San Lucas 15:21 - Triqui de San Juan Copala

²¹ Ga̱a ne̱ cataj síí cuni̱j yoꞌ rihaan rej soꞌ a: “Tumej cacunꞌ rihaan Yaꞌanj, ne̱ tumej cacunꞌ rihaan so̱ꞌ, ata̱j. Taj cheꞌé cata̱j so̱ꞌ se vaa taꞌníí so̱ꞌ mej cuano̱ a̱ maꞌ. Ma̱an se qui̱ꞌyáá so̱ꞌ se ndoꞌo, ne̱ guún ꞌu̱nj mozó rihaan so̱ꞌ, qui̱ꞌyáá so̱ꞌ, rugua̱nj”, taj soꞌ rihaan rej soꞌ a.

San Lucas 15:21 Iomraidhean Croise

San Lucas 15:20

’Ga̱a ne̱ cavii soꞌ caꞌanj soꞌ rej ya̱nj rej soꞌ a. Dan me se ga̱nꞌ ndoꞌo va̱j soꞌ chéé soꞌ, ne̱ queneꞌen rej soꞌ man soꞌ, ne̱ cunuu ꞌe̱e̱ ndoꞌo rá rej soꞌ man soꞌ, ne̱ cunánj rej soꞌ nda̱a rej va̱j soꞌ, ne̱ naꞌya̱a̱n rej soꞌ man soꞌ, ne̱ cachrón tuꞌva̱ rej soꞌ man soꞌ a.

San Lucas 15:22

Tza̱j ne̱ caꞌmii rej soꞌ rihaan nij mozó ma̱n rihaan rej soꞌ, cataj rej soꞌ a: “Raꞌya̱nj ni̱caj soj yatzíj sa̱ꞌ ndoꞌo caꞌna̱ꞌ soj cu̱nuû taꞌníj, ne̱ caꞌna̱ꞌ seꞌej sa̱ꞌ cu̱nuû raꞌa taꞌníj, ne̱ caꞌna̱ꞌ canj naca̱ qui̱ꞌnij tacóó soꞌ á.

Romanos 2:4

Me cheꞌé nachríꞌ so̱ꞌ se vaa me rá Yaꞌanj quiꞌya̱j sa̱ꞌ Yaꞌanj cheꞌé so̱ꞌ ga̱. Ne̱ me rá uún Yaꞌanj cunu̱u ꞌe̱e̱ rá Yaꞌanj mán so̱ꞌ ado̱nj. Naꞌvej rá Yaꞌanj quiꞌya̱j Yaꞌanj sayuun mán so̱ꞌ maꞌ. Ne neꞌén so̱ꞌ se vaa Yaꞌanj me síí ꞌe̱e̱ rá niꞌya̱j mán so̱ꞌ a. Ne̱ me rá Yaꞌanj nuchra̱nꞌ nimán so̱ꞌ ca̱nocóꞌ so̱ꞌ man soꞌ ado̱nj.

1 Corintios 8:12

Dan me se quiꞌya̱j soj cacunꞌ rihaan tinúú soj, ne̱ quiri̱ꞌ rá soꞌ, quiꞌya̱j soj, ne̱ yoꞌ me cacunꞌ tu̱mé soj rihaan Cristó sese da̱nj quiꞌya̱j soj ado̱nj.