San Lucas 2:29 - Triqui de San Juan Copala

²⁹ Señor, síí noco̱o doj mé so̱ꞌ a. Quisíj ya̱ nana̱ cataꞌ tuꞌvá so̱ꞌ rihanj, ne̱ cheꞌé dan caꞌve̱e cavi̱j ya̱j, ne̱ ga̱a̱ xe̱j nimanj na̱nj ado̱nj.

San Lucas 2:29 Iomraidhean Croise

San Lucas 2:26

ne̱ a̱j tihaa̱n Nimán Yaꞌanj man soꞌ se vaa se̱ caviꞌ soꞌ nda̱a se a̱j queneꞌe̱n ya̱ soꞌ man Síí Caꞌne̱j Yaꞌanj Si̱j ꞌNi̱j Raꞌa man níꞌ Ti̱nanii man Yuvii̱ rihaan Sayuun a.

San Lucas 2:28

Ga̱a ne̱ táá raꞌa̱ Simeón neꞌej, ne̱ veꞌé uxrá caꞌmii soꞌ cheꞌé Yaꞌanj a. Ne̱ nihánj me nana̱ caꞌmii soꞌ a:

Filipenses 1:23

ꞌO̱ se sa̱ꞌ cuya̱a̱n vaa ro̱j chrej chugua̱nj. Dan me se sese cavi̱ꞌ ꞌu̱nj, ne̱ quina̱nꞌ ꞌu̱nj rihaan Cristó, ne̱ sa̱ꞌ uxrá doj ga̱a̱ na̱nj ado̱nj.

Apocalipsis 14:13

Ga̱a ne̱ cunó ꞌu̱nj ꞌó nana̱ cavii rej xta̱ꞌ, ne̱ nana̱ yoꞌ cataj rihanj a: ―Cachro̱n so̱ꞌ nana̱ nihánj rihaan yanj á. Cachro̱n so̱ꞌ se vaa nij síí noco̱ꞌ man Síí ꞌNi̱j Raꞌa man soj me se sese cavi̱ꞌ nij soꞌ rej rihaan ya̱j, ne̱ vaa cheꞌé gu̱un niha̱ꞌ rá nij soꞌ ado̱nj. ꞌO̱ se cavi̱i̱ sa̱ꞌ nij soꞌ na̱nj á. Ne̱ Nimán Yaꞌanj taj se vaa caꞌne̱ꞌ rá nij soꞌ ga̱ suun ꞌyaj nij soꞌ, ne̱ nara̱a̱n rá nij soꞌ a. ꞌO̱ se yu̱u̱n cheꞌe̱ cavi̱i̱ sa̱ꞌ nij soꞌ cheꞌé suun sa̱ꞌ a̱j quiꞌyaj nij soꞌ ado̱nj, cachro̱n so̱ꞌ á ―taj nana̱ cavii rej xta̱ꞌ yoꞌ a.

Apocalipsis 6:10

Ne̱ nucua̱j ndoꞌo aguáj nij soꞌ, cataj nij soꞌ a: ―Nda̱a me güii caꞌne̱ꞌ so̱ꞌ cacunꞌ cheꞌé nij síí ma̱n rihaan chumii̱, ne̱ qui̱ꞌyáá so̱ꞌ sayuun man nij soꞌ cheꞌé ton cayanj man núj quiꞌyaj nij soꞌ ga̱. Señor, síí sa̱ꞌ ina̱nj do̱ꞌ, síí aꞌmii ina̱nj nana̱ ya̱ do̱ꞌ, mé so̱ꞌ ado̱nj ―taj nimán nij síí caviꞌ, aguáj nij soꞌ a.