San Lucas 22:18 - Triqui de San Juan Copala

¹⁸ ꞌO̱ se cata̱j xnaꞌanj ꞌu̱nj rihaan soj cuano̱ se vaa se̱ coꞌo uún ꞌu̱nj na vinó nihánj nda̱a quisi̱j güii gu̱un chij Yaꞌanj ado̱nj ―taj Jesús rihaan nij soꞌ a.

San Lucas 22:18 Iomraidhean Croise

San Mateo 16:18

Ne̱ cuano̱ nihánj me se cata̱j xnaꞌanj ꞌu̱nj rihaan so̱ꞌ se vaa ya̱ Pedró cuꞌna̱j so̱ꞌ, cheꞌé se ase vaa yuvej na̱j tacóó veꞌ roꞌ, vaa so̱ꞌ, ne̱ síí nucua̱j ndoꞌo nimán mé so̱ꞌ ado̱nj. Cheꞌé dan, ase vaa ꞌyaj nii uneꞌ nii veꞌ xráá yuvej roꞌ, da̱nj ga̱a̱ qui̱ꞌyáj, cune̱ꞌ ꞌu̱nj man xꞌneꞌ nij síí noco̱ꞌ manj, se vaa gu̱un nucua̱j rá nij soꞌ mán so̱ꞌ na̱nj ado̱nj. Ne̱ se̱ quiꞌyaj canaán se ꞌyaj aviꞌ yuvii̱ man xꞌneꞌ nij síí noco̱ꞌ manj a̱ maꞌ.

San Mateo 26:29

Cata̱j xnaꞌanj ꞌu̱nj rihaan soj se vaa se̱ coꞌo uún ꞌu̱nj na vinó nihánj nda̱a quisi̱j güii coꞌo̱ naca̱ ꞌu̱nj ga̱ soj rej uun chij Réé ꞌu̱nj ado̱nj ―taj Jesús rihaan nij síí tucuꞌyón snana̱ soꞌ a.

San Marcos 14:23

Ga̱a ne̱ taꞌaa Jesús agaꞌ tazá nu̱u̱ na vinó, ne̱ cataj soꞌ guun niꞌya̱j níꞌ rihaan Yaꞌanj, ne̱ tacuachén soꞌ agaꞌ nu̱u̱ na vinó rihaan nij soꞌ, ne̱ coꞌo cunuda̱nj nij soꞌ a.

San Marcos 14:25

Ne̱ cata̱j yá yá ꞌu̱nj rihaan soj cuano̱ se vaa se̱ coꞌo uún ꞌu̱nj na vinó nihánj nda̱a quisi̱j güii coꞌo̱ naca̱ ꞌu̱nj rej uun chij Réé ꞌu̱nj ado̱nj ―taj Jesús a.

San Marcos 15:23

Ga̱a ne̱ rqué nij tanuu do̱j na vinó nachej ga̱ rmedió e̱ꞌ cuꞌna̱j “mirra” man Jesús coꞌo̱ soꞌ a. Tza̱j ne̱ ne coꞌo̱ soꞌ maꞌ.

San Marcos 9:1

Ga̱a ne̱ cataj uún soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa xa̱ꞌ taꞌa̱j soj si̱j nicu̱nꞌ nihánj cuano̱, me se ga̱a ataa a̱ cavi̱ꞌ taꞌa̱j soj, ne̱ ya̱ queneꞌe̱n taꞌa̱j soj asa̱ꞌ guun cheꞌe̱ Yaꞌanj nucua̱j ndoꞌo uun chij soꞌ na̱nj ado̱nj ―taj Jesús a.

San Lucas 21:31

Dan me se xca̱j uún soj cuentá se vaa asa̱ꞌ queneꞌen soj nu̱ꞌ se vaa cataj xnaꞌanj ꞌu̱nj rihaan soj cuano̱, ne̱ a̱j nichrunꞌ se vaa gu̱un cheꞌe̱ Yaꞌanj gu̱un chij Yaꞌanj na̱nj ado̱nj.

San Lucas 22:16

ꞌO̱ se cata̱j xnaꞌanj ꞌu̱nj rihaan soj cuano̱ se vaa se̱ chá xtiꞌno̱ uún ꞌu̱nj ga̱ soj a̱ ꞌó chaꞌanj nihánj nda̱a se quisi̱j güii ca̱nuû Chaꞌanj Pascuá naca̱ asa̱ꞌ guun chij Yaꞌanj a̱ maan ado̱nj ―taj Jesús rihaan nij soꞌ a.

San Lucas 9:27

Nihánj me se cata̱j yá ꞌu̱nj rihaan soj se vaa xa̱ꞌ taꞌa̱j soj si̱j nicu̱nꞌ nihánj cuano̱ me se ga̱a ataa a̱ cavi̱ꞌ taꞌa̱j soj, ne̱ ya̱ queneꞌe̱n taꞌa̱j soj asa̱ꞌ guun cheꞌe̱ Yaꞌanj uun chij Yaꞌanj rihaan chumii̱ nihánj na̱nj ado̱nj ―taj Jesús rihaan cunuda̱nj nij soꞌ a.

Colosenses 1:13

Asino ya̱a̱n me se guun chij Síí Chre̱e rihaan níꞌ, ne̱ ase vaa síí chéé rej rmi̱ꞌ roꞌ, da̱nj vaa níꞌ ga̱a rque̱ a. Tza̱j ne̱ ya̱j me se tinanii Yaꞌanj man níꞌ rihaan Síí Chre̱e, ne̱ ya̱j uun chij Taꞌníí Yaꞌanj rihaan níꞌ quiꞌyaj Yaꞌanj ado̱nj. Dan me se ꞌe̱e̱ ndoꞌo rá Yaꞌanj man Taꞌníí soꞌ,