San Lucas 22:11 - Triqui de San Juan Copala

¹¹ Ne̱ cata̱j ro̱j so̱j rihaan síí tucua̱ veꞌ yoꞌ a: “Xnáꞌanj maestró mán so̱ꞌ me rej yáán cuartó cha̱ xtiꞌno̱ maestró ga̱ nij síí tucuꞌyón snana̱ soꞌ cheꞌé Chaꞌanj Pascuá, taj soꞌ a”, cata̱j ro̱j so̱j rihaan síí tucua̱ veꞌ yoꞌ a.

San Lucas 22:11 Iomraidhean Croise

San Mateo 21:3

Ne̱ sese xna̱ꞌanj nii man ro̱j so̱j me cheꞌé nache ro̱j so̱j burró, ne̱ cata̱j ro̱j so̱j a: “Síí ꞌNi̱j Raꞌa man níꞌ achiin ro̱j xcuu nihánj rihaan chugua̱nj. Tza̱j ne̱ rque do̱j nanica̱j uún ro̱j xoꞌ, quiꞌya̱j soꞌ na̱nj á” ―taj Jesús rihaan ro̱j so̱ꞌ a.

San Marcos 14:14

Ne̱ rihaan síí tucua̱ veꞌ catu̱u̱ soꞌ me se cata̱j ro̱j so̱j a: “Xnáꞌanj se‑maestro̱ níꞌ mán so̱ꞌ me rej ne veꞌ cha̱ xtiꞌno̱ maestró ga̱ nij síí tucuꞌyón snana̱ soꞌ cheꞌé Chaꞌanj Pascuá, taj soꞌ a”, cata̱j ro̱j so̱j rihaan síí tucua̱ veꞌ yoꞌ á.

San Lucas 19:31

Ne̱ sese xna̱ꞌanj nii man ro̱j so̱j me cheꞌé nache ro̱j so̱j burró, ne̱ cata̱j ro̱j so̱j a: “Síí ꞌNi̱j Raꞌa man níꞌ achiin xcuu nihánj rihaan chugua̱nj”, cata̱j ro̱j so̱j á ―taj Jesús rihaan ro̱j síí tucuꞌyón snana̱ soꞌ a.

San Lucas 19:34

Ga̱a ne̱ cataj ro̱j soꞌ rihaan nij síí da̱a̱n burró a: ―Síí ꞌNi̱j Raꞌa man níꞌ achiin xcuu nihánj rihaan chugua̱nj ―taj ro̱j soꞌ a.

San Lucas 19:5

Dan me se ga̱a cuchiꞌ Jesús tacóó chruun ta̱j Zaqueo, ne̱ niꞌya̱j Jesús raa̱ chruun, ne̱ cataj soꞌ rihaan Zaqueo a: ―Nani̱j so̱ꞌ cuaj rihaan yoꞌóó, Zaqueo. ꞌO̱ se vaa cheꞌé ndoꞌo ca̱ránꞌ ꞌu̱nj veꞌ tucuá so̱ꞌ cuanꞌ á ―taj Jesús rihaan Zaqueo a.

San Lucas 22:10

Ga̱a ne̱ cataj Jesús rihaan ro̱j soꞌ a: ―Cuno̱ ro̱j so̱j caꞌmi̱j á. Asa̱ꞌ catúj ro̱j so̱j chumanꞌ yoꞌ, ne̱ nari̱ꞌ tuviꞌ ro̱j so̱j ga̱ ꞌo̱ síí táá chiha̱ ꞌo̱ cacuaj na, ne̱ canoco̱ꞌ ro̱j so̱j man soꞌ, catu̱u̱ ro̱j so̱j rá veꞌ catu̱u̱ soꞌ a.

San Lucas 22:12

Ga̱a ne̱ ti̱haa̱n soꞌ ꞌo̱ cuartó xi̱j vaa rej xta̱ꞌ rque veꞌ nataꞌ yoꞌ rihaan ro̱j so̱j, ne̱ a̱j vaa chuvi̱i rá veꞌ yoꞌ, ne̱ ma̱n chruun mesá ma̱n chruun xlá ma̱n rá veꞌ yoꞌ a. Yoꞌ me rej quiꞌya̱j chuvi̱i ro̱j so̱j á ―taj Jesús rihaan ro̱j soꞌ a.

San Juan 11:28

Dan me se quisíj caꞌmii noꞌ da̱nj, ga̱a ne̱ caꞌanj noꞌ, ne̱ canacúún yuve̱ noꞌ man chuꞌvij noꞌ Mariá, cataj noꞌ a: ―A̱j caꞌnaꞌ maestró, ne̱ nacúún soꞌ mán so̱ꞌ a ―taj noꞌ rihaan Mariá a.

Apocalipsis 3:20

Nihánj me se ase vaa ꞌo̱ síí nicu̱nꞌ taꞌyaa ne̱ ticaꞌmii taꞌyaa roꞌ, vaa ꞌu̱nj a. Ne̱ sese vaa ꞌo̱ soꞌ cuno̱ snana̱j, ne̱ sese caꞌnu̱u̱ soꞌ taꞌyaa, ne̱ catu̱u̱ ꞌu̱nj rihaan soꞌ, ne̱ cha̱j ga̱ soꞌ, ne̱ soꞌ cha̱ ga̱ ꞌu̱nj a.