San Lucas 19:47 - Triqui de San Juan Copala

⁴⁷ Ne̱ dan me se da̱j a̱ güii nicunꞌ Jesús rej ya̱nj nuvií noco̱o, tucuꞌyón Jesús snana̱ soꞌ rihaan yuvii̱ a. Tza̱j ne̱ nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ, nij síí uun chij rihaan nij yuvii̱ israelitá do̱ꞌ, nanoꞌ uxrá nij soꞌ da̱j quiꞌya̱j nij soꞌ ga̱a ne̱ caꞌve̱e cavi̱ꞌ Jesús a.

San Lucas 19:47 Iomraidhean Croise

San Mateo 21:23

Ga̱a ne̱ catúj Jesús rej ya̱nj nuvií noco̱o, ne̱ tucuꞌyón soꞌ nana̱ man nij síí ma̱n rej ya̱nj nuvií yoꞌ a. Ga̱a ne̱ cuchiꞌ nij xrej ata̱ suun noco̱o do̱ꞌ, nij síí uun chij rihaan nij yuvii̱ do̱ꞌ, rihaan soꞌ, ne̱ xnáꞌanj nij soꞌ man soꞌ, cataj nij soꞌ a: ―Me síí caꞌneꞌ suun rihaan so̱ꞌ qui̱ꞌyáá so̱ꞌ nda̱a vaa ꞌyáá so̱ꞌ ga̱ ―taj nij soꞌ a.

San Mateo 26:55

Ne̱ cataj Jesús rihaan nij yuvii̱ a: ―Me cheꞌé nica̱j soj neê espadá nica̱j soj chruun nica̱j soj, caꞌnaꞌ soj ga̱. Síí itu̱u̱ mé ꞌu̱nj, rá soj naꞌ. Ne̱ ꞌo̱ se guun queꞌe̱e̱ güii cayáán ꞌu̱nj rihaan rej ya̱nj nuvií noco̱o, tucuꞌyón ꞌu̱nj snana̱j rihaan nij yuvii̱, tza̱j ne̱ ne ta̱ꞌaa soj manj a.

San Marcos 11:18

Cuno nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ, da̱j caꞌmii Jesús, ga̱a ne̱ nanoꞌ uxrá nij soꞌ da̱j quiꞌya̱j nij soꞌ ne̱ caꞌve̱e cavi̱ꞌ Jesús a. ꞌO̱ se chuꞌviꞌ nij soꞌ niꞌya̱j nij soꞌ man Jesús, cheꞌé se caꞌanj ndoꞌo rá cunuda̱nj nij yuvii̱ cuno nij yuvii̱ tucuáán tucuꞌyón Jesús a.

San Marcos 12:12

Ga̱a ne̱ nanoꞌ nij soꞌ da̱j ga̱a̱ ta̱ꞌaa nij soꞌ man Jesús, ese queneꞌen nij soꞌ se vaa cheꞌé maꞌa̱n nij soꞌ me cuentó nanó Jesús a. Tza̱j ne̱ cuchuꞌviꞌ nij soꞌ niꞌya̱j nij soꞌ man nij yuvii̱ nuu chre̱ꞌ a. Ne̱ tanáj nij soꞌ man Jesús, ne̱ caꞌanj nij soꞌ a.

San Marcos 14:1

Dan me se rque vi̱j güii ca̱nuû Chaꞌanj Pascuá chaꞌanj chá nij yuvii̱ israelitá rachrúún ne atúj levadura, ne̱ dan me se ꞌo̱ guun rá nij xrej ata̱ suun noco̱o ga̱ nij síí naquiꞌyaj cu̱u stucua̱nj Moisés se vaa tiha̱ꞌ yuꞌunj nij soꞌ man Jesús, ne̱ ta̱ꞌaa yuve̱ nij soꞌ man Jesús, ne̱ cavi̱ꞌ Jesús, quiꞌya̱j nij soꞌ, rá nij soꞌ a.

San Marcos 14:49

ꞌO̱ se guun queꞌe̱e̱ güii cayáán ꞌu̱nj rihaan rej ya̱nj nuvií noco̱o, tucuꞌyón ꞌu̱nj snana̱j rihaan soj, tza̱j ne̱ ne ta̱ꞌaa soj manj maꞌ. Tza̱j ne̱ nihánj me se qui̱ránꞌ ꞌu̱nj nu̱ꞌ se vaa taj nana̱ no̱ rihaan Danj Yaꞌanj a ―taj Jesús a.

San Lucas 19:48

Tza̱j ne̱ ne nari̱ꞌ nij soꞌ da̱j quiꞌya̱j nij soꞌ cavi̱ꞌ Jesús maꞌ. ꞌO̱ se guun niha̱ꞌ uxrá rá nij yuvii̱ cuno nij soꞌ snana̱ Jesús a.

San Lucas 20:19

Ga̱a ne̱ guun rá nij síí naquiꞌyaj cu̱u stucua̱nj Moisés do̱ꞌ, nij xrej ata̱ suun noco̱o do̱ꞌ, ta̱ꞌaa raꞌya̱nj man Jesús, tza̱j ne̱ chuꞌviꞌ nij soꞌ niꞌya̱j nij soꞌ man nij yuvii̱ a. Queneꞌen nij soꞌ se vaa cheꞌe̱ maꞌa̱n nij soꞌ me cuentó nanó Jesús a.

San Juan 10:39

Cheꞌé dan guun rá uún nij soꞌ ta̱ꞌaa nij soꞌ man Jesús, tza̱j ne̱ nanii soꞌ rihaan nij soꞌ a.

San Juan 18:20

Ga̱a ne̱ cataj Jesús rihaan nij soꞌ a: ―ꞌU̱nj roꞌ, caꞌmii ranga̱ꞌ rihaan cunuda̱nj nij yuvii̱ a. Nu̱ꞌ güii tucuꞌyón ꞌu̱nj snana̱j rá veꞌ tucuꞌyón níꞌ stucua̱nj Moisés do̱ꞌ, rej ya̱nj nuvií noco̱o do̱ꞌ, ne̱ yoꞌ me rej nuu chre̱ꞌ ta̱ranꞌ nij yuvii̱ israelitá a. Ne̱ taj va̱j nana̱ ne caꞌmi̱i̱ yuve̱ ꞌu̱nj maꞌ.

San Juan 7:19

Nocoꞌ soj stucua̱nj Yaꞌanj rqué síí cuꞌna̱j Moisés rihaan soj, tza̱j ne̱ a̱ ꞌó soj ne uun nucua̱j canoco̱ꞌ nu̱ꞌ tucuáán yoꞌ a̱ maꞌ. Cheꞌé dan me cheꞌé nanoꞌ soj da̱j quiꞌya̱j soj, ne̱ cavi̱ꞌ ꞌu̱nj ga̱ ―taj Jesús rihaan nij síí uun chij rihaan nij yuvii̱ israelitá a.

San Juan 7:44

Ne̱ guun rá taꞌa̱j nij soꞌ ta̱ꞌaa nij soꞌ man Jesús, tza̱j ne̱ taj va̱j síí taꞌaa man soꞌ a̱ maꞌ.