San Lucas 17:7 - Triqui de San Juan Copala

⁷ Ga̱a ne̱ cataj uún Jesús rihaan nij síí cuneꞌ soꞌ a: ―Sese vaa mozó nu̱u̱ rihaan ꞌo̱ soj, ne̱ sese uxraꞌ mozó yoꞌóó do̱ꞌ, sese tumé mozó daán soj xcuu do̱ꞌ, ne̱ da̱j cata̱j soj rihaan mozó asa̱ꞌ namán mozó quiꞌya̱j suun soꞌ rej tacaan ga̱. Ne taj soj rihaan mozó se vaa nu̱ꞌ ca̱yáán mozó cha̱ mozó maꞌ.

San Lucas 17:7 Iomraidhean Croise

San Mateo 12:11

Ga̱a ne̱ cataj Jesús rihaan nij soꞌ a: ―Sese vaa daán ꞌo̱ soj matzinj, ne̱ sese quini̱j xoꞌ rá yuꞌuj güii naránj rá yuvii̱, ne̱ cuxu̱u̱n síí da̱a̱n man xoꞌ quiri̱i̱ soꞌ man xoꞌ rque yuꞌuj yoꞌ, raj a.

San Lucas 13:15

Ga̱a ne̱ cataj Síí ꞌNi̱j Raꞌa man níꞌ rihaan síí ꞌni̱j raꞌa veꞌ a: ―Síí nucuiꞌ ndoꞌo rá me soj ado̱nj. ꞌO̱ se ta̱ranꞌ soj me se ne nache soj daán soj scúj do̱ꞌ, daán soj burró do̱ꞌ, rej numi̱i xoꞌ, ne̱ nica̱j soj man xoꞌ ꞌanj soj rej coꞌo̱ xoꞌ na güii naránj rá níꞌ ga̱a a̱ naꞌ.

San Lucas 14:5

Ga̱a ne̱ niꞌya̱j Jesús rihaan nij síí fariseo yoꞌ, cataj soꞌ a: ―Ne̱ sese quini̱j taꞌníí ꞌo̱ soj do̱ꞌ, ꞌo̱ daán soj scúj do̱ꞌ, rá cuxruj na güii naránj rá níꞌ, ne̱ raꞌya̱nj quiri̱i̱ soj man taꞌníí soj do̱ꞌ, man daán soj scúj do̱ꞌ, rá ꞌu̱nj na̱nj asânj ―taj Jesús rihaan nij síí fariseo a.

San Lucas 17:26

’Ne̱ ase vaa quiꞌyaj yuvii̱ ga̱a cayáán síí cuꞌna̱j Noé rihaan chumii̱ roꞌ, da̱nj ga̱a̱ quiꞌya̱j uún yuvii̱ asa̱ꞌ caꞌna̱ꞌ uún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj ado̱nj.

San Lucas 17:6

Ga̱a ne̱ cataj Síí ꞌNi̱j Raꞌa man níꞌ rihaan nij soꞌ a: ―Sese da̱j se ꞌo̱ sꞌnii̱ cuchuma̱n rá soj ni̱ꞌyaj soj man Yaꞌanj, ne̱ sese ase vaa caân cuêj mostazá xlá ga̱a̱ cuchuma̱n rá soj, ne̱ cata̱j soj rihaan chruun nihánj se vaa cu̱riha̱nj chruun yoꞌóó rej nicu̱nꞌ yoꞌ ne̱ caꞌa̱nj chruun canicu̱nꞌ yoꞌ rque na yaꞌa̱nj, ne̱ cuno̱ chruun rihaan soj ado̱nj ―taj Jesús rihaan nij soꞌ a.

San Lucas 17:8

Tana̱nj ta̱j soj a: “Quiꞌya̱j chu̱vií so̱ꞌ cha̱ ꞌu̱nj, ne̱ cuta̱ꞌ so̱ꞌ se chá do̱ꞌ, na do̱ꞌ, rihaan mesá rej cha̱ ꞌu̱nj, ne̱ asa̱ꞌ quisíj chaj ga̱a ne̱ caꞌve̱e cha̱ so̱ꞌ ne̱ coꞌo̱ so̱ꞌ na ado̱nj.” Da̱nj caꞌmi̱i̱ soj rihaan se‑mo̱zó soj na̱nj á.