San Lucas 13:32 - Triqui de San Juan Copala

³² Ga̱a ne̱ cataj Jesús rihaan nij soꞌ a: ―Ase vaa chunee avii ndoꞌo raa̱ quiꞌya̱j sayuun vaa Herodes, ne̱ caꞌa̱nj soj, ne̱ cata̱j soj rihaan soꞌ se vaa ꞌu̱nj me se rii ꞌu̱nj nana̱ chre̱e nimán nij yuvii̱, ne̱ naquiꞌyaj sa̱ꞌ ꞌu̱nj man nij síí ranꞌ, ne̱ ꞌo̱ güii cuanꞌ ne̱ ꞌo̱ güii aꞌyuj ne̱ rque vaꞌnu̱j gue̱e̱ güii qui̱ꞌyáá ꞌu̱nj se‑su̱nj, ne̱ veé da̱nj quisi̱j se‑su̱nj, qui̱ꞌyáj na̱nj ado̱nj.

San Lucas 13:32 Iomraidhean Croise

San Marcos 6:14

Dan me se cuchiꞌ nana̱ rihaan rey Herodes cheꞌé nu̱ꞌ se vaa quiꞌyaj Jesús, cheꞌé se nu̱ꞌ cachra̱ꞌ chaꞌnuu̱ ndoꞌo nana̱ cheꞌé Jesús a. ꞌO̱ se cataj taꞌa̱j nij yuvii̱ a: ―Jesús me Juan Síí Cutaꞌ Ne man yuvii̱ se vaa cunuu iꞌna̱ꞌ ya̱ uún soꞌ, ne̱ cheꞌé dan uun nucua̱j soꞌ ꞌyaj soꞌ suun sa̱ꞌ noco̱o yoꞌ na̱nj ado̱nj ―taj taꞌa̱j nij yuvii̱ a.

San Juan 10:32

Ga̱a ne̱ cataj Jesús rihaan nij soꞌ a: ―Quisíj quiꞌyaj uxraj suun sa̱ꞌ noco̱o queneꞌen nij soj, ne̱ guun nu̱cuáj quiꞌyáj da̱nj, quiꞌyaj Réj Yaꞌanj a. Me suun sa̱ꞌ noco̱o cheꞌe̱ me rá soj go̱ꞌ soj yahij manj ga̱ ―taj Jesús, xnáꞌanj soꞌ man nij soꞌ a.

San Juan 19:30

Ne̱ ga̱a quisíj coꞌo Jesús na vinó yu̱u̱ nu̱u̱ rque yataa̱n yoꞌ, ne̱ cataj soꞌ a: ―Veé da̱nj quisíj se‑su̱u̱n ꞌu̱nj na̱nj á ―taj Jesús a. Ne̱ tacoꞌ ni̱j soꞌ cúú yave̱ soꞌ, ne̱ caꞌneꞌ rá soꞌ, ne̱ caviꞌ soꞌ a.

Hebreos 2:10

Dan me se Yaꞌanj me síí quiꞌyaj nu̱ꞌ rasu̱u̱n cheꞌé maꞌa̱n ina̱nj soꞌ chugua̱nj. Dan me se vaa güii, ne̱ nucui̱ꞌ ndoꞌo nij taꞌníí Yaꞌanj rihaan Yaꞌanj rej xta̱ꞌ, quiꞌya̱j Yaꞌanj, ne̱ Jesús me síí narqué chrej sa̱ꞌ canoco̱ꞌ nij taꞌníí Yaꞌanj, ne̱ nani̱i̱ nij soꞌ rihaan sayuun, ne̱ cavi̱i̱ sa̱ꞌ nij soꞌ quiꞌya̱j soꞌ chugua̱nj. Cheꞌé dan caꞌvej Yaꞌanj quira̱nꞌ Jesús sayuun ado̱nj. Ne̱ ma̱an cheꞌé sayuun quiranꞌ soꞌ roꞌ, cheꞌé dan me uun chij ndoꞌo soꞌ ado̱nj.

Hebreos 5:9

Dan me se guun soꞌ síí uno nu̱ꞌ snana̱ rej, ne̱ cheꞌé dan guun soꞌ síí tinanii man ta̱ranꞌ níꞌ si̱j uno rihaan soꞌ rihaan sayuun, ne̱ dan me se cavi̱i̱ sa̱ꞌ níꞌ nu̱ꞌ cavii nu̱ꞌ caꞌanj, quiꞌya̱j soꞌ ado̱nj.

Hebreos 7:28

Ne̱ stucua̱nj Moisés taj se vaa cune̱ꞌ yuvii̱ man na̱nj yuvii̱ gu̱un nij soꞌ xrej, ne̱ cheꞌé dan na̱nj síí tumé cacunꞌ me nij xrej yoꞌ na̱nj ado̱nj. Tza̱j ne̱ navij tucuáán nga̱ yoꞌ, ga̱a ne̱ cutaꞌ Yaꞌanj raa̱ maꞌa̱n Yaꞌanj, ne̱ cuneꞌ Yaꞌanj man Taꞌníí Yaꞌanj, ne̱ síí sa̱ꞌ ina̱nj me soꞌ nu̱ꞌ cavii nu̱ꞌ caꞌanj na̱nj ado̱nj.