San Lucas 16:25 - Triqui de San Juan Copala

²⁵ ’Tza̱j ne̱ cataj Abraham rihaan soꞌ a: “Tza̱j ne̱ nanu̱j rá so̱ꞌ, taꞌni̱j, se vaa ga̱a gaa iꞌna̱ꞌ so̱ꞌ rihaan chumii̱ ne̱ nica̱j so̱ꞌ ina̱nj rasu̱u̱n sa̱ꞌ, ne̱ Lázaro me se ina̱nj rasu̱u̱n chiꞌi̱i̱ nica̱j soꞌ na̱nj á. Ne̱ cuano̱ nihánj me se guun niha̱ꞌ rá nimán soꞌ, ne̱ ma̱ꞌán so̱ꞌ me se ranꞌ sayuun a.

San Lucas 16:25 Iomraidhean Croise

San Mateo 27:63

ne̱ cataj nij soꞌ a: ―Nu̱u̱ rá núj da̱j cataj síí tihaꞌ yuꞌunj yoꞌ ga̱a vaa iꞌna̱ꞌ soꞌ, señor. Dan me se cataj soꞌ se vaa cache̱n vaꞌnu̱j güii, ga̱a ne̱ cunu̱u iꞌna̱ꞌ uún soꞌ, cataj soꞌ ado̱nj.

San Marcos 9:45

’Ne̱ sese tacóó so̱ꞌ me rá quiꞌya̱j cacunꞌ, ne̱ táá a̱ se caꞌne̱ꞌ so̱ꞌ man yoꞌ na̱nj ado̱nj. Taj se ꞌyaj se taj va̱j tacóó so̱ꞌ, tza̱j ne̱ caꞌve̱e ca̱yáán so̱ꞌ ga̱ Yaꞌanj na̱nj á. Tza̱j ne̱ sese quita̱j tacóó so̱ꞌ ne̱ quiꞌya̱j yoꞌ cacunꞌ, ne̱ caꞌa̱nj so̱ꞌ rihaan yaꞌan, quiꞌya̱j yoꞌ na̱nj á.

San Lucas 16:20

Ne̱ na̱j ꞌo̱ síí nique̱ cuꞌna̱j Lázaro rihaan yoꞌóó taꞌyaa veꞌ tucuá ruꞌvee yoꞌ, ne̱ mán ndoꞌo luj ma̱n síí nique̱ yoꞌ,

San Lucas 16:23

Dan me se caꞌanj soꞌ rej ma̱n nimán nij síí caviꞌ, ne̱ ranꞌ uxrá soꞌ sayuun rej yoꞌ, ga̱a ne̱ naxca̱j soꞌ rihaan soꞌ, ne̱ queneꞌen soꞌ se vaa ga̱nꞌ ndoꞌo yáán Abraham, ne̱ naꞌya̱a̱n Abraham man Lázaro a.

San Lucas 16:26

Ne̱ da̱nj ina̱nj uún, ne̱ nu̱u̱ ꞌo̱ xnéé cunu̱u̱ ndoꞌo scaꞌnúj níꞌ, ne̱ veé da̱nj se̱ caꞌvee cuchi̱ꞌ yuvii̱ ma̱n nihánj nda̱a rej ya̱nj nij soj yoꞌ, ne̱ síí ma̱n yoꞌ se̱ caꞌvee caꞌna̱ꞌ rej nihánj a̱ maꞌ”, taj Abraham rihaan ruꞌvee yoꞌ a.

San Lucas 6:24

’Tza̱j ne̱ nique̱ ndoꞌo soj si̱j ruꞌvee na̱nj á. Soj si̱j ruꞌvee me se a̱j quiriꞌ soj nu̱ꞌ se sa̱ꞌ ni̱caj soj, ne̱ taj va̱j doj se sa̱ꞌ rque̱ Yaꞌanj man soj a̱ maꞌ.

San Juan 16:33

Nu̱ꞌ nana̱ nihánj caꞌmij rihaan soj, cheꞌé se me raj ga̱a̱ xe̱j nimán soj cheꞌé se noco̱ꞌ soj manj a. Quira̱nꞌ soj sayuun rihaan chumii̱ nihánj, tza̱j ne̱ vaa cheꞌé gu̱un niha̱ꞌ rá soj, ne̱ gu̱un ya̱ ya̱ rá soj se vaa ꞌu̱nj nihánj quiꞌyaj canaán ya̱ rihaan chumii̱ nihánj na̱nj ado̱nj ―taj Jesús rihaan nij síí tucuꞌyón snana̱ soꞌ a.

Hechos 14:22

Ne̱ nariꞌ nucuaj nimán cunuda̱nj nij síí tucuꞌyón snana̱ Jesucristó, quiꞌyaj ro̱j soꞌ a. Ne̱ narqué ro̱j soꞌ chrej nucua̱j man nij síí tucuꞌyón snana̱ Jesucristó se vaa daj chiha̱a̱ míj se̱ caꞌneꞌ rá nij soꞌ ga̱ suun noco̱ꞌ stucua̱nj Jesucristó a. Ne̱ cataj ro̱j soꞌ se vaa asino quira̱nꞌ ndoꞌo níꞌ sayuun, ga̱a ne̱ caꞌve̱e catu̱u̱ níꞌ ca̱yáán níꞌ ga̱ Yaꞌanj asa̱ꞌ guun chij Yaꞌanj, taj ro̱j soꞌ a.

Romanos 8:7

Sese gu̱un rá yuvii̱ quiꞌya̱j yuvii̱ ase me rá nee̱ man yuvii̱, ne̱ ta̱j riꞌyunj yuvii̱ man Yaꞌanj, cheꞌé se ne uno yuvii̱ stucua̱nj Yaꞌanj maꞌ. Ne̱ a̱ se̱ guun nucua̱j maꞌa̱n yuvii̱ cuno̱ yuvii̱ stucua̱nj Yaꞌanj vaa ga̱a a̱ maꞌ.

Filipenses 3:19

Vaa güii caca̱a̱ ndoꞌo nij soꞌ na̱nj á. Ina̱nj nee̱ man nij soꞌ aráyaꞌa̱nj nij soꞌ, tza̱j ne̱ ne nocoꞌ nij soꞌ Yaꞌanj maꞌ. Nij ꞌyaj nij soꞌ, tza̱j ne̱ ne naꞌa̱j nij soꞌ maꞌ. Tana̱nj sa̱ꞌ uxrá ꞌyaj nij soꞌ, rá maꞌa̱n nij soꞌ chugua̱nj. Ina̱nj cheꞌé rasu̱u̱n ma̱n rihaan chumii̱ nihánj nanó rá nij soꞌ na̱nj ado̱nj.

1 Tesalonicenses 3:3

Ne̱ a̱ ꞌó soj se̱ quiriꞌíj tucuáán noco̱ꞌ soj cheꞌé sayuun quiꞌya̱j yuvii̱ man soj, rá núj a̱ maꞌ. ꞌO̱ se neꞌen soj se vaa no̱ xcúún níꞌ quira̱nꞌ níꞌ sayuun rihaan chumii̱ nihánj ado̱nj.

Hebreos 11:25

ꞌO̱ se caꞌnéé nimán soꞌ quira̱nꞌ soꞌ sayuun ga̱ nij yuvii̱ noco̱ꞌ man Yaꞌanj na̱nj ado̱nj. ꞌO̱ se sa̱ꞌ a̱ doj vaa ca̱nocóꞌ man Yaꞌanj, rá soꞌ, ne̱ nij vaa gu̱un niha̱ꞌ ráꞌ qui̱ꞌyáꞌ cacunꞌ rihaan Yaꞌanj ya̱j vaa iꞌna̱ꞌ rihaan chumii̱ nihánj, rá soꞌ a.

1 Juan 2:15

Se̱ guun rá soj ni̱ꞌyaj soj chumii̱ nihánj do̱ꞌ, nij rasu̱u̱n ma̱n rihaan chumii̱ nihánj do̱ꞌ maꞌ. ꞌO̱ se xa̱ꞌ síí me rá niꞌya̱j chumii̱ nihánj, tza̱j ne̱ né si̱j aráj cochro̱j man Rej níꞌ Yaꞌanj me soꞌ maan chugua̱nj.

Apocalipsis 7:14

Ga̱a ne̱ cataj ꞌu̱nj rihaan soꞌ a: ―Ne neꞌén ꞌu̱nj me síí me nij soꞌ, maan señor. Tza̱j ne̱ so̱ꞌ me síí neꞌen, raj a ―taj ꞌu̱nj rihaan soꞌ a. Ga̱a ne̱ cataj soꞌ rihanj a: ―Nij síí nihánj roꞌ, me nij síí cachén rihaan queꞌe̱e̱ ndoꞌo sayuun, ga̱a guun sayuun noco̱o rihaan chumii̱ ado̱nj. Ne̱ quináán nij soꞌ saga̱nꞌ nij soꞌ, ne̱ cunuu catzi̱i̱ saga̱nꞌ nij soꞌ, quiꞌyaj ton cayanj man Matzinj Leꞌe̱j ga̱a caviꞌ soꞌ cheꞌé nij soꞌ ado̱nj.