taj Pilató a. Tza̱j ne̱ doj a̱ caguáj nij yuvii̱, cataj nij yuvii̱ a: ―Cavi̱ꞌ soꞌ rihaan rcutze̱, qui̱ꞌyáá so̱ꞌ cuaj á ―taj nij yuvii̱ caguáj nij soꞌ a.

San Lucas 23:35

Ne̱ canicunꞌ queꞌe̱e̱ yuvii̱ niꞌya̱j da̱j quira̱nꞌ Jesús a. Dan me se caꞌngaꞌ naco̱o̱ nij síí uun chij, cataj nij soꞌ a: ―Tinanii soꞌ man ꞌó yuvii̱ rihaan sayuun, rá soꞌ á. Ti̱nanii soꞌ man maꞌa̱n soꞌ ya̱j vi̱j. Sese si̱j narii Yaꞌanj me soꞌ do̱ꞌ, sese Si̱j Caꞌnéé Yaꞌanj Ti̱nanii man Yuvii̱ rihaan Sayuun me soꞌ do̱ꞌ, ne̱ caꞌve̱e ti̱nanii soꞌ man maꞌa̱n soꞌ a ―taj nij síí uun chij niꞌya̱j nij soꞌ man Jesús a.

San Lucas 24:20

Ne̱ dan me se caꞌneꞌ nij xrej ata̱ suun noco̱o caꞌneꞌ nij síí nica̱j suun caꞌneꞌ suun se vaa cavi̱ꞌ soꞌ, ga̱a ne̱ cachrón nii man soꞌ rihaan rcutze̱ a.

San Juan 12:42

Tza̱j ne̱ cuchumán rá queꞌe̱e̱ nij síí uun chij rihaan nij yuvii̱ israelitá niꞌya̱j nij soꞌ man Jesús a. Tza̱j ne̱ ne cata̱j xnaꞌanj nij soꞌ se vaa cuchumán rá nij soꞌ maꞌ. ꞌO̱ se cuchuꞌviꞌ nij soꞌ niꞌya̱j nij soꞌ man nij síí fariseo, se vaa cuta̱ꞌ nij síí fariseo cacunꞌ xráá nij soꞌ, ga̱a ne̱ quiri̱i̱ yaníj nij síí fariseo man nij soꞌ rque veꞌ tucuꞌyón nij síí israelitá stucua̱nj Moisés a.

San Juan 18:38

Ne̱ cataj Pilató rihaan soꞌ a: ―A̱ me nana̱ cuꞌna̱j nana̱ ya̱ ga̱ ―taj Pilató, xnáꞌanj Pilató man Jesús a. Ne̱ ga̱a quisíj caꞌmii síí cuꞌna̱j Pilató nana̱ vaa da̱nj ga̱ Jesús, ne̱ curiha̱nj uún soꞌ rej nicu̱nꞌ nij síí uun chij rihaan nij yuvii̱ israelitá, ne̱ cataj soꞌ rihaan nij soꞌ a: ―Taj va̱j a̱ doj cacunꞌ tumé soꞌ naríꞌ ꞌu̱nj a̱ maꞌ.

San Juan 19:4

Ga̱a ne̱ curiha̱nj uún Pilató xeꞌ, ne̱ cataj soꞌ rihaan nij yuvii̱ a: ―Ni̱ꞌyaj soj á. Cu̱riha̱nj uún soꞌ rihaan soj, qui̱ꞌyáj, cheꞌé rej xca̱j soj cuentá se vaa taj va̱j cacunꞌ tumé soꞌ naríꞌ ꞌu̱nj a̱ maan chugua̱nj ―taj Pilató rihaan nij yuvii̱ a.

San Juan 3:1

Dan me se vaa ꞌo̱ síí fariseo cuꞌna̱j Nicodemo, ne̱ ꞌo̱ síí uun chij rihaan nij yuvii̱ israelitá me soꞌ a.

San Juan 7:26

Ne̱ nihánj aꞌmii ranga̱ꞌ soꞌ, ne̱ a̱ ꞌó nana̱ ne aꞌmii nij soꞌ rihaan soꞌ maan asânj. Ya̱ ya̱ Síí Caꞌnéé Yaꞌanj Ti̱nanii man Yuvii̱ rihaan Sayuun me soꞌ, rá nij síí uun chij rihaan níꞌ si̱j israelitá naꞌ.

San Juan 7:48

ꞌO̱ se a̱ ꞌó nij síí uun chij rihaan níꞌ si̱j israelitá do̱ꞌ, a̱ ꞌó nij síí fariseo do̱ꞌ, ne cuchuma̱n rá se vaa si̱j caꞌnéé Yaꞌanj me soꞌ a̱ maꞌ.

Hechos 13:27

ꞌO̱ se tuviꞌ níꞌ síí ya̱nj chumanꞌ Jerusalén do̱ꞌ, nij síí uun chij rihaan nij soꞌ do̱ꞌ, ne xca̱j nij soꞌ cuentá cheꞌé Jesús, ne̱ cutaꞌ nij soꞌ cacunꞌ xráá soꞌ se vaa no̱ xcúún soꞌ ticavi̱ꞌ nii man soꞌ a. Ga̱a quiꞌyaj nij soꞌ da̱nj, ne̱ quisíj ya̱ nu̱ꞌ snana̱ nij síí nataꞌ snana̱ Yaꞌanj ga̱a naá nana̱ nayaa níꞌ da̱j a̱ güii naránj rá na̱nj á.

Hechos 3:17

’Ne̱ nihánj me se neꞌén ꞌu̱nj se vaa cheꞌé se ne queneꞌe̱n soj da̱j si̱j me Jesús, ne̱ cheꞌé dan caviꞌ soꞌ quiꞌyaj soj ga̱ nij síí uun chij rihaan soj na̱nj ado̱nj.

Hechos 4:5

Ne̱ ꞌó güii me se cunuu chre̱ꞌ nij síí nica̱j suun do̱ꞌ, nij síí uun chij do̱ꞌ, nij síí naquiꞌyaj cu̱u stucua̱nj Moisés do̱ꞌ, chumanꞌ Jerusalén ga̱

Hechos 4:8

Dan me se nu̱u̱ ndoꞌo Nimán Yaꞌanj nimán Pedró, ne̱ cataj Pedró rihaan nij soꞌ a: ―Cuno̱ nij soj si̱j nica̱j suun rii taꞌngaꞌ rihaan nij yuvii̱ do̱ꞌ, cuno̱ soj si̱j uun chij do̱ꞌ, nana̱ cata̱j xnaꞌanj ꞌu̱nj rihaan nij soj á.