San Lucas 15:17 - Triqui de San Juan Copala

¹⁷ ’Dan me se ꞌo̱ güii ne̱ nahuun sa̱ꞌ raa̱ soꞌ, ne̱ guun cheꞌe̱ soꞌ xcaj soꞌ cuentá, ne̱ nanuj rá soꞌ rej soꞌ a. Ne̱ guun rá soꞌ a: “Nij se‑mo̱zó réj, tza̱j ne̱ ma̱n ndoꞌo se chá rihaan réj, ne̱ ma̱n ndoꞌo se chá rihaan se‑mo̱zó réj a. Ne̱ nihánj me se cavi̱ꞌ ꞌu̱nj quiꞌya̱j xꞌnaa na̱nj á.

San Lucas 15:17 Iomraidhean Croise

San Lucas 15:16

Tza̱j ne̱ naꞌaan ndoꞌo rque soꞌ, ne̱ nda̱a guun rá soꞌ cha̱ soꞌ coj goꞌ nii cha̱ nij xcáá a. Tza̱j ne̱ ne rque̱ nii coj yoꞌ cha̱ soꞌ a̱ maꞌ.

San Lucas 16:23

Dan me se caꞌanj soꞌ rej ma̱n nimán nij síí caviꞌ, ne̱ ranꞌ uxrá soꞌ sayuun rej yoꞌ, ga̱a ne̱ naxca̱j soꞌ rihaan soꞌ, ne̱ queneꞌen soꞌ se vaa ga̱nꞌ ndoꞌo yáán Abraham, ne̱ naꞌya̱a̱n Abraham man Lázaro a.

San Lucas 8:35

Ga̱a ne̱ caꞌnaꞌ ni̱ꞌyaj nij yuvii̱ se vaa guun, ga̱a ne̱ caꞌnaꞌ nij soꞌ rej nicu̱nꞌ Jesús, ga̱a ne̱ queneꞌen nij soꞌ man síí curiha̱nj nana̱ chre̱e nimán a. A̱j nanuû soꞌ saga̱nꞌ soꞌ, ne̱ dínj ne soꞌ rihaan Jesús a. Ne̱ a̱j tiꞌinj se snúú soꞌ, ne̱ nuu sa̱ꞌ soꞌ a. Ga̱a ne̱ cuchuꞌviꞌ ndoꞌo nij yuvii̱ se vaa quiꞌyaj Jesús a.

Hechos 12:11

Dan me se cachríj rá Pedró se vaa ya̱ curiha̱nj soꞌ tagaꞌ, ga̱a ne̱ cataj soꞌ a: ―Nda̱a ya̱j guun ya̱ ya̱ raj se vaa Yaꞌanj Si̱j ꞌNi̱j Raꞌa mán ꞌu̱nj roꞌ, ya̱ caꞌnéé soꞌ man se‑mo̱zó soꞌ, ne̱ tinanii soꞌ mán ꞌu̱nj rihaan síí cuꞌna̱j Herodes, ne̱ nihánj me se se̱ quiránꞌ ꞌu̱nj nda̱a vaa me rá nij yuvii̱ israelitá qui̱ránꞌ ꞌu̱nj a̱ maꞌ ―taj Pedró a.

Hechos 2:37

Dan me se ga̱a cuno nij yuvii̱ nana̱ yoꞌ, ne̱ quinanó ndoꞌo rá nimán nij soꞌ, ne̱ xnáꞌanj nij soꞌ man Pedró ga̱ ꞌó nij síí ata̱ suun caꞌa̱nj nata̱ꞌ snana̱ Jesús, cataj nij soꞌ a: ―Ne̱ da̱j quiꞌya̱j núj, ga̱ tinu̱ꞌ ―taj nij soꞌ, xnáꞌanj nij soꞌ man nij tuvi̱ꞌ Pedró a.

Efesios 5:14

ꞌO̱ se yaꞌan chuguu̱n me se ya̱ ruviꞌ nu̱ꞌ nij rasu̱u̱n ꞌyaj yaꞌan ado̱nj. Cheꞌé dan taj nana̱ nihánj a: Nari̱i̱ soj nej, si̱j otoj scaꞌnúj nij xnangá, ne̱ na̱xagaa soj, canicu̱nꞌ caya̱ soj, ne̱ Cristó me síí chugu̱u̱n rihaan soj á, taj nana̱ yoꞌ a.