San Lucas 17:5 - Triqui de San Juan Copala

⁵ Ga̱a ne̱ nij síí cuneꞌ Jesús roꞌ, cataj nij soꞌ rihaan maꞌa̱n Jesús Si̱j ꞌNi̱j Raꞌa man níꞌ a: ―Cata̱j xnaꞌanj so̱ꞌ rihaan núj da̱j quiꞌya̱j núj, ga̱a ne̱ doj a̱ cuchuma̱n rá núj ni̱ꞌyaj núj Yaꞌanj á ―taj nij soꞌ rihaan Jesús a.

San Lucas 17:5 Iomraidhean Croise

San Marcos 6:30

Dan me se nij síí cuneꞌ Jesús caꞌa̱nj nata̱ꞌ snana̱ soꞌ roꞌ, cunuu chre̱ꞌ nij soꞌ ga̱ Jesús, ne̱ nataꞌ nij soꞌ rihaan soꞌ cheꞌé nu̱ꞌ se vaa quiꞌyaj nij soꞌ do̱ꞌ, cheꞌé cunuda̱nj nij nana̱ tucuꞌyón nij soꞌ man nij yuvii̱ do̱ꞌ a.

San Marcos 9:24

Nu̱ꞌ caꞌmii Jesús da̱nj, ne̱ nu̱ꞌ caguáj rej xnii, cataj soꞌ a: ―Amán rá ꞌu̱nj niꞌya̱j ꞌu̱nj Yaꞌanj á. Ra̱cuíj so̱ꞌ manj cuchuma̱n doj raj, rugua̱nj ―taj soꞌ rihaan Jesús a.

San Lucas 7:13

Dan me se queneꞌen Jesús man chana̱ yoꞌ, ga̱a ne̱ cunuu ꞌe̱e̱ rá soꞌ man noꞌ, ga̱a ne̱ cataj soꞌ a: ―Se̱ taꞌveé so̱ꞌ maꞌ ―taj soꞌ a.

San Lucas 7:19

ga̱a ne̱ caꞌnéé soꞌ man ro̱j soꞌ cuchi̱ꞌ ro̱j soꞌ rihaan Jesús Si̱j ꞌNi̱j Raꞌa man níꞌ a. Ne̱ nana̱ nihánj roꞌ, xna̱ꞌanj ro̱j soꞌ man Jesús, taj Juan rihaan ro̱j soꞌ a: “So̱ꞌ me Síí Caꞌna̱ꞌ Ti̱nanii man Yuvii̱ rihaan Sayuun naꞌ. Ase na̱ꞌvi̱j níꞌ caꞌna̱ꞌ ꞌó soꞌ xa̱ꞌ.” Dan me nana̱ me rá Juan xna̱ꞌanj ro̱j soꞌ man Jesús a.

Filipenses 4:13

Cheꞌé se rqué ndoꞌo Cristó se nucua̱j manj roꞌ, cheꞌé dan uun nu̱cuáj rihaan me maꞌa̱n rasu̱u̱n ado̱nj.

2 Tesalonicenses 1:3

Doj a̱ doj a̱ amán rá soj niꞌya̱j soj man Yaꞌanj, ne̱ nuu ꞌe̱e̱ doj rá ꞌo̱ ꞌo̱ soj tinúú soj da̱j a̱ güii, ne̱ cheꞌé dan no̱ xcúún núj ꞌo̱ cata̱j núj guun niꞌya̱j níꞌ rihaan Yaꞌanj cheꞌé soj, tinu̱j, nocoj.

Hebreos 12:2

Ma̱an se ꞌo̱ ni̱ꞌyaj níꞌ man Jesús á. Maꞌa̱n soꞌ me se síí cuchruj tucuáán amán rá niꞌya̱j man Yaꞌanj ado̱nj. Ne̱ veé soꞌ me síí quisíj quiꞌyaj ya̱ nu̱ꞌ suun cheꞌé rej canoco̱ꞌ níꞌ man Yaꞌanj ado̱nj. Dan me se neꞌen soꞌ se vaa rej riha̱a̱n gu̱un niha̱ꞌ uxrá rá nimán soꞌ sese quiꞌya̱j soꞌ se vaa me rá Yaꞌanj, ne̱ cheꞌé dan guun nucua̱j soꞌ caviꞌ soꞌ rihaan rcutze̱, ne̱ ne cara̱yaꞌa̱nj soꞌ se vaa caꞌngaꞌ naco̱o̱ yuvii̱ niꞌya̱j yuvii̱ man soꞌ maꞌ. Síj ga̱a ne̱ caꞌanj ca̱yáán soꞌ rej nuva̱ꞌ xrúún Yaꞌanj, chruun xlá sa̱ꞌ uxrá ado̱nj.