San Lucas 16:19 - Triqui de San Juan Copala

¹⁹ Ga̱a ne̱ nanó Jesús cuentó nihánj a: ―Ruꞌvee me ꞌo̱ soꞌ, ne̱ yatzíj sa̱ꞌ ina̱nj cunuû soꞌ, ne̱ da̱j a̱ güii uun ndoꞌo nihaa sa̱ꞌ tuꞌve̱e̱ ndoꞌo tucuá soꞌ ꞌyaj soꞌ chaꞌanj a.

San Lucas 16:19 Iomraidhean Croise

San Marcos 15:17

Ga̱a ne̱ nanuû Jesús saga̱nꞌ rey yatzíj tintá, quiꞌyaj nij tanuu, ne̱ quiꞌyaj nij soꞌ cachriin tanj, cutaꞌ nij soꞌ raa̱ Jesús a.

San Marcos 15:20

Síj caꞌngaꞌ naco̱o̱ nij soꞌ niꞌya̱j nij soꞌ man Jesús, ga̱a ne̱ quirii uún nij soꞌ saga̱nꞌ rey yatzéj tintá nu̱u̱ Jesús, ne̱ naꞌnéé uún nij soꞌ saga̱nꞌ Jesús man soꞌ a. Ga̱a ne̱ nica̱j nij soꞌ man Jesús cavii nij soꞌ caꞌanj nij soꞌ yan cachro̱n nij soꞌ man Jesús rihaan rcutze̱ a.

San Lucas 15:13

Dan me se cachén do̱j güii, ga̱a ne̱ naquiꞌyaj chre̱ꞌ síí cuni̱j yoꞌ nu̱ꞌ siꞌyaj soꞌ, ne̱ cavii soꞌ caꞌanj soꞌ estadó na̱j ga̱nꞌ, ne̱ quiꞌyaj ndoꞌo soꞌ se nij, ne̱ cutunꞌ rmaꞌa̱n soꞌ nu̱ꞌ se‑saꞌa̱nj soꞌ a.

San Lucas 16:1

Ga̱a ne̱ cataj Jesús rihaan nij síí tucuꞌyón snana̱ soꞌ a: ―Síí ruꞌvee me ꞌo̱ soꞌ, ne̱ nu̱u̱ ꞌo̱ mozó rihaan soꞌ síí tumé nu̱ꞌ siꞌyaj soꞌ a. Dan me se cutaꞌ nii cacunꞌ xráá mozó yoꞌ rihaan ruꞌvee se vaa cutunꞌ ndoꞌo soꞌ siꞌyaj ruꞌvee a.

San Lucas 16:18

’Dan me se sese riꞌíj ꞌo̱ soꞌ man nica̱ soꞌ, ne̱ sese xcaj soꞌ man ꞌó chana̱, ne̱ tumé soꞌ cacunꞌ, ne̱ sese xcaj ꞌo̱ soꞌ man chana̱ quiriꞌíj nica̱ man, ne̱ tumé soꞌ cacunꞌ uún ado̱nj ―taj Jesús rihaan nij síí fariseo yoꞌ a.

San Lucas 16:20

Ne̱ na̱j ꞌo̱ síí nique̱ cuꞌna̱j Lázaro rihaan yoꞌóó taꞌyaa veꞌ tucuá ruꞌvee yoꞌ, ne̱ mán ndoꞌo luj ma̱n síí nique̱ yoꞌ,

Apocalipsis 17:4

Ne̱ chana̱ yoꞌ roꞌ, nuû noꞌ yatzéj tintá ga̱ yatzéj mare̱e, ne̱ rásuun noꞌ agaꞌ oró míí do̱ꞌ, yahij chuguu̱n tuꞌve̱e̱ ndoꞌo do̱ꞌ, chruj perlá tuꞌve̱e̱ ndoꞌo do̱ꞌ a. Ne̱ nica̱j raꞌa noꞌ ꞌo̱ agaꞌ tazá agaꞌ oró míí, ne̱ nda̱a araa ayanj maꞌa̱n ina̱nj nij se chiꞌi̱i̱ rque agaꞌ oró yoꞌ, ne̱ dan me se ina̱nj se chiꞌi̱i̱ quiꞌyaj maꞌa̱n noꞌ ga̱ chii me se vaa araa ma̱n rque saga̱ꞌ noꞌ a.

Apocalipsis 18:16

ne̱ cata̱j nij soꞌ a: ―Aii. Aii. Nique̱ ndoꞌo so̱ꞌ chuma̱nꞌ noco̱o na̱nj á. Chumanꞌ nu̱u̱ yatzéj linó mé so̱ꞌ, ne̱ yatzéj tintá do̱ꞌ, yatzéj mare̱e do̱ꞌ, nuû so̱ꞌ, ne̱ agaꞌ oró míí do̱ꞌ, yahij chuguu̱n tuꞌve̱e̱ ndoꞌo do̱ꞌ, chruj perlá tuꞌve̱e̱ ndoꞌo do̱ꞌ, nó rihaan so̱ꞌ,

Apocalipsis 18:7

Dan me se caꞌmii xta̱ꞌ ndoꞌo chumanꞌ yoꞌ, ne̱ nanoꞌ ndoꞌo chumanꞌ yoꞌ se sa̱ꞌ ga̱a̱ rihaan yoꞌ, ne̱ cheꞌé dan quiꞌya̱j ndoꞌo soj sayuun nda̱a caꞌnga̱j maꞌa̱n nimán chumanꞌ yoꞌ, quiꞌya̱j soj, ne̱ nda̱a queꞌe̱e̱ nda̱a cúú man yoꞌ, quiꞌya̱j soj, ga̱a ne̱ xri̱ꞌ ndoꞌo rá chumanꞌ yoꞌ á. Dan me se uun rá chumanꞌ yoꞌ a: “Ma̱ꞌanj me chana̱ reiná uun chij ya̱, ne̱ ne chuꞌvij maꞌ. Né cha̱na̱ caviꞌ nica̱ mej, ne̱ se̱ quiránꞌ ꞌu̱nj sayuun daj chiha̱a̱ míj maꞌ”, taj chumanꞌ yoꞌ a.