San Lucas 17:16 - Triqui de San Juan Copala

¹⁶ Ne̱ ga̱a cuchiꞌ soꞌ rihaan Jesús, ga̱a ne̱ caꞌanj ca̱yáán ru̱j soꞌ nda̱a canó rihaan soꞌ rihaan yoꞌóó, ne̱ cataj soꞌ guun niꞌya̱j níꞌ rihaan Jesús a. Ne̱ síí avii rej Samaria síí yaníj ga̱ nij yuvii̱ israelitá me soꞌ a.

San Lucas 17:16 Iomraidhean Croise

San Mateo 10:5

Dan me se caꞌnéé Jesús man chuvi̱j nij snóꞌo yoꞌ, ne̱ cataj xnaꞌanj soꞌ rihaan nij soꞌ da̱j quiꞌya̱j nij soꞌ a: ―Se̱ caꞌanj nij soj rej ma̱n nij síí yaníj maꞌ. Se̱ caꞌanj soj chiháán nij yuvii̱ samaritano maꞌ.

San Mateo 2:11

Ga̱a ne̱ catúj nij soꞌ rá veꞌ rej canicunꞌ yatiꞌ xta̱ꞌ, ga̱a ne̱ queneꞌen nij soꞌ man neꞌej ga̱ nii neꞌej chana̱ cuꞌna̱j Mariá, ga̱a ne̱ quinij ru̱j nda̱a cayáán cuyu̱u̱ nij soꞌ, ne̱ caráj gue̱e̱ nij soꞌ rihaan neꞌej yoꞌ a. Veé dan, ga̱a ne̱ caꞌnúj nij soꞌ se‑chru̱nj nij soꞌ, ga̱a ne̱ rqué ndoꞌo nij soꞌ rasu̱u̱n sa̱ꞌ tuꞌve̱e̱ ndoꞌo rihaan neꞌej yoꞌ a. Dan me se agaꞌ oró míí do̱ꞌ, squíí cuꞌna̱j “incienso” do̱ꞌ, squíí cuꞌna̱j “mirra” do̱ꞌ, rqué u̱u̱n nij soꞌ rihaan neꞌej yoꞌ a.

San Marcos 5:33

Ne̱ dan me se cuchuꞌviꞌ ndoꞌo noꞌ ne̱ nda̱a riꞌíj man noꞌ, ne̱ a̱j neꞌen noꞌ se vaa nahuun sa̱ꞌ noꞌ a. Ga̱a ne̱ caꞌanj noꞌ, ne̱ quinij ru̱j noꞌ tacóó Jesús, ne̱ cataj ya̱ noꞌ rihaan Jesús nu̱ꞌ se vaa quiꞌyaj noꞌ a.

San Lucas 17:17

Ga̱a ne̱ cataj Jesús rihaan nij síí chéé ga̱ soꞌ a: ―Nuveé chi̱ꞌ ya̱ yuvii̱ nahuun sa̱ꞌ naꞌ. Ne̱ me rej va̱j ꞌó u̱u̱n nij síí nahuun sa̱ꞌ, rá soj ga̱.

San Lucas 5:8

Dan me se queneꞌen Simón Pedró se vaa quiꞌyaj Jesús, ga̱a ne̱ caꞌanj ca̱yáán ru̱j soꞌ rihaan Jesús, cataj soꞌ a: ―Naxu̱u̱n so̱ꞌ mán so̱ꞌ rihanj cheꞌé se síí ata̱ ndoꞌo cacunꞌ mej na̱nj á ―taj Simón rihaan Jesús a.

San Juan 4:9

Veé dan, ne̱ cataj chana̱ samaritana yoꞌ rihaan Jesús a: ―Me cheꞌé cachíín so̱ꞌ na rihanj, coꞌo̱ so̱ꞌ, ne̱ ni̱ꞌyaj so̱ꞌ, ne̱ si̱j israelitá mé so̱ꞌ, ne̱ chana̱ samaritana mej ga̱ ―taj chana̱ yoꞌ, xnáꞌanj noꞌ man Jesús a. ꞌO̱ se ne aꞌmii sa̱ꞌ nij síí israelitá ga̱ nij síí samaritano maꞌ.

San Juan 5:23

ne̱ ase vaa aráj cochro̱j yuvii̱ rihaan soꞌ roꞌ, da̱nj ga̱a̱ cara̱a̱ cochro̱j yuvii̱ rihanj ado̱nj. Dan me se síí ne aráj cochro̱j rihanj Si̱j Taꞌni̱j Yaꞌanj me se soꞌ me síí ne aráj cochro̱j rihaan Réj Yaꞌanj síí caꞌnéé manj a̱ maꞌ.

San Juan 8:48

Ga̱a ne̱ cataj nij síí uun chij rihaan nij yuvii̱ israelitá a: ―Ya̱ uxrá vaa nana̱ caꞌmii núj se vaa né tuvi̱ꞌ núj mé so̱ꞌ a̱ maꞌ. ꞌO̱ se síí cavii estadó Samaria mé so̱ꞌ chugua̱nj. Nu̱u̱ nana̱ chre̱e nimán so̱ꞌ ado̱nj ―taj nij soꞌ rihaan Jesús a.

Hechos 1:8

Tza̱j ne̱ asa̱ꞌ nanij Nimán Yaꞌanj catu̱u̱ soꞌ nimán soj, ne̱ quiri̱ꞌ ndoꞌo soj rej nucua̱j, ga̱a ne̱ gu̱un soj síí nata̱ꞌ snana̱j rihaan yuvii̱ ado̱nj. Dan me se chumanꞌ Jerusalén do̱ꞌ, nu̱ꞌ estadó Judea do̱ꞌ, nda̱a chumanꞌ Samaria do̱ꞌ, caꞌve̱e se nda̱a chumanꞌ ga̱nꞌ doj na̱j rihaan chumii̱ nihánj, tza̱j ne̱ caꞌa̱nj soj nata̱ꞌ soj snana̱j ado̱nj ―taj Jesús rihaan nij soꞌ a.

1 Corintios 14:25

Cuno̱ nij soꞌ nana̱ caꞌmi̱i̱ ta̱ranꞌ soj, ga̱a ne̱ xca̱j nij soꞌ cuentá cheꞌé nu̱ꞌ se chiꞌi̱i̱ ma̱n nimán nij soꞌ, ne̱ caꞌa̱nj ca̱yáán ru̱j nij soꞌ, ga̱a ne̱ cara̱a̱ gue̱e̱ nij soꞌ rihaan Yaꞌanj, ne̱ cata̱j ya̱ nij soꞌ se vaa ya̱ Yaꞌanj nicunꞌ scaꞌnúj soj ado̱nj.

Apocalipsis 19:10

Ga̱a ne̱ cayáán ru̱j ꞌu̱nj rihaan soꞌ cara̱a̱ gue̱e̱ ꞌu̱nj rihaan soꞌ a. Tza̱j ne̱ cataj soꞌ rihanj a: ―Se̱ quiꞌyáá so̱ꞌ da̱nj maꞌ. ꞌO̱ se ꞌu̱nj roꞌ, me síí nu̱u̱ rihaan Yaꞌanj ga̱ nij tinu̱j nij soj si̱j nataꞌ snana̱ Jesús rihaan yuvii̱ a. Rihaan o̱rúnꞌ Yaꞌanj cara̱a̱ gue̱e̱ so̱ꞌ á. ꞌO̱ se nu̱ꞌ nana̱ caꞌmii nij síí nataꞌ snana̱ Yaꞌanj roꞌ, me nana̱ rqué Nimán Yaꞌanj rihaan nij soꞌ, ne̱ snana̱ Jesús me nana̱ yoꞌ ado̱nj ―taj soꞌ rihanj a.

Apocalipsis 4:10

Ne̱ da̱j a̱ ga̱a ꞌyaj nij xoꞌ da̱nj ne̱ ꞌanj ca̱yáán ru̱j ico̱ caꞌa̱nj (24) nij síí uun chij yoꞌ rihaan síí ta̱j rihaan chruun xlá sa̱ꞌ yoꞌ, ne̱ aráj gue̱e̱ nij soꞌ rihaan soꞌ, cheꞌé se me soꞌ síí ca̱yáán nu̱ꞌ cavii nu̱ꞌ caꞌanj, ne̱ tagüéj nij soꞌ cachriin nu̱u̱ raa̱ nij soꞌ rej rihaan chruun xlá sa̱ꞌ yoꞌ a. Ga̱a ne̱ taj nij soꞌ a:

Apocalipsis 5:14

Ga̱a ne̱ cataj caꞌa̱nj nij xcuu yoꞌ a: ―Veé da̱nj ga̱a̱ ya̱ ado̱nj ―taj nij xoꞌ a. Ga̱a ne̱ cayáán ru̱j nij síí uun chij, ne̱ caráj gue̱e̱ nij soꞌ a.