San Lucas 17:21 - Triqui de San Juan Copala

²¹ Ne̱ se̱ cataj nii: “Ni̱ꞌyaj so̱ꞌ á. Nihánj me uun chij Yaꞌanj chugua̱nj. Yoꞌ me rej uun chij Yaꞌanj ado̱nj.” Se̱ caꞌmii yuvii̱ da̱nj maꞌ. ꞌO̱ se scaꞌnúj maꞌa̱n soj roꞌ, a̱j vaa yuvii̱ uun chij Yaꞌanj nimán ado̱nj ―taj Jesús rihaan nij síí fariseo a.

San Lucas 17:21 Iomraidhean Croise

San Mateo 12:28

Tza̱j ne̱ ꞌu̱nj me se ya̱ Nimán Yaꞌanj me síí racuíj manj rii ꞌu̱nj nana̱ chre̱e nimán yuvii̱ ado̱nj. Cheꞌé dan xca̱j soj cuentá se vaa a̱j guun cheꞌe̱ Yaꞌanj uun chij Yaꞌanj scaꞌnúj soj ado̱nj.

San Marcos 13:21

’Ne̱ güii yoꞌ me se sese cata̱j ꞌo̱ yuvii̱, “Ni̱ꞌyaj soj; nihánj nicunꞌ Síí Caꞌnéé Yaꞌanj Ti̱nanii man Yuvii̱ rihaan Sayuun á”, ase cata̱j ꞌó yuvii̱, “Ni̱ꞌyaj soj; yoꞌ nicunꞌ soꞌ á”, ne̱ se̱ cuchumán rá soj maꞌ.

San Lucas 17:23

Ga̱a ne̱ cata̱j yuvii̱ rihaan soj a: “Ni̱ꞌyaj so̱ꞌ á. Yoꞌ me rej va̱j Jesús chugua̱nj.” Ne̱ cata̱j uún yuvii̱ a: “Ni̱ꞌyaj so̱ꞌ á. Nihánj me rej va̱j Jesús ado̱nj”, cata̱j yuvii̱ rihaan soj a. Tza̱j ne̱ se̱ cavii soj nano̱ꞌ soj manj maꞌ.

San Lucas 21:8

Ga̱a ne̱ cataj soꞌ a: ―Tu̱mé ndoꞌo soj man soj se̱ gaa na̱nj tiha̱ꞌ yuꞌunj yuvii̱ man soj á. ꞌO̱ se caꞌna̱ꞌ uxrá yuvii̱ cata̱j a: “ꞌU̱nj me síí naꞌvi̱j soj, ne̱ Síí Ti̱nanii man Yuvii̱ rihaan Sayuun mej á”, cata̱j nij yuvii̱, ne̱ cata̱j uún nij yuvii̱ a: “A̱j quisíj güii caꞌa̱nj niꞌya̱ chumii̱ na̱nj á”, cata̱j uún nij yuvii̱ rihaan soj a. Tza̱j ne̱ se̱ cuchumán rá soj, ne̱ se̱ canocoꞌ soj man yuvii̱ aꞌmii da̱nj maꞌ.

San Juan 1:26

Ne̱ cataj xnaꞌanj Juan rihaan nij soꞌ, cataj soꞌ a: ―ꞌU̱nj me se na u̱u̱n utaꞌ ne ꞌu̱nj man yuvii̱ a. Tza̱j ne̱ vaa ꞌó síí nicu̱nꞌ scaꞌnúj soj, ne̱ ne neꞌen soj man soꞌ maꞌ.

San Juan 18:36

Ga̱a ne̱ cataj Jesús a: ―ꞌO̱ se né riha̱a̱n chumii̱ nihánj me rej uun chij ꞌu̱nj maꞌ. Sese rihaan chumii̱ nihánj me rej uun chij ꞌu̱nj, ne̱ gaa tanuu nu̱u̱ rihanj, ne̱ cavii nij tanuu, cunuꞌ nij tanuu, cheꞌé rej se̱ taꞌaa nij síí uun chij rihaan nij yuvii̱ israelitá manj asuun tza̱j ado̱nj. Tza̱j ne̱ né riha̱a̱n chumii̱ nihánj me rej uun chij ꞌu̱nj maꞌ ―taj Jesús a.

Romanos 14:17

ꞌO̱ se nica̱j yuꞌunj Yaꞌanj man níꞌ, ne̱ cheꞌé dan se̱ nanó rá níꞌ cheꞌé se cha̱ níꞌ do̱ꞌ, cheꞌé se coꞌo̱ níꞌ do̱ꞌ maꞌ. Tza̱j ne̱ xca̱j níꞌ cuentá cheꞌé tinúú níꞌ á. ꞌO̱ se xa̱ꞌ suun uun chij Yaꞌanj nimán níꞌ, tza̱j ne̱ né cheꞌe̱ se chá níꞌ do̱ꞌ, né cheꞌe̱ se coꞌo níꞌ do̱ꞌ, me yoꞌ maꞌ. Ma̱an se cheꞌé rej cunu̱u sa̱ꞌ nimán níꞌ ne̱ cheꞌé rej ga̱a̱ xe̱j nimán níꞌ ne̱ cheꞌé rej gu̱un niha̱ꞌ rá nimán níꞌ quiꞌya̱j Nimán Yaꞌanj me yoꞌ a.

Colosenses 1:27

Dan me se guun rá Yaꞌanj xca̱j cunuda̱nj níꞌ si̱j noco̱ꞌ man soꞌ cuentá cheꞌé nana̱ sa̱ꞌ yuve̱ nihánj nana̱ tihaa̱n naca̱ Yaꞌanj se vaa niꞌndaj ya̱ sa̱ꞌ quiꞌyaj Yaꞌanj cheꞌé soj si̱j yaníj na̱nj ado̱nj. Dan me se yuvii̱ yaníj me soj, tza̱j ne̱ ya̱nj Cristó nimán soj, ne̱ cheꞌé dan uun ya̱ rá níꞌ se vaa niꞌndaj ya̱ cavi̱i̱ sa̱ꞌ soj ga̱ Yaꞌanj vaa güii na̱nj ado̱nj.