San Lucas 15:5 - Triqui de San Juan Copala

⁵ Ne̱ asa̱ꞌ nariꞌ soꞌ man xoꞌ, ga̱a ne̱ cuta̱ꞌ soꞌ man xoꞌ tacaan xcóó soꞌ, ne̱ gu̱un niha̱ꞌ ndoꞌo rá soꞌ a.

San Lucas 15:5 Iomraidhean Croise

San Lucas 15:32

Tza̱j ne̱ vaa cheꞌé gu̱un niha̱ꞌ rá níꞌ cheꞌé se namán tinúú so̱ꞌ, rej. ꞌO̱ se tinúú so̱ꞌ roꞌ, ase vaa ꞌo̱ síí caviꞌ gaa soꞌ rihanj, tza̱j ne̱ nihánj me cunuu iꞌna̱ꞌ uún soꞌ a. Ne̱ ase vaa ꞌo̱ síí caꞌanj niꞌya̱ gaa soꞌ rihanj, tza̱j ne̱ cuano̱ nihánj me se a̱j narij man soꞌ na̱nj ado̱nj”, taj rej síí chava̱ꞌ yoꞌ rihaan soꞌ a ―taj Jesús a. Veé da̱nj quisíj cuentó nanó Jesús rihaan nij soꞌ a.

San Lucas 15:4

―Dan me se sese ꞌo̱ tuviꞌ nij soj nica̱j ꞌo̱ cientó matzinj, ne̱ sese caꞌa̱nj niꞌya̱ o̱rúnꞌ gue̱e̱ daán soꞌ matzinj, ne̱ ta̱náj soꞌ ꞌó caꞌa̱nj chiha̱a̱ xnu̱ꞌ caꞌa̱nj (99) daán soꞌ matzinj rej tacaan, ne̱ cavi̱i̱ soꞌ caꞌa̱nj nano̱ꞌ soꞌ man o̱rúnꞌ daán soꞌ matzinj caꞌanj niꞌya̱ na̱nj ado̱nj. Ne̱ se̱ caꞌneꞌ rá soꞌ maꞌ. Tana̱nj ya̱ caꞌa̱nj soꞌ nano̱ꞌ soꞌ man daán soꞌ matzinj uun da̱j ya̱ nari̱ꞌ soꞌ man yoꞌ ado̱nj.

San Lucas 15:6

Ne̱ asa̱ꞌ namán soꞌ tucuá soꞌ, ga̱a ne̱ nacu̱nj soꞌ man nu̱ꞌ tuviꞌ soꞌ síí ya̱nj chiháán soꞌ, ne̱ cata̱j soꞌ rihaan nij soꞌ a: “Gu̱un niha̱ꞌ rá soj ga̱j á. ꞌO̱ se narij danj matzinj caꞌanj niꞌya̱ ado̱nj”, cata̱j soꞌ rihaan tuviꞌ soꞌ a.

San Lucas 19:9

Ga̱a ne̱ cataj Jesús rihaan soꞌ a: ―Cuanꞌ me se a̱j cavii sa̱ꞌ nij tucua̱ síí nihánj cheꞌé se ꞌo̱ taꞌníí síí cuꞌna̱j Abraham ga̱a naá me soꞌ cuano̱ uún a.

San Lucas 23:43

Ga̱a ne̱ cataj Jesús rihaan soꞌ a: ―Ya̱ ya̱ cata̱j xnaꞌanj ꞌu̱nj rihaan so̱ꞌ cuano̱ se vaa güii cuanꞌ me se ca̱yáán so̱ꞌ ga̱ ꞌu̱nj rej niꞌndaj ya̱ veꞌé vaa ado̱nj ―taj Jesús rihaan soꞌ a.

San Juan 15:11

’Nu̱ꞌ nana̱ nihánj cataj xnaꞌanj ꞌu̱nj rihaan soj cheꞌé se me raj ga̱a̱ niha̱ꞌ uxrá rá nimanj ni̱ꞌyaj ꞌu̱nj man soj, ne̱ me raj ga̱a̱ niha̱ꞌ uxrá rá nimán maꞌa̱n soj uún a.

Efesios 2:10

ꞌO̱ se Yaꞌanj me síí quiꞌyaj man níꞌ, ne̱ quiꞌyaj Yaꞌanj man níꞌ cheꞌé rej canoco̱ꞌ níꞌ man Cristó Jesús ne̱ veꞌé quiꞌya̱j níꞌ suun sa̱ꞌ, rá Yaꞌanj, ne̱ cheꞌé maꞌa̱n Yaꞌanj me caꞌve̱e quiꞌya̱j níꞌ suun sa̱ꞌ yoꞌ na̱nj ado̱nj.

Efesios 3:7

Ne̱ vaa ndoꞌo suun rihanj nata̱ꞌ ꞌu̱nj nana̱ sa̱ꞌ yoꞌ, ne̱ yoꞌ me se lu̱j quiꞌyaj Yaꞌanj cheꞌej ado̱nj. Nda̱ꞌ se ne nó xcúún ꞌu̱nj quiri̱ꞌ ꞌu̱nj se lu̱j nihánj, tza̱j ne̱ maꞌa̱n ya̱ Yaꞌanj me síí rqué se lu̱j nihánj manj na̱nj ado̱nj. Soꞌ me síí nucua̱j ndoꞌo, ne̱ uun nu̱cuáj ꞌyáj suun nihánj, ꞌyaj Yaꞌanj na̱nj chugua̱nj.

1 Tesalonicenses 1:5

ꞌO̱ se ga̱a nataꞌ núj nana̱ sa̱ꞌ cheꞌé Cristó rihaan soj, ne̱ né na̱na̱ u̱u̱n nataꞌ núj rihaan soj maꞌ. Tana̱nj racuíj Nimán Yaꞌanj man núj ꞌyaj núj suun sa̱ꞌ noco̱o, ne̱ guun ya̱ rá soj se vaa nana̱ ya̱ me nana̱ nataꞌ núj a. Ga̱a cayáán núj ga̱ soj, ne̱ queneꞌen soj da̱j quiꞌyaj núj cheꞌé se ꞌe̱e̱ rá núj niꞌya̱j núj man soj a.

2 Timoteo 2:26

Ga̱a ne̱ caꞌve̱e xca̱j nij soꞌ cuentá, ga̱a ne̱ nani̱i̱ nij soꞌ rihaan Síí Chre̱e a. ꞌO̱ se tihaꞌ yuꞌunj Síí Chre̱e man nij yuvii̱, ne̱ taꞌaa soꞌ man nij soꞌ, ne̱ cuano̱ nihánj me se ꞌyaj soꞌ nda̱a vaa me rá maꞌa̱n soꞌ quiꞌya̱j soꞌ man nij soꞌ ado̱nj.

Hebreos 12:2

Ma̱an se ꞌo̱ ni̱ꞌyaj níꞌ man Jesús á. Maꞌa̱n soꞌ me se síí cuchruj tucuáán amán rá niꞌya̱j man Yaꞌanj ado̱nj. Ne̱ veé soꞌ me síí quisíj quiꞌyaj ya̱ nu̱ꞌ suun cheꞌé rej canoco̱ꞌ níꞌ man Yaꞌanj ado̱nj. Dan me se neꞌen soꞌ se vaa rej riha̱a̱n gu̱un niha̱ꞌ uxrá rá nimán soꞌ sese quiꞌya̱j soꞌ se vaa me rá Yaꞌanj, ne̱ cheꞌé dan guun nucua̱j soꞌ caviꞌ soꞌ rihaan rcutze̱, ne̱ ne cara̱yaꞌa̱nj soꞌ se vaa caꞌngaꞌ naco̱o̱ yuvii̱ niꞌya̱j yuvii̱ man soꞌ maꞌ. Síj ga̱a ne̱ caꞌanj ca̱yáán soꞌ rej nuva̱ꞌ xrúún Yaꞌanj, chruun xlá sa̱ꞌ uxrá ado̱nj.

1 Pedro 1:5

Nucua̱j ndoꞌo Yaꞌanj, ne̱ cheꞌé se amán rá soj niꞌya̱j soj man Cristó, cheꞌé dan tumé Yaꞌanj man soj, cheꞌé rej caꞌve̱e nani̱i̱ soj rihaan sayuun ne̱ cavi̱i̱ sa̱ꞌ soj asa̱ꞌ quisíj güii caꞌa̱nj niꞌya̱ chumii̱ nihánj ne̱ queneꞌe̱n níꞌ nu̱ꞌ se vaa quiꞌya̱j soꞌ cheꞌé níꞌ ado̱nj.