San Lucas 13:34 - Triqui de San Juan Copala

³⁴ Ga̱a ne̱ cataj uún Jesús a: ―Nanó uxrá raj cheꞌé soj si̱j ma̱n chumanꞌ Jerusalén nihánj na̱nj á. ꞌO̱ se ticaviꞌ soj man nij síí nataꞌ snana̱ Yaꞌanj, ne̱ goꞌ soj yahij man nij síí caꞌnéé Yaꞌanj cuchi̱ꞌ rihaan soj a. Guun queꞌe̱e̱ ndoꞌo guun rá ꞌu̱nj naquiꞌya̱j chre̱ꞌ ꞌu̱nj man soj tu̱mé ꞌu̱nj man soj, tza̱j ne̱ taj se quiꞌyáꞌ caꞌvee maꞌ. Ase vaa ꞌyaj xee naquiꞌyaj chre̱ꞌ xee man taꞌníí xoꞌ ca̱ráán xoꞌ xcóó xoꞌ xráá taꞌníí xoꞌ roꞌ, da̱nj guun raj qui̱ꞌyáj man soj, tza̱j ne̱ ne caꞌve̱j rá soj qui̱ꞌyáj da̱nj a̱ maꞌ.

San Lucas 13:34 Iomraidhean Croise

San Mateo 22:3

Ne̱ vaa yuvii̱ navi̱j rá chaꞌanj ga̱ soꞌ, ne̱ caꞌnéé soꞌ se‑mo̱zó soꞌ caꞌa̱nj nij soꞌ rihaan nij yuvii̱, cata̱j xnaꞌanj se‑mo̱zó soꞌ rihaan nij yuvii̱ se vaa caꞌna̱ꞌ nij soꞌ tucuá soꞌ navi̱j rá nij soꞌ chaꞌanj naraꞌa̱a yoꞌ, tza̱j ne̱ ne caꞌve̱j nij yuvii̱ yoꞌ caꞌna̱ꞌ nij soꞌ tucuá síí nica̱j suun rey maꞌ.

San Mateo 22:6

Ne̱ ꞌó nij soꞌ taꞌaa man nij se‑mo̱zó síí nica̱j suun rey, ne̱ quiꞌyaj chiꞌi̱i̱ nij soꞌ man mozó yoꞌ, ne̱ ticaviꞌ nij soꞌ man mozó nacúún man nij soꞌ a.

San Lucas 15:28

’Dan me se caꞌmaan rá síí chava̱ꞌ, ne̱ naꞌvej uxrá rá soꞌ catu̱u̱ soꞌ rá veꞌ a. Tza̱j ne̱ curiha̱nj rej soꞌ, ga̱a ne̱ rquee̱ ndoꞌo rej soꞌ man soꞌ caꞌna̱ꞌ soꞌ a.

San Lucas 19:44

Ne̱ tu̱cuanee nij soꞌ nu̱ꞌ chiháán soj, ne̱ cavi̱ꞌ soj, ne̱ a̱ ꞌó yuvej se̱ quitáá xráá tuviꞌ yuvej, quiꞌya̱j nij soꞌ maꞌ. Da̱nj quira̱nꞌ soj, cheꞌé se ga̱a guun rá Yaꞌanj ra̱cuíj Yaꞌanj man soj, ne̱ ne xca̱j soj cuentá maꞌ ―taj Jesús niꞌya̱j soꞌ man nij síí ma̱n chumanꞌ Jerusalén yoꞌ a.

San Lucas 23:28

Ga̱a ne̱ canica̱j Jesús, cataj Jesús rihaan nij chana̱ yoꞌ a: ―Cuno̱ soj cha̱na̱ taꞌni̱j chumanꞌ Jerusalén caꞌmi̱j á. Se̱ taꞌvee nij soj ni̱ꞌyaj soj mán ꞌu̱nj a̱ maꞌ. Tana̱nj taꞌve̱e soj ni̱ꞌyaj soj man maꞌa̱n soj do̱ꞌ, man taꞌníí soj do̱ꞌ á.

Hechos 7:52

Dan me se canocoꞌ xi̱i soj man cunuda̱nj nij síí nataꞌ snana̱ Yaꞌanj, ne̱ guun rá nij soꞌ quiꞌya̱j nij soꞌ sayuun man nij síí nataꞌ snana̱ Yaꞌanj a. Ne̱ nda̱a ticaviꞌ nij soꞌ man nij síí nataꞌ cheꞌé Síí Nica̱ Nimán caꞌne̱j Yaꞌanj rihaan chumii̱ nihánj ti̱nanii man yuvii̱ rihaan sayuun ado̱nj. Ne̱ Síí Nica̱ Nimán yoꞌ me se guun nij soj síí tacuachén man soꞌ rihaan nij síí ta̱j riꞌyunj man níꞌ, ne̱ nda̱a ticaviꞌ nij soj man soꞌ vaa asânj.

Hechos 7:59

Ga̱a ne̱ goꞌ ndoꞌo nij soꞌ yahij man Esteban, ne̱ cachíín niꞌya̱j soꞌ rihaan Jesús, ne̱ cataj soꞌ a: ―Señor Jesús, nihánj me se naca̱j so̱ꞌ nimanj á ―taj soꞌ, cachíín niꞌya̱j soꞌ rihaan Jesús a.

Hechos 8:1

Ne̱ síí cuꞌna̱j Saulo yoꞌ roꞌ, cuna̱j quiranꞌ Esteban rá soꞌ a. Ne̱ güii dan me se guun cheꞌe̱ nii quiꞌyaj ndoꞌo nii sayuun man xꞌneꞌ nij síí noco̱ꞌ man Jesús síí ma̱n chumanꞌ Jerusalén a. Dan me se cunánj nij soꞌ chumanꞌ Jerusalén, ne̱ chaꞌnuu̱ nij soꞌ nu̱ꞌ estadó Judea do̱ꞌ, estadó cuꞌna̱j Samaria do̱ꞌ a. Tza̱j ne̱ o̱rúnꞌ maꞌa̱n nij síí cuneꞌ Jesús caꞌa̱nj nata̱ꞌ snana̱ soꞌ roꞌ, me nij síí ꞌo̱ quináj chumanꞌ Jerusalén a.

Apocalipsis 11:8

Ga̱a ne̱ cúú man ro̱j soꞌ roꞌ, quina̱j u̱u̱n yoꞌ rá callé caxra̱ꞌ rque chumanꞌ noco̱o a. Ne̱ sese caꞌmi̱i̱ cachrón níꞌ, ne̱ Sodoma do̱ꞌ, Egiptó do̱ꞌ, cuꞌna̱j chumanꞌ noco̱o yoꞌ a. Ne̱ yoꞌ me rej cachrón nii rihaan rcutze̱ man maꞌa̱n Síí ꞌNi̱j Raꞌa man ro̱j síí nataꞌ yoꞌ asi̱j rque̱ doj a.