San Lucas 18:39 - Triqui de San Juan Copala

³⁹ Ga̱a ne̱ caxríj yuva̱a̱ nij síí ta̱j ya̱a̱n se vaa dínj ga̱a̱ tuꞌva síí tuchri̱i yoꞌ a. Tza̱j ne̱ doj a̱ nucua̱j caguáj soꞌ, cataj soꞌ a: ―Taꞌníí Taꞌnij Siꞌno̱ David síí cayáán ga̱a naá mé so̱ꞌ ado̱nj. Cunu̱u ꞌe̱e̱ rá so̱ꞌ manj rugua̱nj ―taj soꞌ, caguáj soꞌ rihaan Jesús a.

San Lucas 18:39 Iomraidhean Croise

San Mateo 7:7

’Cachi̱nj soj se vaa achiin man soj rihaan Yaꞌanj, ne̱ soꞌ me síí rque̱ man soj, ne̱ nano̱ꞌ soj rasu̱u̱n achiin man soj, ne̱ nari̱ꞌ soj rasu̱u̱n yoꞌ, ne̱ ase vaa ꞌyaj síí ticaꞌmii taꞌyaa tucuá tuviꞌ roꞌ, da̱nj quiꞌya̱j soj ga̱ Yaꞌanj, ne̱ caꞌnu̱u̱ Yaꞌanj taꞌyaa yoꞌ, ne̱ rque̱ Yaꞌanj rasu̱u̱n achiin man soj ado̱nj.

San Mateo 8:26

Dan me se maꞌa̱n Jesús cataj a: ―Me cheꞌé chuꞌviꞌ ndoꞌo nimán soj ga̱. Yoꞌ me se ataa cuchuma̱n sa̱ꞌ rá soj ni̱ꞌyaj soj manj ado̱nj ―taj Jesús rihaan nij soꞌ a. Ga̱a ne̱ canicunꞌ caya̱ soꞌ, ne̱ nucua̱j caꞌmii soꞌ rihaan na do̱ꞌ, rihaan nana̱ do̱ꞌ a. Ga̱a ne̱ cunuu dínj uxrá rihaan na laguaná yoꞌ, quiꞌyaj Jesús na̱nj ado̱nj.

San Mateo 9:27

Dan me se ga̱a cavii Jesús tucuá síí nica̱j suun yoꞌ, ne̱ canocoꞌ vi̱j síí tuchri̱i man soꞌ a. Ne̱ caguáj ro̱j soꞌ, cataj ro̱j soꞌ a: ―Neꞌen rój se vaa Taꞌníí Taꞌnij Siꞌno̱ David síí cayáán ga̱a naá mé so̱ꞌ ado̱nj. Cheꞌé dan cunu̱u ꞌe̱e̱ rá so̱ꞌ man rój rugua̱nj ―taj ro̱j soꞌ, caguáj ro̱j soꞌ a.

San Lucas 11:52

’Nique̱ soj si̱j naquiꞌyaj cu̱u stucua̱nj Moisés á. Quira̱nꞌ uxrá soj sayuun ado̱nj. Taj se qui̱ꞌyáꞌ xca̱j yuvii̱ cuentá, ꞌyaj soj maꞌ. Dan me se maꞌa̱n soj roꞌ, naꞌvej rá catu̱u̱ stucua̱nj Yaꞌanj, ne̱ nij síí me rá catu̱u̱ me se aráán soj chrej rihaan nij soꞌ, ne̱ naꞌvej rá soj catu̱u̱ nij soꞌ a̱ maan ado̱nj ―taj Jesús rihaan nij síí naquiꞌyaj cu̱u stucua̱nj Moisés a.

San Lucas 18:1

Ne̱ nanó Jesús cuentó nihánj rihaan nij síí tucuꞌyón snana̱ soꞌ, cheꞌé se guun rá soꞌ xca̱j nij síí tucuꞌyón snana̱ soꞌ cuentá se vaa no̱ xcúún nij soꞌ niga̱nj cachi̱nj niꞌya̱j nij soꞌ rihaan Yaꞌanj, ne̱ se̱ guun rmi̱i̱ nij soꞌ maꞌ.

San Lucas 18:15

Ga̱a ne̱ nica̱j nij yuvii̱ man nij neꞌej caꞌnaꞌ nij yuvii̱ rihaan Jesús a. ꞌO̱ se me rá nij yuvii̱ cuta̱ꞌ Jesús raꞌa soꞌ raa̱ nij neꞌej cheꞌé rej quiri̱ꞌ neꞌej xnaꞌanj niꞌya̱j neꞌej a. Tza̱j ne̱ queneꞌen nij síí tucuꞌyón snana̱ Jesús da̱j quiꞌyaj nij yuvii̱, ga̱a ne̱ caxríj yuva̱a̱ nij soꞌ man nij yuvii̱ yoꞌ a.

San Lucas 18:38

Ga̱a ne̱ caguáj síí tuchri̱i yoꞌ, cataj soꞌ a: ―Taꞌníí Taꞌnij Siꞌno̱ David síí cayáán ga̱a naá mé so̱ꞌ, Jesús. Cunu̱u ꞌe̱e̱ rá so̱ꞌ manj rugua̱nj ―taj soꞌ, caguáj soꞌ a.

San Lucas 18:40

Canicunꞌ Jesús, ne̱ caꞌneꞌ Jesús suun se vaa ra̱cuíj nii man síí tuchri̱i caꞌna̱ꞌ soꞌ rihaan Jesús a. Ne̱ ga̱a nichrunꞌ síí tuchri̱i yoꞌ rihaan Jesús, ne̱ xnáꞌanj Jesús man soꞌ, cataj Jesús rihaan soꞌ a:

San Lucas 19:39

Dan me se taꞌa̱j nij síí chéé ga̱ Jesús me síí fariseo, ne̱ taꞌa̱j nij soꞌ cataj rihaan Jesús a: ―Cata̱j xnaꞌanj so̱ꞌ rihaan nij síí tucuꞌyón snana̱ so̱ꞌ se vaa caꞌne̱ꞌ rá nij soꞌ ga̱ nana̱ vaa da̱nj á ―taj nij soꞌ rihaan Jesús a.

San Lucas 8:49

Ataa navi̱j caꞌmi̱i̱ Jesús, ne̱ caꞌnaꞌ ꞌo̱ síí cavii tucuá Jairo, ne̱ cataj soꞌ rihaan Jairo a: ―A̱j caviꞌ taꞌnij cha̱na̱ so̱ꞌ, ne̱ taj cheꞌé cara̱a̱ chrúú so̱ꞌ rihaan maestró a̱ maꞌ ―taj síí ꞌnaꞌ cataj xnaꞌanj rihaan Jairo a.

2 Corintios 12:8

Ne̱ quisíj vaꞌnu̱j ya̱ cachíín ni̱ꞌyáá ꞌu̱nj rihaan Síí ꞌNi̱j Raꞌa man níꞌ se vaa caꞌne̱e̱ soꞌ sayuun yoꞌ rihanj a.