San Lucas 20:11 - Triqui de San Juan Copala

¹¹ Cheꞌé dan caꞌnéé síí toꞌo̱j naa̱ yoꞌ man ꞌó mozó uún, tza̱j ne̱ nij síí nu̱u̱ tumé naa̱ roꞌ, goꞌ uún nij soꞌ xráá mozó yoꞌ, ne̱ ni̱j uxrá quiꞌyaj nij soꞌ man soꞌ, ne̱ quirii nij soꞌ man soꞌ rque naa̱, ne̱ a̱ doj chruj ne rque̱ nij soꞌ man mozó yoꞌ a̱ maꞌ.

San Lucas 20:11 Iomraidhean Croise

San Marcos 12:4

Ga̱a ne̱ caꞌnéé síí xna̱a̱ man ꞌó mozó rihaan nij síí nu̱u̱ tumé xnaa̱ soꞌ uún a. Tza̱j ne̱ goꞌ nij soꞌ yahij raa̱ soꞌ, ne̱ caxríj naꞌa̱j nij soꞌ man soꞌ a.

San Lucas 20:10

Ne̱ tiempó uta nii chruj uvá caꞌnéé soꞌ man ꞌó se‑mo̱zó soꞌ caꞌa̱nj soꞌ rihaan nij síí nu̱u̱ tumé xnaa̱ soꞌ a. ꞌO̱ se me rá soꞌ rque̱ nij síí nu̱u̱ tumé naa̱ taꞌa̱j chruj uvá rihaan ꞌó mozó yoꞌ, tza̱j ne̱ a̱ doj chruj ne rque̱ nij síí nu̱u̱ tumé naa̱ rihaan ꞌó mozó yoꞌ maꞌ. Ma̱an se goꞌ ndoꞌo nij soꞌ xráá soꞌ, ne̱ quirii nij soꞌ man soꞌ rque naa̱ yoꞌ a.

San Lucas 20:12

Ga̱a ne̱ caꞌnéé uún síí xna̱a̱ yoꞌ ꞌó mozó uún, tza̱j ne̱ quiranꞌ chiꞌii̱ ndoꞌo soꞌ, quiꞌyaj nij síí nu̱u̱ tumé naa̱, ne̱ quirii nij soꞌ man soꞌ xeꞌ a.

Hechos 7:52

Dan me se canocoꞌ xi̱i soj man cunuda̱nj nij síí nataꞌ snana̱ Yaꞌanj, ne̱ guun rá nij soꞌ quiꞌya̱j nij soꞌ sayuun man nij síí nataꞌ snana̱ Yaꞌanj a. Ne̱ nda̱a ticaviꞌ nij soꞌ man nij síí nataꞌ cheꞌé Síí Nica̱ Nimán caꞌne̱j Yaꞌanj rihaan chumii̱ nihánj ti̱nanii man yuvii̱ rihaan sayuun ado̱nj. Ne̱ Síí Nica̱ Nimán yoꞌ me se guun nij soj síí tacuachén man soꞌ rihaan nij síí ta̱j riꞌyunj man níꞌ, ne̱ nda̱a ticaviꞌ nij soj man soꞌ vaa asânj.

1 Tesalonicenses 2:2

Neꞌen soj se vaa asino ya̱a̱n quiranꞌ núj sayuun chumanꞌ Filipos, ne̱ qui̱j ndoꞌo caꞌmii nij síí ma̱n chumanꞌ yoꞌ niꞌya̱j nij soꞌ man núj a. Ne̱ nda̱ꞌ se sayu̱u̱n ndoꞌo vaa nataꞌ núj snana̱ Yaꞌanj nana̱ sa̱ꞌ rihaan soj quiꞌyaj nij síí ma̱n chiháán soj, tza̱j ne̱ ne cuchuꞌvi̱ꞌ núj maꞌ. Tana̱nj caꞌnéé nimán núj doj a̱ nata̱ꞌ núj nana̱ sa̱ꞌ rihaan soj, quiꞌyaj Taꞌanj núj a.