San Lucas 2:11 - Triqui de San Juan Copala

¹¹ ꞌO̱ se cuanꞌ me se caꞌngaa ꞌo̱ Síí Ti̱nanii man Yuvii̱ rihaan Sayuun chumanꞌ chiháán rey cuꞌna̱j David, ne̱ neꞌej yoꞌ roꞌ, me Síí Caꞌnéé Yaꞌanj, ne̱ Si̱j Qui̱ꞌnij Raꞌa man níꞌ me soꞌ ado̱nj.

San Lucas 2:11 Iomraidhean Croise

San Mateo 1:16

Ne̱ Jacob me rej síí cuꞌna̱j José, ne̱ José me síí xcaj man chana̱ cuꞌna̱j Mariá, ne̱ noꞌ me nii Jesús, síí cuꞌna̱j Síí Caꞌnéé Yaꞌanj Ti̱nanii man Yuvii̱ rihaan Sayuun ado̱nj.

San Mateo 1:21

Dan me se cuchru̱j noꞌ neꞌej sno̱ꞌo, ne̱ JESÚS tu̱cuꞌnáj so̱ꞌ man neꞌej yoꞌ á. Da̱nj tu̱cuꞌnáj soj man soꞌ, cheꞌé se ti̱nanii soꞌ man nij tuviꞌ soꞌ rihaan cacunꞌ tumé nij soꞌ ado̱nj ―da̱nj cataj se‑mo̱zó Síí ꞌNi̱j Raꞌa man níꞌ rihaan José a.

San Mateo 16:16

Ga̱a ne̱ cataj síí cuꞌna̱j Simón Pedró a: ―Síí Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ, ne̱ Taꞌni̱j Yaꞌanj si̱j vaa iꞌna̱ꞌ ya̱ mé so̱ꞌ na̱nj ado̱nj ―taj soꞌ rihaan Jesús a.

San Mateo 16:20

Ga̱a ne̱ caꞌneꞌ Jesús suun rihaan nij síí tucuꞌyón snana̱ soꞌ se vaa se̱ nataꞌ nij soꞌ rihaan a̱ ꞌó yuvii̱ se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me soꞌ, taj soꞌ a.

San Lucas 1:43

Veꞌé ndoꞌo quiránꞌ ꞌu̱nj se vaa caꞌnaꞌ nii Síí Qui̱ꞌnij Raꞌa man níꞌ tucuaj a.

San Lucas 1:69

Caꞌnaꞌ ꞌo̱ síí nucua̱j gu̱un soꞌ Síí Ti̱nanii man níꞌ rihaan sayuun, quiꞌyaj Yaꞌanj a. ꞌO̱ taꞌníí taꞌnij siꞌno̱ rey cuꞌna̱j David síí cayáán ga̱a naá me soꞌ,

San Lucas 2:26

ne̱ a̱j tihaa̱n Nimán Yaꞌanj man soꞌ se vaa se̱ caviꞌ soꞌ nda̱a se a̱j queneꞌe̱n ya̱ soꞌ man Síí Caꞌne̱j Yaꞌanj Si̱j ꞌNi̱j Raꞌa man níꞌ Ti̱nanii man Yuvii̱ rihaan Sayuun a.

San Lucas 2:4

Cavii síí cuꞌna̱j José chumanꞌ Nazaret chumanꞌ na̱j estadó Galilea, ne̱ caꞌanj soꞌ chumanꞌ Belén chumanꞌ na̱j estadó Judea a. Chumanꞌ caꞌngaa xi̱i soꞌ rey cuꞌna̱j David me Belén, ne̱ cheꞌé dan caꞌanj José nda̱a Belén, cheꞌé se ꞌo̱ taꞌníí taꞌnij siꞌno̱ David me soꞌ a.

San Juan 1:41

Asino ya̱a̱n nariꞌ Andrés man tinúú soꞌ Simón, ne̱ cataj soꞌ rihaan tinúú soꞌ a: ―Nariꞌ núj man Mesías na̱nj á ―taj soꞌ rihaan tinúú soꞌ a. Ne̱ nana̱ Mesías me raj cata̱a Síí Caꞌnéé Yaꞌanj Ti̱nanii man Yuvii̱ rihaan Sayuun a.

San Juan 1:45

Veé dan, ne̱ nariꞌ Felipé man síí cuꞌna̱j Natanael, ne̱ cataj soꞌ a: ―A̱j nariꞌ núj man síí caꞌmii Moisés cheꞌé ga̱a cuchruj soꞌ stucua̱nj soꞌ, ne̱ nij síí nataꞌ snana̱ Yaꞌanj ga̱a naá roꞌ, nataꞌ nij soꞌ cheꞌé soꞌ uún na̱nj ado̱nj. Ne̱ dan me se Jesús taꞌníí síí cuꞌna̱j José, síí cavii chumanꞌ Nazaret me soꞌ ado̱nj ―taj Felipé rihaan Natanael yoꞌ a.

San Juan 11:27

Ga̱a ne̱ cataj noꞌ a: ―Amán raj, Señor. Dan me se a̱j cuchumán raj se vaa Si̱j Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ, ne̱ Taꞌni̱j Yaꞌanj mé so̱ꞌ, ne̱ caꞌnáꞌ so̱ꞌ rihaan chumii̱ nihánj a ―taj noꞌ rihaan Jesús a.

San Juan 20:31

Tza̱j ne̱ no̱ nana̱ nihánj rihaan yanj nihánj cheꞌé rej ꞌo̱ cuchuma̱n rá soj si̱j naya̱a̱ nana̱ nihánj se vaa Jesús roꞌ, me Síí Caꞌnéé Yaꞌanj Ti̱nanii man Yuvii̱ rihaan Sayuun, ne̱ Taꞌníí Yaꞌanj me ya̱ uún soꞌ ado̱nj. Ne̱ cheꞌé se amán rá soj niꞌya̱j soj man soꞌ roꞌ, cheꞌé dan ga̱a̱ iꞌna̱ꞌ nimán soj rihaan Yaꞌanj nu̱ꞌ cavii nu̱ꞌ caꞌanj cheꞌé maꞌa̱n Jesús chugua̱nj.

San Juan 4:25

Ga̱a ne̱ cataj chana̱ rihaan Jesús a: ―Neꞌén ꞌu̱nj se vaa vaa güii, ne̱ caꞌna̱ꞌ Síí Caꞌne̱j Yaꞌanj Ti̱nanii man Yuvii̱ rihaan Sayuun, ne̱ asa̱ꞌ caꞌnaꞌ soꞌ, ne̱ cata̱j xnaꞌanj maꞌa̱n soꞌ cheꞌé cunuda̱nj rasu̱u̱n rihaan níꞌ na̱nj á ―taj chana̱ rihaan Jesús a.

San Juan 4:42

Ne̱ nij yuvii̱ amán rá niꞌya̱j man Jesús roꞌ, cataj nij soꞌ rihaan chana̱ yoꞌ a: ―Né ina̱nj cheꞌé do̱j nana̱ natáꞌ so̱ꞌ rihaan núj me cuchumán rá núj niꞌya̱j núj man soꞌ maꞌ. Ma̱an se cuno maꞌa̱n núj snana̱ soꞌ, ne̱ xcaj núj cuentá se vaa ya̱ Síí Ti̱nanii rihaan Sayuun man Yuvii̱ ma̱n rihaan chumii̱ nihánj me síí nihánj na̱nj ado̱nj ―taj nij soꞌ rihaan chana̱ yoꞌ a.

San Juan 6:69

Ne̱ cuchumán rá núj ne̱ neꞌen núj se vaa Síí Sa̱ꞌ Ina̱nj cavii rihaan Yaꞌanj mé so̱ꞌ ado̱nj ―taj Simón Pedró rihaan Jesús a.

San Juan 7:41

ꞌÓ taꞌa̱j nij yuvii̱ cataj a: ―Si̱j Caꞌnéé Yaꞌanj Ti̱nanii man Yuvii̱ rihaan Sayuun me síí nihánj chugua̱nj ―taj ꞌó taꞌa̱j nij soꞌ a. Tza̱j ne̱ ꞌó taꞌa̱j nij yuvii̱ cataj a: ―Xa̱ꞌ Síí Caꞌne̱j Yaꞌanj Ti̱nanii man Yuvii̱ rihaan Sayuun, tza̱j ne̱ né si̱j cavii estadó Galilea me soꞌ maꞌ.

Hechos 10:36

A̱j neꞌen nij soj nana̱ sa̱ꞌ caꞌnéé Yaꞌanj rihaan núj si̱j israelitá se vaa veꞌé naca̱j Yaꞌanj man núj cheꞌé se vaa quiꞌyaj Jesucristó cheꞌé núj, ne̱ Jesucristó roꞌ, me Síí ꞌNi̱j Raꞌa man cunuda̱nj yuvii̱ ado̱nj.

Hechos 13:23

’Ne̱ scaꞌnúj nij taꞌníí taꞌnij siꞌno̱ David roꞌ, rqué Yaꞌanj Síí Tinanii man Yuvii̱ rihaan Sayuun man níꞌ si̱j israelitá, nda̱a vaa cataꞌ tuꞌva Yaꞌanj asi̱j naá, ne̱ Jesús me soꞌ a.

Hechos 17:3

Dan me se cataj xnaꞌanj Pabló rihaan nij soꞌ se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me se vaa cheꞌé quira̱nꞌ soꞌ sayuun ne̱ cavi̱ꞌ soꞌ ne̱ cunu̱u iꞌna̱ꞌ uún soꞌ a. Ne̱ cataj Pabló se vaa maꞌa̱n Jesús síí nataꞌ Pabló cheꞌé rihaan nij soꞌ roꞌ, maꞌa̱n ya̱ soꞌ me Síí Caꞌnéé Yaꞌanj Ti̱nanii man Yuvii̱ rihaan Sayuun a.

Hechos 2:36

Cheꞌé dan vaa cheꞌé ndoꞌo xca̱j ya̱ ta̱ranꞌ soj si̱j israelitá cuentá se vaa xa̱ꞌ Jesús síí cachrón maꞌa̱n soj rihaan rcutze̱, tza̱j ne̱ Síí ꞌNi̱j Raꞌa man níꞌ me soꞌ quiꞌyaj Yaꞌanj a. Ne̱ Síí Caꞌnéé Yaꞌanj Ti̱nanii man Yuvii̱ rihaan Sayuun me uún soꞌ quiꞌyaj Yaꞌanj ado̱nj ―taj Pedró rihaan nij yuvii̱ cunuu chre̱ꞌ yoꞌ a.

Hechos 5:31

Ga̱a ne̱ maꞌa̱n Yaꞌanj quiꞌyaj cavii Jesús xta̱ꞌ, ne̱ nicu̱nꞌ Jesús rej xꞌnu̱j Yaꞌanj rej nuva̱ꞌ Yaꞌanj a. Ne̱ guun Jesús Síí Uun Chij Ndoꞌo, ne̱ Síí Tinanii man Yuvii̱ rihaan Sayuun guun soꞌ, cheꞌé rej caꞌve̱e ca̱nica̱j nimán níꞌ si̱j israelitá ga̱a ne̱ navi̱j cacunꞌ tumé níꞌ ado̱nj.

1 Corintios 15:47

Xa̱ꞌ snóꞌo quiꞌyaj Yaꞌanj asino ya̱a̱n, tza̱j ne̱ yoꞌóó u̱u̱n guun soꞌ, tza̱j ne̱ xa̱ꞌ ꞌó snóꞌo, tza̱j ne̱ Cristó me soꞌ, ne̱ soꞌ me síí cavii rej xta̱ꞌ caꞌnaꞌ rihaan níꞌ ado̱nj.

Filipenses 2:11

ne̱ cata̱j ya̱ cunuda̱nj nij soꞌ se vaa maꞌa̱n Jesucristó me Síí ꞌNi̱j Raꞌa man níꞌ, ga̱a ne̱ queneꞌe̱n ya̱ nij soꞌ se vaa sa̱ꞌ uxrá quiꞌyaj Rej níꞌ Yaꞌanj ado̱nj.

Filipenses 3:8

Dan me se cheꞌé se me ndoꞌo raj xca̱j sa̱ꞌ ꞌu̱nj cuentá cheꞌé Cristó Jesús Si̱j ꞌNi̱j Raꞌa manj roꞌ, cheꞌé dan nu̱ꞌ se vaa quiꞌyáj ga̱a rque̱ roꞌ, da̱j se me raj neꞌenj siguiꞌ riꞌyuj roꞌ, da̱nj me raj neꞌenj man yoꞌ cuano̱, ne̱ cheꞌé se niꞌya u̱u̱n me yoꞌ rihanj cuano̱ roꞌ, cheꞌé dan caꞌve̱e ca̱nocóꞌ ꞌu̱nj man Cristó ado̱nj.

Colosenses 2:6

Dan me se nda̱ꞌ rá se guun rá soj ga̱a guun cheꞌe̱ soj canocoꞌ soj man Cristó Jesús Si̱j ꞌNi̱j Raꞌa man níꞌ roꞌ, da̱nj gu̱un rá soj ꞌo̱ canoco̱ꞌ chre̱ꞌ soj man soꞌ á.

1 Juan 4:14

Ne̱ a̱j neꞌen núj se vaa caꞌnéé Rej níꞌ Yaꞌanj man Taꞌníí soꞌ rihaan chumii̱ nihánj cheꞌé rej gu̱un soꞌ Síí Ti̱nanii rihaan Sayuun man nij síí ma̱n rihaan chumii̱ nihánj, ne̱ a̱j nataꞌ núj nana̱ yoꞌ rihaan yuvii̱ ado̱nj.

1 Juan 5:1

Cunuda̱nj nij síí amán rá se vaa me Jesús Síí Caꞌnéé Yaꞌanj Ti̱nanii man Yuvii̱ rihaan Sayuun roꞌ, a̱j caꞌngaa naca̱ nimán nij soꞌ quiꞌyaj Yaꞌanj chugua̱nj. Ne̱ cheꞌé dan nij síí aráj cochro̱j rihaan Yaꞌanj roꞌ, no̱ xcúún nij soꞌ ga̱a̱ ꞌe̱e̱ rá nij soꞌ man nij síí caꞌngaa naca̱ nimán na̱nj á.