San Lucas 14:15 - Triqui de San Juan Copala

¹⁵ Dan me se cuno ꞌo̱ síí chá ga̱ Jesús nana̱ caꞌmii Jesús, ga̱a ne̱ cheꞌé dan cataj soꞌ rihaan Jesús a: ―Cavi̱i̱ sa̱ꞌ cunuda̱nj nij síí cha̱ ga̱ Yaꞌanj asa̱ꞌ guun chij Yaꞌanj na̱nj ado̱nj ―taj soꞌ rihaan Jesús a.

San Lucas 14:15 Iomraidhean Croise

San Mateo 25:10

Veé dan, ne̱ caꞌanj nij chana̱ niꞌyo̱n yoꞌ quira̱a̱n nij noꞌ casté acaa, ne̱ caꞌnaꞌ síí naraꞌa̱a, ne̱ nij chana̱ a̱j vaa chuvi̱i chru̱u̱n quiꞌyaj me se catúj nij noꞌ rá veꞌ anuû chaꞌanj ga̱ síí naraꞌa̱a, ne̱ caráán nii taꞌyaa yoꞌ a.

San Mateo 8:11

Ne̱ cata̱j xnaꞌanj ꞌu̱nj rihaan soj se vaa asa̱ꞌ guun chij Yaꞌanj roꞌ, caꞌna̱ꞌ ndoꞌo yuvii̱ ma̱n rej síj güii do̱ꞌ, rej ataꞌ güii do̱ꞌ, ne̱ ca̱yáán nij soꞌ rihaan se‑mesa̱ Yaꞌanj, ne̱ cha̱ nij soꞌ ga̱ síí cuꞌna̱j Abraham do̱ꞌ, Isaac do̱ꞌ, Jacob do̱ꞌ ado̱nj.

San Lucas 12:37

Ne̱ cavi̱i̱ sa̱ꞌ uxrá nij mozó ꞌyaj da̱nj, cheꞌé se ne otoj nij soꞌ ga̱a namán se‑ruꞌve̱e̱ nij soꞌ a. Dan me se queneꞌe̱n ya̱ soꞌ se vaa ne otoj nij soꞌ maꞌ. Cata̱j yá ꞌu̱nj rihaan soj cuano̱ se vaa maꞌa̱n ruꞌvee yoꞌ roꞌ, naquiꞌya̱j sa̱ꞌ soꞌ man soꞌ, ne̱ ca̱yáán se‑mo̱zó soꞌ rihaan mesá, quiꞌya̱j soꞌ, ne̱ quiꞌya̱j chuvi̱i maꞌa̱n soꞌ cha̱ nij se‑mo̱zó soꞌ ado̱nj.

San Lucas 13:29

Ne̱ güii gu̱un chij Yaꞌanj roꞌ, caꞌna̱ꞌ ndoꞌo yuvii̱ ma̱n rej síj güii do̱ꞌ, rej ataꞌ güii do̱ꞌ, rej norté do̱ꞌ, rej sur do̱ꞌ, ne̱ ca̱yáán nij soꞌ rihaan se‑mesa̱ Yaꞌanj, ne̱ cha̱ nij soꞌ ado̱nj.

San Lucas 22:16

ꞌO̱ se cata̱j xnaꞌanj ꞌu̱nj rihaan soj cuano̱ se vaa se̱ chá xtiꞌno̱ uún ꞌu̱nj ga̱ soj a̱ ꞌó chaꞌanj nihánj nda̱a se quisi̱j güii ca̱nuû Chaꞌanj Pascuá naca̱ asa̱ꞌ guun chij Yaꞌanj a̱ maan ado̱nj ―taj Jesús rihaan nij soꞌ a.

San Lucas 22:30

se vaa ca̱yáán soj rihaan xrúún ꞌu̱nj chruun mesá asa̱ꞌ guun chij ma̱ꞌanj, ne̱ cha̱ soj ne̱ coꞌo̱ soj na ga̱ ꞌu̱nj ado̱nj. Ne̱ quita̱j soj chruun xlá sa̱ꞌ ndoꞌo, ne̱ caꞌne̱ꞌ soj cacunꞌ cheꞌé chuvi̱j nij xꞌneꞌ yuvii̱ israelitá ado̱nj ―taj Jesús rihaan nij síí tucuꞌyón snana̱ soꞌ a.

Apocalipsis 19:9

Ga̱a ne̱ cataj se‑mo̱zó Yaꞌanj rihanj a: ―Cachro̱n so̱ꞌ nana̱ nihánj rihaan yanj á: “Cavi̱i̱ sa̱ꞌ nij síí canacúún nii man cha̱ xtiꞌno̱ chaꞌanj na̱raꞌa̱a Matzinj Leꞌe̱j yoꞌ”, cachro̱n so̱ꞌ á ―taj soꞌ rihanj a. Ne̱ cataj uún soꞌ a: ―Nana̱ nihánj me nana̱ ya̱ caꞌmii maꞌa̱n Yaꞌanj ado̱nj ―taj soꞌ uún a.