San Lucas 18:32 - Triqui de San Juan Copala

³² Ne̱ dan me se ta̱cuachén nii manj rihaan nij síí yaníj, ne̱ caꞌnga̱ꞌ naco̱o̱ nij soꞌ ni̱ꞌyaj nij soꞌ manj, ne̱ quiꞌya̱j chiꞌi̱i̱ nij soꞌ manj, ne̱ quiri̱i̱ talúj nij soꞌ manj,

San Lucas 18:32 Iomraidhean Croise

San Mateo 16:21

Dan me se güii yoꞌ guun cheꞌe̱ Jesús cataj xnaꞌanj Jesús rihaan nij síí tucuꞌyón snana̱ soꞌ se vaa no̱ xcúún soꞌ caꞌa̱nj soꞌ chumanꞌ Jerusalén, ne̱ quira̱nꞌ ndoꞌo soꞌ sayuun quiꞌya̱j nij síí uun chij do̱ꞌ, nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ a. Ne̱ ticavi̱ꞌ nii man soꞌ, ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún soꞌ, cataj soꞌ a.

San Mateo 20:19

Ga̱a ne̱ nago̱ꞌ nij soꞌ manj rihaan nij síí yaníj, ne̱ caꞌnga̱ꞌ naco̱o̱ nij síí yaníj queneꞌe̱n nij soꞌ manj, ne̱ go̱ꞌ nij soꞌ cuartá xráj, ne̱ cachro̱n nij soꞌ manj rihaan rcutze̱ a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús a.

San Mateo 22:6

Ne̱ ꞌó nij soꞌ taꞌaa man nij se‑mo̱zó síí nica̱j suun rey, ne̱ quiꞌyaj chiꞌi̱i̱ nij soꞌ man mozó yoꞌ, ne̱ ticaviꞌ nij soꞌ man mozó nacúún man nij soꞌ a.

San Mateo 26:67

Ga̱a ne̱ quirii talúj nij soꞌ rihaan Jesús, ne̱ goꞌ nij soꞌ man Jesús a. Ne̱ coxro taꞌa̱j nij soꞌ xruu̱ Jesús,

San Mateo 27:2

Ga̱a ne̱ numíj nij soꞌ man soꞌ, ne̱ caꞌanj nica̱j nij soꞌ man soꞌ rihaan síí nica̱j suun gobernador cuꞌna̱j Pilató, ne̱ tacuachén nij soꞌ man Jesús rihaan soꞌ a.

San Marcos 14:65

Ga̱a ne̱ guun cheꞌe̱ taꞌa̱j nij soꞌ quirii talúj nij soꞌ man Jesús, ne̱ caráán nij soꞌ yatzéj rihaan Jesús, ne̱ goꞌ nij soꞌ man Jesús, ne̱ cataj nij soꞌ a: ―Sese ya̱ síí nataꞌ snana̱ Yaꞌanj mé so̱ꞌ, ne̱ cata̱j xnaꞌanj so̱ꞌ rihaan núj me síí goꞌ mán so̱ꞌ vi̱j ―taj nij soꞌ, tihaꞌ yuꞌunj nij soꞌ man Jesús a. Ne̱ nica̱j nij tanuu man soꞌ, ne̱ goꞌ nij tanuu man soꞌ a.

San Marcos 15:1

Ga̱a ne̱ rej ranga̱ꞌ cunuu chre̱ꞌ nij xrej ata̱ suun noco̱o do̱ꞌ, nij síí uun chij do̱ꞌ, nij síí naquiꞌyaj cu̱u stucua̱nj Moisés do̱ꞌ, nu̱ꞌ Xꞌneꞌ Nij Síí Ata̱ Suun Noco̱o Doj do̱ꞌ, quiꞌyaj nij soꞌ juntá, ga̱a ne̱ numíj nij soꞌ man Jesús, ne̱ nica̱j nij soꞌ man Jesús caꞌanj nij soꞌ rihaan Pilató, ne̱ tacuachén nij soꞌ man Jesús rihaan soꞌ a.

San Lucas 18:33

ne̱ go̱ꞌ nij soꞌ cuartá xráj, ga̱a ne̱ ticavi̱ꞌ nij soꞌ manj a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús rihaan nij soꞌ a.

San Lucas 23:1

Dan me se queꞌe̱e̱ nij soꞌ, ne̱ naxuma̱a̱n ta̱ranꞌ nij soꞌ, ne̱ caꞌanj nica̱j nij soꞌ man Jesús rihaan síí cuꞌna̱j Pilató a.

San Lucas 23:11

Ga̱a ne̱ nachriꞌ Herodes do̱ꞌ, nij tanuu nu̱u̱ rihaan soꞌ do̱ꞌ, niꞌya̱j nij soꞌ man Jesús, ne̱ caꞌngaꞌ naco̱o̱ nij soꞌ niꞌya̱j nij soꞌ man Jesús a. Ga̱a ne̱ naꞌnéé nij soꞌ yatzíj sedá man Jesús quiꞌyaj Herodes, ne̱ veé dan naꞌnéé uún Herodes man soꞌ rihaan Pilató a.

San Lucas 23:35

Ne̱ canicunꞌ queꞌe̱e̱ yuvii̱ niꞌya̱j da̱j quira̱nꞌ Jesús a. Dan me se caꞌngaꞌ naco̱o̱ nij síí uun chij, cataj nij soꞌ a: ―Tinanii soꞌ man ꞌó yuvii̱ rihaan sayuun, rá soꞌ á. Ti̱nanii soꞌ man maꞌa̱n soꞌ ya̱j vi̱j. Sese si̱j narii Yaꞌanj me soꞌ do̱ꞌ, sese Si̱j Caꞌnéé Yaꞌanj Ti̱nanii man Yuvii̱ rihaan Sayuun me soꞌ do̱ꞌ, ne̱ caꞌve̱e ti̱nanii soꞌ man maꞌa̱n soꞌ a ―taj nij síí uun chij niꞌya̱j nij soꞌ man Jesús a.

San Juan 18:22

Quisíj caꞌmii Jesús da̱nj, ga̱a ne̱ coxro ꞌo̱ tanuu tumé nuvií noco̱o nicu̱nꞌ rej yoꞌ xruu̱ Jesús, ne̱ cataj soꞌ a: ―Me cheꞌé caꞌmii so̱ꞌ da̱nj rihaan xrej ata̱ suun noco̱o doj ―taj soꞌ, guun yuva̱a̱ soꞌ man Jesús a.

San Juan 18:28

Dan me se nica̱j nij mozó do̱ꞌ, nij tanuu do̱ꞌ, man Jesús curiha̱nj nij soꞌ rej ya̱nj síí cuꞌna̱j Caifás, ne̱ caꞌanj nij soꞌ tucuá suun a. Naꞌya̱a̱n uxrá me yoꞌ a. Ne̱ ne catu̱u̱ nij síí israelitá rá tucuá suun a̱ maꞌ. ꞌO̱ se me rá nij soꞌ cha̱ nij soꞌ Chaꞌanj Pascuá, ne̱ cheꞌé dan ne caꞌve̱j rá nij soꞌ gu̱un chiꞌi̱i̱ nij soꞌ rihaan Yaꞌanj quiꞌya̱j tucuá suun yoꞌ a.

San Juan 18:30

Ga̱a ne̱ cataj nij soꞌ rihaan Pilató a: ―Sese né si̱j ꞌyaj chiꞌi̱i̱ me síí nihánj, ne̱ ne ta̱cuachén núj man soꞌ nda̱a rihaan so̱ꞌ tza̱j maꞌ ―taj nij yuvii̱ rihaan Pilató a.

San Juan 18:32

Cheꞌé se caꞌmii nij soꞌ da̱nj roꞌ, cheꞌé dan quisi̱j ya̱ nu̱ꞌ snana̱ Jesús nana̱ aꞌmii cheꞌé da̱j quiꞌya̱j nii man soꞌ ticavi̱ꞌ nii man soꞌ a.

San Juan 18:35

Ga̱a ne̱ xnáꞌanj Pilató man soꞌ, cataj soꞌ a: ―Si̱j israelitá mé ꞌu̱nj, rá so̱ꞌ naꞌ. ꞌO̱ se nij tuvíꞌ so̱ꞌ do̱ꞌ, maꞌa̱n nij xrej ata̱ suun noco̱o do̱ꞌ, tacuachén mán so̱ꞌ rihanj á. Me cacunꞌ tumé so̱ꞌ ga̱ ―taj Pilató, xnáꞌanj soꞌ man Jesús a.

Hechos 2:23

Dan me se tacuachén nii man soꞌ rihaan nij síí ta̱j riꞌyunj man soꞌ, ne̱ cachrón nij síí ne nocoꞌ man Yaꞌanj man soꞌ rihaan rcutze̱, ne̱ caviꞌ soꞌ, quiꞌyaj maꞌa̱n soj a. Ne̱ nu̱ꞌ nihánj me se vaa ꞌo̱ guun rá Yaꞌanj quira̱nꞌ soꞌ, ne̱ a̱j queneꞌen Yaꞌanj se vaa quira̱nꞌ soꞌ da̱nj na̱nj ado̱nj.

Hechos 3:13

Tana̱nj Yaꞌanj si̱j noco̱ꞌ xi̱i níꞌ síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, me síí quiꞌyaj se vaa niꞌndaj ya̱ sa̱ꞌ veꞌé uun chij Taꞌníí maꞌa̱n soꞌ Jesús na̱nj ado̱nj. Tza̱j ne̱ nij soj me nij síí tacuachén man Jesús rihaan nij síí ta̱j riꞌyunj man Jesús, ne̱ nda̱ꞌ se guun ya̱ rá síí cuꞌna̱j Pilató se vaa caꞌa̱nj u̱u̱n Jesús, tza̱j ne̱ cataj soj rihaan Pilató se vaa guun rá soj cavi̱ꞌ Jesús ado̱nj.