San Lucas 22:43 - Triqui de San Juan Copala

⁴³ Ga̱a ne̱ curuviꞌ ꞌo̱ se‑mo̱zó Yaꞌanj cavii rej xta̱ꞌ rihaan soꞌ, ne̱ nariꞌ nucuaj nimán soꞌ, quiꞌyaj se‑mo̱zó Yaꞌanj yoꞌ a.

San Lucas 22:43 Iomraidhean Croise

San Mateo 26:53

Ne̱ ne neꞌén so̱ꞌ se vaa gu̱un nu̱cuáj cachi̱nj ni̱ꞌyáj rihaan Réj, ne̱ caꞌna̱ꞌ ri̱i̱ uxrá se‑mo̱zó Réj rihanj cuano̱ ra̱cuíj nij soꞌ manj a̱ naꞌ.

San Mateo 4:11

Ga̱a ne̱ tanáj Síí Chre̱e man soꞌ, caꞌanj Síí Chre̱e, ga̱a ne̱ ta̱j niꞌyo̱n cuchiꞌ nij se‑mo̱zó Yaꞌanj rihaan Jesús, rqué nij soꞌ me maꞌa̱n se cachiin rihaan Jesús a.

San Mateo 4:6

ne̱ cataj soꞌ rihaan Jesús a: ―Sese ya̱ Taꞌni̱j Yaꞌanj mé so̱ꞌ, ne̱ güe̱j so̱ꞌ, ne̱ nani̱j gue̱e̱ so̱ꞌ rihaan yoꞌóó á. ꞌO̱ se Danj Yaꞌanj taj a: Caꞌne̱ꞌ Yaꞌanj suun rihaan nij se‑mo̱zó soꞌ se vaa tu̱mé nij soꞌ mán so̱ꞌ, ne̱ ca̱ráán raꞌa nij soꞌ mán so̱ꞌ, se̱ gaa na̱nj cano̱ tacóó so̱ꞌ yahij a, da̱nj taj Danj Yaꞌanj ―taj Síí Chre̱e rihaan Jesús ado̱nj.

San Lucas 22:32

Tza̱j ne̱ a̱j cachíín ni̱ꞌyáá ꞌu̱nj rihaan Yaꞌanj cheꞌé so̱ꞌ, se vaa se̱ caꞌneꞌ rá so̱ꞌ ga̱ suun amán rá niꞌya̱j manj a̱ maꞌ. Ga̱a ne̱ asa̱ꞌ nanica̱j nimán so̱ꞌ canoco̱ꞌ uún so̱ꞌ manj roꞌ, ga̱a ne̱ ra̱cuíj so̱ꞌ man nij tinúú so̱ꞌ se vaa cunu̱u sca̱ꞌ doj nimán nij soꞌ uún na̱nj á ―taj Jesús rihaan Simón Pedró a.

Hechos 14:22

Ne̱ nariꞌ nucuaj nimán cunuda̱nj nij síí tucuꞌyón snana̱ Jesucristó, quiꞌyaj ro̱j soꞌ a. Ne̱ narqué ro̱j soꞌ chrej nucua̱j man nij síí tucuꞌyón snana̱ Jesucristó se vaa daj chiha̱a̱ míj se̱ caꞌneꞌ rá nij soꞌ ga̱ suun noco̱ꞌ stucua̱nj Jesucristó a. Ne̱ cataj ro̱j soꞌ se vaa asino quira̱nꞌ ndoꞌo níꞌ sayuun, ga̱a ne̱ caꞌve̱e catu̱u̱ níꞌ ca̱yáán níꞌ ga̱ Yaꞌanj asa̱ꞌ guun chij Yaꞌanj, taj ro̱j soꞌ a.

Hechos 18:23

Ne̱ guun ra̱a̱n soꞌ do̱j chumanꞌ Antioquía, ga̱a ne̱ caꞌanj soꞌ nda̱a vaa naj ꞌo̱ ꞌo̱ chumanꞌ na̱j rej yoꞌóó Galacia do̱ꞌ, estadó Frigia do̱ꞌ, ne̱ nariꞌ nucuaj rá cunuda̱nj nij síí tucuꞌyón snana̱ Jesucristó ya̱nj nij chumanꞌ yoꞌ, quiꞌyaj soꞌ a.

1 Timoteo 3:16

Neꞌen cunuda̱nj níꞌ se vaa noco̱o uxrá vaa nana̱ sa̱ꞌ yuve̱ tihaa̱n naca̱ Yaꞌanj man níꞌ nana̱ canocoꞌ níꞌ, ne̱ nihánj me nana̱ yoꞌ a: Curiha̱nj Yaꞌanj rihaan chumii̱, ne̱ guun soꞌ yuvii̱ a. Veꞌé ndoꞌo quiꞌyaj soꞌ, cataj Nimán Yaꞌanj a. Queneꞌen nij se‑mo̱zó Yaꞌanj man soꞌ a. Nataꞌ nii cheꞌé soꞌ rihaan nij yuvii̱ yaníj a. Cuchumán rá taꞌa̱j nij síí ma̱n rihaan chumii̱ nihánj niꞌya̱j nij soꞌ man soꞌ a. Quinanꞌ soꞌ xta̱ꞌ, ne̱ niꞌndaj ya̱ veꞌé nacaj nij síí ma̱n xta̱ꞌ man soꞌ a. Yoꞌ me nana̱ noco̱ꞌ níꞌ a.

Hebreos 1:14

Dan me se xa̱ꞌ nij se‑mo̱zó Yaꞌanj, tza̱j ne̱ nana̱ u̱u̱n me nij soꞌ a. Síí nu̱u̱ rihaan Yaꞌanj me nij soꞌ, ne̱ aꞌnéé Yaꞌanj man nij soꞌ ra̱cuíj nij soꞌ man níꞌ si̱j nani̱i̱ rihaan sayuun ne̱ cavi̱i̱ sa̱ꞌ na̱nj ado̱nj.

Hebreos 1:6

Ne̱ ꞌó nana̱ taj se vaa, ga̱a nica̱j Yaꞌanj man Taꞌníí soꞌ síí chava̱ꞌ caꞌnaꞌ soꞌ rihaan chumii̱, taj soꞌ a: Cara̱a̱ gue̱e̱ cunuda̱nj nij se‑mo̱zó Yaꞌanj rihaan soꞌ á.

Hebreos 2:17

Cheꞌé dan me naquiꞌyaj soꞌ man soꞌ nda̱a rá se vaa gue̱e̱ nij tinúú ya̱ soꞌ ado̱nj. Da̱nj quiꞌyaj soꞌ cheꞌé rej caꞌve̱e cunu̱u ꞌe̱e̱ rá soꞌ man níꞌ, ne̱ gu̱un soꞌ xrej sa̱ꞌ rá ata̱ suun noco̱o doj rihaan Yaꞌanj cheꞌé níꞌ, ne̱ gu̱un nucua̱j rá níꞌ ni̱ꞌyaj níꞌ man soꞌ, ne̱ tinavi̱j soꞌ cacunꞌ tumé níꞌ si̱j noco̱ꞌ man Yaꞌanj ado̱nj.