San Lucas 22:15 - Triqui de San Juan Copala

¹⁵ Ga̱a ne̱ cataj Jesús rihaan nij soꞌ a: ―Guun ndoꞌo raj cha̱ xtiꞌno̱ ꞌu̱nj cheꞌé Chaꞌanj Pascuá nihánj ga̱ nij soj cuano̱ nihánj ga̱a ataa qui̱ránꞌ ꞌu̱nj sayuun a.

San Lucas 22:15 Iomraidhean Croise

San Lucas 12:50

Tza̱j ne̱ rej rihaan níꞌ me se vaa uxrá sayuun qui̱ránꞌ ꞌu̱nj, se vaa nata̱ꞌ nu̱ꞌ sayuun yoꞌ xráj na̱nj á.

San Lucas 22:14

Ne̱ quisíj orá cha̱ xtiꞌno̱ nij soꞌ, ne̱ caꞌnaꞌ Jesús ga̱ nij síí cuneꞌ soꞌ caꞌa̱nj nata̱ꞌ snana̱ soꞌ, ga̱a ne̱ caꞌanj ca̱yáán ta̱ranꞌ nij soꞌ rihaan mesá a.

San Lucas 22:16

ꞌO̱ se cata̱j xnaꞌanj ꞌu̱nj rihaan soj cuano̱ se vaa se̱ chá xtiꞌno̱ uún ꞌu̱nj ga̱ soj a̱ ꞌó chaꞌanj nihánj nda̱a se quisi̱j güii ca̱nuû Chaꞌanj Pascuá naca̱ asa̱ꞌ guun chij Yaꞌanj a̱ maan ado̱nj ―taj Jesús rihaan nij soꞌ a.

San Juan 13:1

Dan me se ga̱a ataa ca̱nuû Chaꞌanj Pascuá, ne̱ queneꞌen Jesús se vaa nichrunꞌ quisi̱j orá ta̱náj soꞌ chumii̱ nihánj ne̱ quina̱nꞌ soꞌ rihaan Rej soꞌ Yaꞌanj a. Dan me se ꞌe̱e̱ rá soꞌ man nij síí cachéé ga̱ soꞌ rihaan chumii̱ nihánj, ne̱ ꞌo̱ ꞌe̱e̱ rá soꞌ man nij soꞌ nda̱a se caviꞌ soꞌ a.

San Juan 17:1

Quisíj caꞌmii Jesús nana̱ dan rihaan nij síí tucuꞌyón snana̱ soꞌ, ga̱a ne̱ naxca̱j rihaan soꞌ, niꞌya̱j soꞌ rej xta̱ꞌ, ne̱ cataj soꞌ a: ―A̱j quisíj orá yoꞌ, Ata̱j. Qui̱ꞌyáá so̱ꞌ se vaa veꞌé uxrá caꞌmi̱i̱ yuvii̱ cheꞌé ꞌu̱nj si̱j Taꞌníí so̱ꞌ, ne̱ veꞌé uxrá caꞌmi̱i̱ yuvii̱ cheꞌé so̱ꞌ, qui̱ꞌyáj,

San Juan 4:34

Ga̱a ne̱ cataj Jesús rihaan nij soꞌ a: ―Sese ꞌyáá ꞌu̱nj nda̱a vaa me rá síí caꞌnéé manj qui̱ꞌyáj, ne̱ sese navij quisíj suun caꞌneꞌ soꞌ rihanj, ne̱ ase vaa se chá vaa yoꞌ rihanj ado̱nj.