San Lucas 21:36 - Triqui de San Juan Copala

³⁶ Cheꞌé dan ꞌo̱ ni̱ꞌyaj soj, ne̱ xca̱j soj cuentá da̱j a̱ güii, ne̱ ina̱nj cachi̱nj niꞌya̱j soj rihaan Yaꞌanj se vaa caꞌve̱e nani̱i̱ soj rihaan nu̱ꞌ sayuun nihánj asa̱ꞌ gu̱un da̱nj rihaan chumii̱ nihánj a. Ga̱a ne̱ caꞌve̱e canicu̱nꞌ soj rihaan ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ á ―taj Jesús a.

San Lucas 21:36 Iomraidhean Croise

San Mateo 24:42

Cheꞌé dan tu̱mé uxrá soj man soj á. ꞌO̱ se ne neꞌen soj me güii caꞌna̱ꞌ Síí ꞌNi̱j Raꞌa man soj a̱ maꞌ.

San Mateo 24:43

Dan me se sese ꞌo̱ síí tucua̱ veꞌ roꞌ, a̱j neꞌen soꞌ me orá caꞌna̱ꞌ síí itu̱u̱ ne̱ quiꞌya̱j itu̱u̱ síí itu̱u̱ rasu̱u̱n ma̱n tucuá soꞌ, ne̱ uxrá tumé soꞌ tucuá soꞌ, ne̱ se̱ quiꞌyaj itu̱u̱ síí itu̱u̱ tucuá soꞌ tza̱j maꞌ.

San Mateo 24:44

Dan me se taꞌngaꞌ da̱nj vaa gue̱e̱ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ ne neꞌen soj me orá caꞌna̱ꞌ uún ꞌu̱nj maan ado̱nj. Cheꞌé dan ꞌo̱ cuma̱n naꞌvi̱j soj á.

San Mateo 25:13

’Cheꞌé dan tu̱mé uxrá nij soj man soj á. ꞌO̱ se ne neꞌen soj me güii caꞌna̱ꞌ ꞌu̱nj ne neꞌen soj me orá caꞌna̱ꞌ ꞌu̱nj ne neꞌen soj maꞌ.

San Mateo 26:41

Ma̱an se ni̱ꞌyaj soj, ne̱ cachi̱nj niꞌya̱j soj rihaan Yaꞌanj se vaa ca̱ráán Yaꞌanj rihaan Síí Chre̱e se̱ caxríj Síí Chre̱e chrej chiꞌi̱i̱ rque soj á. ꞌO̱ se niha̱ꞌ rá soj quiꞌya̱j soj se sa̱ꞌ, tza̱j ne̱ ne gu̱un nucua̱j soj maꞌ ―taj Jesús rihaan nij soꞌ a.

San Mateo 8:20

Ga̱a ne̱ cataj Jesús rihaan soꞌ a: ―ꞌO̱ se nij chunee roꞌ, otoj sa̱ꞌ nij xoꞌ rá yuꞌuj ta̱j rque yoꞌóó, ne̱ nij xtâj chéé xta̱ꞌ roꞌ, vaa saca̱ꞌ nij xoꞌ a. Ne̱ xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ taj a̱ ꞌó rej qui̱náá ꞌu̱nj coto̱j ꞌu̱nj a̱ maꞌ ―taj Jesús rihaan soꞌ a.

San Marcos 13:33

ꞌO̱ ni̱ꞌyaj soj, ne̱ se̱ guun coto̱j soj maꞌ. ꞌO̱ se ne neꞌen uxrá soj me güii me caꞌna̱j maꞌ.

San Marcos 13:37

Ne̱ nana̱ nihánj nana̱ taj xnaꞌanj ꞌu̱nj rihaan nij soj roꞌ, veé nana̱ nihánj taj xnaꞌanj ꞌu̱nj rihaan cunuda̱nj nij yuvii̱, se vaa tu̱mé soj man soj se̱ gaa na̱nj coto̱j rmaꞌa̱n soj á ―taj Jesús rihaan caꞌa̱nj nij síí tucuꞌyón snana̱ soꞌ a.

San Lucas 1:19

Ga̱a ne̱ cataj se‑mo̱zó Yaꞌanj rihaan Zacarías a: ―Gabriel síí nicu̱nꞌ rihaan Yaꞌanj mé ꞌu̱nj ado̱nj. Maꞌa̱n Yaꞌanj me síí caꞌnéé manj caꞌna̱j caꞌmi̱j ga̱ so̱ꞌ ado̱nj. Caꞌneꞌ soꞌ suun rihanj se vaa cata̱j xnaꞌanj ꞌu̱nj nana̱ sa̱ꞌ nihánj rihaan so̱ꞌ,

San Lucas 18:1

Ne̱ nanó Jesús cuentó nihánj rihaan nij síí tucuꞌyón snana̱ soꞌ, cheꞌé se guun rá soꞌ xca̱j nij síí tucuꞌyón snana̱ soꞌ cuentá se vaa no̱ xcúún nij soꞌ niga̱nj cachi̱nj niꞌya̱j nij soꞌ rihaan Yaꞌanj, ne̱ se̱ guun rmi̱i̱ nij soꞌ maꞌ.

San Lucas 20:35

tza̱j ne̱ ino̱ quiꞌya̱j nij yuvii̱ cunu̱u iꞌna̱ꞌ uún ca̱yáán ga̱ Yaꞌanj asa̱ꞌ quisíj güii yoꞌ na̱nj ado̱nj. ꞌO̱ se rej ya̱nj Yaꞌanj me se taj yan va̱j síí xcaj tuviꞌ yoꞌ maꞌ.

San Lucas 21:35

ꞌO̱ se nda̱a rá se vaa ꞌo̱ lazó ne̱ꞌ taꞌaa man xcuu roꞌ, da̱nj ga̱a̱ caꞌna̱ꞌ xráá cunuda̱nj chumii̱ nihánj ado̱nj.

Hechos 10:2

Ne̱ si̱j yaníj veꞌé ndoꞌo noco̱ꞌ man Yaꞌanj me soꞌ, ne̱ aráj cochro̱j ndoꞌo soꞌ rihaan Yaꞌanj, ne̱ ase vaa ꞌyaj soꞌ roꞌ, da̱nj ꞌyaj nij tucua̱ soꞌ uún a. Ne̱ rqué ndoꞌo soꞌ caridad rihaan nij yuvii̱, ne̱ niga̱nj cachíín niꞌya̱j soꞌ rihaan Yaꞌanj a.

1 Corintios 16:13

ꞌO̱ tu̱mé soj man soj á. Raan canoco̱ꞌ soj man Jesucristó á. Ga̱a̱ nucua̱j nimán soj, ne̱ ꞌo̱ caꞌne̱j nimán soj quiꞌya̱j soj se‑su̱u̱n Yaꞌanj á.

2 Corintios 4:14

cheꞌé se neꞌen núj se vaa Yaꞌanj me síí quiꞌyaj cunuu iꞌna̱ꞌ uún Jesús Si̱j ꞌNi̱j Raꞌa man níꞌ, ne̱ cheꞌé dan cunu̱u iꞌna̱ꞌ uún maꞌa̱n núj ga̱ Jesús, quiꞌya̱j uún Yaꞌanj, ga̱a ne̱ canicu̱nꞌ núj do̱ꞌ, maꞌa̱n soj do̱ꞌ, rihaan Jesús, quiꞌya̱j Yaꞌanj ado̱nj.

Colosenses 4:2

Dan me se se̱ caꞌneꞌ rá soj ga̱ suun cachi̱nj niꞌya̱j rihaan Yaꞌanj maꞌ. Ne̱ ta̱dó soj cuma̱n soj, ne̱ niga̱nj cata̱j soj guun niꞌya̱j níꞌ rihaan Yaꞌanj á.

1 Tesalonicenses 5:17

ne̱ se̱ caꞌneꞌ rá soj ga̱ suun achíín niꞌya̱j rihaan Yaꞌanj maꞌ.

2 Timoteo 4:5

Tza̱j ne̱ so̱ꞌ me se caꞌne̱j sa̱ꞌ ina̱nj so̱ꞌ tucuáán sa̱ꞌ, ne̱ ga̱a̱ ina̱j nimán so̱ꞌ ga̱a ránꞌ so̱ꞌ sayuun, ne̱ ꞌo̱ qui̱ꞌyáá so̱ꞌ suun caꞌmi̱i̱ natáj so̱ꞌ nana̱ sa̱ꞌ cheꞌé Cristó rihaan nij síí ataa cuchuma̱n rá na̱nj á. Dan me se quiꞌyáá so̱ꞌ nu̱ꞌ suun caꞌneꞌ Yaꞌanj rihaan so̱ꞌ á.

1 Pedro 4:7

Nichrunꞌ nu̱ꞌ caꞌa̱nj niꞌya̱ chumii̱ na̱nj á. Cheꞌé dan ga̱a̱ chij ina̱nj rá soj, ne̱ ꞌo̱ xca̱j soj cuentá, ga̱a ne̱ caꞌve̱e cachi̱nj niꞌya̱j soj rihaan Yaꞌanj chugua̱nj.

1 Pedro 5:8

Ga̱a̱ sca̱ꞌ rá soj, ne̱ tu̱mé soj man soj da̱j quiꞌya̱j soj á. ꞌO̱ se vaa síí ta̱j riꞌyunj niꞌya̱j man soj, ne̱ Síí Chre̱e me soꞌ, ne̱ ase ꞌyaj chuvaa̱ aguáj chéé nanoꞌ xcuu cha̱ roꞌ, da̱nj ꞌyaj Síí Chre̱e, chéé soꞌ nanoꞌ soꞌ man síí caꞌve̱e tiri̱ꞌ soꞌ man chugua̱nj.

1 Juan 2:28

Dan me se ase vaa taꞌníj vaa nij soj rihanj, ne̱ me rá ꞌu̱nj se vaa ꞌo̱ canoco̱ꞌ xraan soj man Cristó, cheꞌé rej asa̱ꞌ caꞌnaꞌ uún soꞌ rihaan chumii̱ nihánj, ne̱ ga̱a̱ dínj nimán níꞌ, ne̱ se̱ guun naꞌa̱j níꞌ a̱ doj maꞌ.

Judas 1:24

Cara̱a̱ cochro̱j soj rihaan síí uun nucua̱j ca̱ráán rihaan soj se̱ quiꞌyaj soj cacunꞌ do̱ꞌ, síí uun nucua̱j tu̱mé man soj nda̱a güii ca̱yáán soj rihaan soꞌ rej niꞌndaj ya̱ veꞌé vaa do̱ꞌ á. Rej yoꞌ me se ga̱a̱ nica̱ nimán soj, ne̱ ga̱a̱ niha̱ꞌ uxrá rá nimán soj ado̱nj.

Apocalipsis 11:4

Ro̱j soꞌ roꞌ, me ro̱j chruun ma̱n chruj olivó raa̱ do̱ꞌ, ro̱j agaꞌ ta̱j agaꞌ yaꞌan nicu̱nꞌ rihaan Yaꞌanj Si̱j ꞌNi̱j Raꞌa chumii̱ nihánj do̱ꞌ a.

Apocalipsis 6:17

ꞌO̱ se a̱j quisíj güii noco̱o güii cuya̱nj rá ro̱j soꞌ, ne̱ se̱ guun nucua̱j núj canicu̱nꞌ núj rihaan sayuun yoꞌ a̱ maꞌ ―taj nij soꞌ rihaan quij do̱ꞌ, rihaan yuvej do̱ꞌ a.

Apocalipsis 7:9

Veé dan, ga̱a ne̱ niꞌya̱j ꞌu̱nj, ne̱ dan me se ri̱i̱ uxrá yuvii̱, ne̱ taj va̱j síí gu̱un nucua̱j quiꞌya̱j contá man nij yuvii̱ a̱ maan chugua̱nj. Ne̱ yuvii̱ ma̱n da̱j a̱ yoꞌóó noco̱o do̱ꞌ, yuvii̱ ma̱n da̱j a̱ xꞌneꞌ yuvii̱ ino̱ vaa stucua̱nj do̱ꞌ, yuvii̱ ma̱n da̱j a̱ chumanꞌ do̱ꞌ, yuvii̱ ma̱n da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, me uún nij soꞌ, ne̱ dan me se canicunꞌ nij soꞌ rihaan chruun xlá sa̱ꞌ yoꞌ do̱ꞌ, rihaan Matzinj Leꞌe̱j yoꞌ do̱ꞌ a. Ne̱ yatzíj xca̱a̱n catzi̱i̱ nuû nij soꞌ, ne̱ nica̱j nij soꞌ raꞌa chruun yuun a.

Apocalipsis 8:2

Ga̱a ne̱ queneꞌén ꞌu̱nj chi̱j nij se‑mo̱zó Yaꞌanj nij síí nicu̱nꞌ rihaan Yaꞌanj, se vaa rqué nii chi̱j chruun aꞌyánj man nij soꞌ a.