San Lucas 2:27 - Triqui de San Juan Copala

²⁷ Dan me se güii cuchiꞌ ro̱j ni̱ca̱ José chumanꞌ Jerusalén me se cataj xnaꞌanj Nimán Yaꞌanj rihaan Simeón se vaa caꞌa̱nj soꞌ nuvií noco̱o, ne̱ cheꞌé dan caꞌanj soꞌ catúj soꞌ rej ya̱nj nuvií noco̱o a. Ga̱a ne̱ catúj ro̱j ni̱ca̱ José ga̱ neꞌej cheꞌé se guun rá ro̱j soꞌ quiꞌya̱j ro̱j soꞌ nda̱a vaa taj stucua̱nj Yaꞌanj a.

San Lucas 2:27 Iomraidhean Croise

San Mateo 4:1

Ga̱a ne̱ caꞌanj Jesús rej tacaan naco̱o̱, quiꞌyaj Nimán Yaꞌanj, cheꞌé rej caꞌve̱e gu̱un rá Síí Chre̱e tiha̱ꞌ yuꞌunj Síí Chre̱e man Jesús a.

San Lucas 2:22

Cachén vi̱j chiha̱a̱ (40) güii, ga̱a ne̱ quisíj güii cunu̱u sa̱ꞌ ro̱j ni̱ca̱ ro̱j soꞌ rihaan Yaꞌanj a. Cheꞌé dan nica̱j ro̱j soꞌ man neꞌej caꞌanj ro̱j soꞌ nuvií noco̱o ya̱nj chumanꞌ Jerusalén, ne̱ caxríj ro̱j soꞌ neꞌej ston Yaꞌanj a.

San Lucas 2:28

Ga̱a ne̱ táá raꞌa̱ Simeón neꞌej, ne̱ veꞌé uxrá caꞌmii soꞌ cheꞌé Yaꞌanj a. Ne̱ nihánj me nana̱ caꞌmii soꞌ a:

San Lucas 2:41

Daj a̱ yoꞌ caꞌanj ro̱j rej Jesús chumanꞌ Jerusalén ga̱a canuû Chaꞌanj Pascuá,

San Lucas 2:48

Ne̱ caráyaꞌa̱nj ro̱j ni̱ca̱ ro̱j soꞌ ga̱a queneꞌen ro̱j soꞌ se vaa yáán xnii scaꞌnúj nij sij a. Ga̱a ne̱ cataj nii soꞌ rihaan soꞌ a: ―Ne chiha̱nꞌ quiꞌyáá di̱ꞌ man núj, maan rej. Xca̱j di̱ꞌ cuentá á. Nanó ndoꞌo rá réé di̱ꞌ do̱ꞌ, nanó ndoꞌo rá ꞌu̱nj do̱ꞌ, quiꞌyáá di̱ꞌ, cheꞌé se nuvi̱i nanoꞌ núj mán di̱ꞌ, rej ―taj nii soꞌ rihaan soꞌ a.

San Lucas 2:51

Dan me se nanij Jesús quinanꞌ soꞌ nda̱a chumanꞌ Nazaret ga̱ ro̱j soꞌ, ne̱ ꞌo̱ ya̱nj uno sa̱ꞌ soꞌ rihaan ro̱j soꞌ a. Ne̱ ꞌo̱ nuû rá Mariá nu̱ꞌ nda̱a vaa guun a.

San Lucas 4:1

ꞌO̱ se nu̱u̱ Nimán Yaꞌanj nu̱ꞌ nimán Jesús, ne̱ cavii Jesús tuꞌva chráá cuꞌna̱j Jordán, ne̱ caꞌanj soꞌ, va̱j soꞌ rej tacaan, quiꞌyaj Nimán Yaꞌanj a.

Hechos 10:19

Dan me se Pedró roꞌ, nuchruj ra̱a̱ cheꞌé nij rasu̱u̱n naquiꞌyaa rihaan soꞌ, ne̱ dan me se cataj Nimán Yaꞌanj rihaan soꞌ a: ―Nihánj me se caꞌnaꞌ vaꞌnu̱j snóꞌo nanoꞌ mán so̱ꞌ ado̱nj.

Hechos 11:12

Ga̱a ne̱ cataj xnaꞌanj Nimán Yaꞌanj rihanj se vaa caꞌa̱nj ꞌu̱nj ga̱ nij soꞌ, ne̱ se̱ guun vi̱j rá ꞌu̱nj maꞌ. Cheꞌé dan caꞌanj ꞌu̱nj ga̱ vaꞌnu̱j nij soꞌ, ne̱ vata̱nꞌ tinúú níꞌ síí nihánj roꞌ, me síí caꞌanj ga̱ ꞌu̱nj a. Ga̱a ne̱ catúj núj rá veꞌ tucuá síí canacúún manj a.

Hechos 16:7

Ga̱a ne̱ va̱j nij soꞌ chrej nda̱a estadó cuꞌna̱j Misia, ga̱a ne̱ guun rá nij soꞌ caꞌa̱nj nij soꞌ estadó cuꞌna̱j Bitinia a. Tza̱j ne̱ ne caꞌve̱e quiꞌya̱j nij soꞌ da̱nj, quiꞌyaj Nimán Yaꞌanj maꞌ.

Hechos 8:29

Dan me se cataj Nimán Yaꞌanj rihaan Felipé a: ―Quinichru̱nꞌ so̱ꞌ rej va̱j cuchriꞌ nucua̱j cuayó ꞌnaꞌ nihánj, ne̱ cache̱e̱ so̱ꞌ rej xꞌnúú cuchriꞌ yoꞌ á ―taj Nimán Yaꞌanj rihaan Felipé a.

Gálatas 4:4

Tza̱j ne̱ ga̱a quisíj güii a̱j narii Yaꞌanj asi̱j naá, ne̱ caꞌnéé Yaꞌanj Taꞌníí soꞌ caꞌnaꞌ Taꞌníí soꞌ rihaan chumii̱ nihánj, ne̱ cuchruj ꞌo̱ chana̱ man Taꞌníí Yaꞌanj, ne̱ síí noco̱ꞌ stucua̱nj Moisés me nu̱ꞌ nij tuvi̱ꞌ soꞌ ga̱a cayáán soꞌ rihaan chumii̱ nihánj ado̱nj.

Apocalipsis 1:10

Ne̱ ꞌo̱ güii aráj gue̱e̱ níꞌ rihaan Síí ꞌNi̱j Raꞌa man níꞌ me se queneꞌen nimanj rasu̱u̱n quiꞌyaj Nimán Yaꞌanj, ne̱ dan me se rej xco̱j roꞌ, nucua̱j ndoꞌo caꞌmii ꞌo̱ soꞌ cunoj, ne̱ da̱j se uun ráꞌ ga̱a aꞌyánj nii chruun aꞌyánj roꞌ, da̱nj guun raj ga̱a cunoj snana̱ soꞌ ado̱nj.

Apocalipsis 17:3

Ga̱a ne̱ caꞌanj nica̱j se‑mo̱zó Yaꞌanj mán ꞌu̱nj nda̱a rej tacaan, quiꞌyaj Nimán Yaꞌanj a. Ga̱a ne̱ queneꞌén ꞌu̱nj ꞌo̱ chana̱ ta̱j xráá xcuu yuva̱a̱ mare̱e, ne̱ nó ndoꞌo se‑chuvi̱i xoꞌ xráá xoꞌ, ne̱ nij nana̱ yoꞌ me se ina̱nj nana̱ qui̱j me nij yoꞌ, ne̱ vaa chi̱j raa̱ xoꞌ, ne̱ táá chi̱ꞌ cúú nij raa̱ xoꞌ a.