San Lucas 17:8 - Triqui de San Juan Copala

⁸ Tana̱nj ta̱j soj a: “Quiꞌya̱j chu̱vií so̱ꞌ cha̱ ꞌu̱nj, ne̱ cuta̱ꞌ so̱ꞌ se chá do̱ꞌ, na do̱ꞌ, rihaan mesá rej cha̱ ꞌu̱nj, ne̱ asa̱ꞌ quisíj chaj ga̱a ne̱ caꞌve̱e cha̱ so̱ꞌ ne̱ coꞌo̱ so̱ꞌ na ado̱nj.” Da̱nj caꞌmi̱i̱ soj rihaan se‑mo̱zó soj na̱nj á.

San Lucas 17:8 Iomraidhean Croise

San Lucas 12:37

Ne̱ cavi̱i̱ sa̱ꞌ uxrá nij mozó ꞌyaj da̱nj, cheꞌé se ne otoj nij soꞌ ga̱a namán se‑ruꞌve̱e̱ nij soꞌ a. Dan me se queneꞌe̱n ya̱ soꞌ se vaa ne otoj nij soꞌ maꞌ. Cata̱j yá ꞌu̱nj rihaan soj cuano̱ se vaa maꞌa̱n ruꞌvee yoꞌ roꞌ, naquiꞌya̱j sa̱ꞌ soꞌ man soꞌ, ne̱ ca̱yáán se‑mo̱zó soꞌ rihaan mesá, quiꞌya̱j soꞌ, ne̱ quiꞌya̱j chuvi̱i maꞌa̱n soꞌ cha̱ nij se‑mo̱zó soꞌ ado̱nj.

San Lucas 17:7

Ga̱a ne̱ cataj uún Jesús rihaan nij síí cuneꞌ soꞌ a: ―Sese vaa mozó nu̱u̱ rihaan ꞌo̱ soj, ne̱ sese uxraꞌ mozó yoꞌóó do̱ꞌ, sese tumé mozó daán soj xcuu do̱ꞌ, ne̱ da̱j cata̱j soj rihaan mozó asa̱ꞌ namán mozó quiꞌya̱j suun soꞌ rej tacaan ga̱. Ne taj soj rihaan mozó se vaa nu̱ꞌ ca̱yáán mozó cha̱ mozó maꞌ.

San Lucas 17:9

Ne̱ se̱ caráyaꞌa̱nj soj man mozó sese quiꞌyaj suun ndoꞌo mozó yoꞌ suun caꞌneꞌ soj rihaan mozó yoꞌ maꞌ.

San Juan 13:4

Dan me se ga̱a quisíj chá xtiꞌno̱ nij soꞌ, ne̱ quirii Jesús roto̱ nu̱u̱ soꞌ, ne̱ taꞌaa soꞌ yatzíj toallá, ne̱ numíj soꞌ catuu̱n soꞌ a.