San Lucas 18:14 - Triqui de San Juan Copala

¹⁴ ’Ne̱ cuano̱ nihánj me se cata̱j xnaꞌanj ꞌu̱nj rihaan soj se vaa ga̱a quinanꞌ síí tihaꞌ yuꞌunj man yuvii̱ cheꞌé impuestó yoꞌ tucuá soꞌ, ga̱a ne̱ a̱j cunuu sa̱ꞌ nimán soꞌ rihaan Yaꞌanj na̱nj á. Tza̱j ne̱ ꞌó soꞌ roꞌ, taj maꞌ. ꞌO̱ se xa̱ꞌ síí me rá ta̱cavii sa̱ꞌ man maꞌa̱n, tza̱j ne̱ quiri̱ꞌ soꞌ, ne̱ gu̱un naꞌa̱j soꞌ a. Ne̱ xa̱ꞌ síí naquiꞌyaj nica̱ꞌ nimán, tza̱j ne̱ cavi̱i̱ sa̱ꞌ ndoꞌo soꞌ ado̱nj ―taj Jesús rihaan nij yuvii̱ yoꞌ a.

San Lucas 18:14 Iomraidhean Croise

San Mateo 23:12

ne̱ xa̱ꞌ síí me rá ti̱cavii sa̱ꞌ man maꞌa̱n, tza̱j ne̱ quiri̱ꞌ soꞌ, ne̱ gu̱un naꞌa̱j soꞌ, ne̱ xa̱ꞌ síí ꞌyaj nica̱ꞌ nimán, tza̱j ne̱ cavi̱i̱ sa̱ꞌ soꞌ ado̱nj ―taj Jesús rihaan nij yuvii̱ a.

San Mateo 5:3

―Cavi̱i̱ sa̱ꞌ ta̱ranꞌ nij síí vaa nica̱ꞌ nimán ado̱nj. ꞌO̱ se a̱j uun chij Yaꞌanj nimán nij soꞌ ado̱nj.

San Lucas 1:52

Nij síí rii taꞌngaꞌ roꞌ, caꞌnéj Yaꞌanj suun raꞌa nij soꞌ na̱nj ado̱nj. Ne̱ nij síí noco̱ꞌ roꞌ, guun nij soꞌ síí rii taꞌngaꞌ naca̱, quiꞌyaj Yaꞌanj na̱nj á.

San Lucas 10:29

Tza̱j ne̱ síí sa̱ꞌ ina̱nj me síí tucuꞌyón stucua̱nj Moisés, rá maꞌa̱n soꞌ a. Cheꞌé dan xnáꞌanj soꞌ nana̱ nihánj man Jesús a: ―Me síí me tuvíꞌ ꞌu̱nj ga̱ ―taj soꞌ a.

San Lucas 14:11

ꞌO̱ se xa̱ꞌ síí me rá ti̱cavii sa̱ꞌ man maꞌa̱n ni̱ꞌyaj yuvii̱, tza̱j ne̱ quiri̱ꞌ soꞌ, ne̱ gu̱un naꞌa̱j soꞌ ado̱nj. Ne̱ xa̱ꞌ síí ꞌyaj nica̱ꞌ nimán, tza̱j ne̱ cavi̱i̱ sa̱ꞌ soꞌ ni̱ꞌyaj yuvii̱ ado̱nj ―taj Jesús rihaan nij síí fariseo do̱ꞌ, rihaan nij síí naquiꞌyaj cu̱u stucua̱nj Moisés do̱ꞌ a.

San Lucas 16:15

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ nuviꞌ cacunꞌ tumé soj niꞌya̱j yuvii̱, ꞌyaj soj maꞌ. Tza̱j ne̱ Yaꞌanj roꞌ, me síí neꞌen ya̱ da̱j vaa nimán soj ado̱nj. ꞌO̱ se sa̱ꞌ uxrá vaa ꞌyaj yuvii̱, rá tuviꞌ yuvii̱, tza̱j ne̱ chiꞌi̱i̱ ndoꞌo ꞌyaj nij yuvii̱, rá Yaꞌanj na̱nj ado̱nj.

Romanos 3:20

ꞌO̱ se taj a̱ ꞌó yuvii̱ ne quisi̱j quiꞌya̱j nu̱ꞌ nda̱a vaa taj stucua̱nj Moisés, ne̱ cheꞌé dan taj se qui̱ꞌyáꞌ cunu̱u sa̱ꞌ a̱ doj yuvii̱ rihaan Yaꞌanj quiꞌya̱j tucuáán yoꞌ a̱ maꞌ. Ma̱an se nariꞌ yuvii̱ stucua̱nj Moisés, ne̱ xcaj yuvii̱ cuentá se vaa ya̱ ya̱ si̱j tumé cacunꞌ me maꞌa̱n nij yuvii̱ rihaan Yaꞌanj na̱nj ado̱nj.

Romanos 4:5

Tza̱j ne̱ sese ne ꞌyaj suun yuvii̱ rihaan Yaꞌanj, tza̱j ne̱ tana̱nj amán rá yuvii̱ niꞌya̱j yuvii̱ Yaꞌanj se vaa caꞌve̱e tinavi̱j Yaꞌanj cacunꞌ tumé yuvii̱, ne̱ cheꞌé dan taj Yaꞌanj se vaa síí sa̱ꞌ nimán me yuvii̱ yoꞌ na̱nj ado̱nj.

Romanos 5:1

Dan me se amán rá níꞌ neꞌen níꞌ Yaꞌanj, ne̱ cheꞌé dan navij cacunꞌ tumé níꞌ, ne̱ cunuu sa̱ꞌ nimán níꞌ rihaan Yaꞌanj, ne̱ cheꞌé dan me ne chuꞌviꞌ níꞌ ya̱j, cheꞌé se a̱j naꞌmii sa̱ꞌ níꞌ ga̱ Yaꞌanj quiꞌyaj Jesucristó Si̱j ꞌNi̱j Raꞌa man níꞌ ado̱nj.

Romanos 8:33

Níꞌ si̱j narii Yaꞌanj man me se se̱ guun cuta̱ꞌ yuvii̱ cacunꞌ xráá níꞌ rihaan Yaꞌanj maꞌ. ꞌO̱ se maꞌa̱n Yaꞌanj cataj se vaa cunuu sa̱ꞌ níꞌ rihaan soꞌ chugua̱nj.

Gálatas 2:16

Tza̱j ne̱ neꞌen níꞌ se vaa nda̱ꞌ se veꞌé nocoꞌ ꞌo̱ soꞌ stucua̱nj Moisés, tza̱j ne̱ se̱ cunuu sa̱ꞌ maꞌa̱n soꞌ rihaan Yaꞌanj maꞌ. ꞌO̱ se cunu̱u sa̱ꞌ ya̱ soꞌ rihaan Yaꞌanj sese cuchuma̱n rá soꞌ ni̱ꞌyaj soꞌ man Cristó ado̱nj. Dan me se cuchumán rá maꞌa̱n níꞌ niꞌya̱j níꞌ man Cristó Jesús, yan cunu̱u sa̱ꞌ níꞌ rihaan Yaꞌanj, tza̱j ne̱ se̱ cunuu sa̱ꞌ níꞌ, quiꞌya̱j stucua̱nj Moisés maꞌ. Ina̱nj da̱nj taj Danj Yaꞌanj á. A̱ ꞌó yuvii̱ se̱ cunuu sa̱ꞌ rihaan Yaꞌanj quiꞌya̱j stucua̱nj Moisés maꞌ, taj uún Danj Yaꞌanj ado̱nj.

Santiago 4:10

Naquiꞌya̱j nica̱ꞌ soj nimán soj rihaan Síí ꞌNi̱j Raꞌa man níꞌ, ga̱a ne̱ cavi̱i̱ sa̱ꞌ soj, quiꞌya̱j soꞌ chugua̱nj.

Santiago 4:6

Ne̱ uxrá doj ꞌyaj Yaꞌanj se lu̱j cheꞌé níꞌ, ne̱ cheꞌé dan no̱ nana̱ nihánj rihaan Danj Yaꞌanj a: “Aráán Yaꞌanj chrej rihaan nij síí xta̱ꞌ nimán se̱ cavii sa̱ꞌ nij soꞌ, tza̱j ne̱ ꞌyaj Yaꞌanj se lu̱j cheꞌé nij síí vaa nica̱ꞌ nimán a”, taj Danj Yaꞌanj a.