San Lucas 18:3 - Triqui de San Juan Copala

³ Ne̱ yáán ꞌo̱ chana̱ caviꞌ nica̱ chumanꞌ yoꞌ, ne̱ síj queꞌe̱e̱ cachíín niꞌya̱j noꞌ rihaan soꞌ se vaa caꞌne̱ꞌ soꞌ cacunꞌ cheꞌé noꞌ ga̱ síí quiꞌyaj sayuun man noꞌ a.

San Lucas 18:3 Iomraidhean Croise

San Mateo 5:25

’Ne̱ so̱ꞌ me se sese vaa síí taj se vaa nij quiꞌyáá so̱ꞌ rihaan soꞌ, ne̱ ga̱a tiha̱j va̱j so̱ꞌ chrej ga̱ soꞌ, ne̱ naꞌmi̱i̱ sa̱ꞌ so̱ꞌ ga̱ soꞌ na̱nj á. Ne̱ sese se̱ quiꞌyáá so̱ꞌ da̱nj ga̱ soꞌ ga̱a tiha̱j va̱j ro̱j so̱j chrej, ne̱ ni̱caj soꞌ mán so̱ꞌ caꞌa̱nj soꞌ rihaan cuese̱, ne̱ cuese̱ yoꞌ roꞌ, ta̱cuachén mán so̱ꞌ raꞌa síí tumé tagaꞌ, ne̱ soꞌ me síí caxri̱i̱ tagaꞌ mán so̱ꞌ ado̱nj.

San Lucas 18:2

Dan me se cataj Jesús a: ―ꞌO̱ cuese̱ cayáán rque ꞌo̱ chumanꞌ me ꞌo̱ soꞌ, ne̱ né si̱j amán rá niꞌya̱j man Yaꞌanj do̱ꞌ, né si̱j aráj cochro̱j rihaan yuvii̱ do̱ꞌ, me cuese̱ yoꞌ a.

San Lucas 18:4

Ne̱ a̱ doj ne caꞌve̱j rá soꞌ ra̱cuíj soꞌ man noꞌ a̱ maꞌ. Tza̱j ne̱ ꞌo̱ güii me se guun rá maꞌa̱n cuese̱ yoꞌ a: “Caꞌve̱e se ne amán raj niꞌya̱j ꞌu̱nj Yaꞌanj do̱ꞌ, caꞌve̱e se ne aráj co̱chrój rihaan yuvii̱ do̱ꞌ,

San Lucas 18:5

tza̱j ne̱ cheꞌé se guun rmi̱i̱ ndoꞌoj ꞌyaj chana̱ caviꞌ nica̱ nihánj, ne̱ cheꞌé dan caꞌne̱ꞌ ca̱chríí ꞌu̱nj cacunꞌ cheꞌé síí ꞌyaj sayuun man noꞌ, ne̱ caꞌve̱e a. Se taj, ne̱ gu̱un rmi̱i̱ xréé ꞌu̱nj, quiꞌya̱j noꞌ vaa güii ado̱nj”, guun rá cuese̱ yoꞌ a ―taj Síí ꞌNi̱j Raꞌa man níꞌ a.