San Lucas 13:23 - Triqui de San Juan Copala

²³ Ne̱ xnáꞌanj ꞌo̱ soꞌ man Jesús, cataj soꞌ a: ―Ne̱ do̱j nij síí nani̱i̱ rihaan sayuun, quiꞌya̱j Yaꞌanj a̱ naꞌ ―taj soꞌ, xnáꞌanj soꞌ man Jesús a. Ga̱a ne̱ cataj Jesús rihaan nij yuvii̱ a:

San Lucas 13:23 Iomraidhean Croise

San Mateo 19:25

Dan me se cuno nij síí tucuꞌyón snana̱ Jesús nana̱ caꞌmii soꞌ, ne̱ caráyaꞌa̱nj uxrá nij soꞌ, cataj nij soꞌ a: ―Cheꞌé dan me se me síí gu̱un nucua̱j nani̱i̱ rihaan sayuun ga̱ ―taj nij soꞌ a.

San Mateo 20:16

’Veé da̱nj gu̱un rej rihaan níꞌ a. Nij síí noco̱ꞌ ndoꞌo cuano̱ roꞌ, gu̱un nij soꞌ síí gu̱un chij, ne̱ nij síí uun chij cuano̱ roꞌ, gu̱un nij soꞌ síí noco̱ꞌ, quiꞌya̱j Yaꞌanj vaa güii na̱nj ado̱nj ―taj Jesús a.

San Mateo 22:14

ꞌO̱ se nacúún Yaꞌanj man queꞌe̱e̱ uxrá yuvii̱ caꞌna̱ꞌ nij yuvii̱ ca̱yáán nij yuvii̱ ga̱ soꞌ, tza̱j ne̱ do̱j vaa nij yuvii̱ narii Yaꞌanj ca̱yáán ga̱ soꞌ na̱nj ado̱nj ―taj Jesús a.

San Mateo 7:14

Tana̱nj chru̱j vaa taꞌyaa ne̱ catu̱u̱n vaa chrej ꞌanj rej ga̱a̱ iꞌna̱ꞌ yuvii̱ rihaan Yaꞌanj, ne̱ na̱nj do̱j yuvii̱ nariꞌ chrej sa̱ꞌ yoꞌ ado̱nj.

San Lucas 13:22

Ga̱a ne̱ va̱j Jesús cachén soꞌ nij chumanꞌ noco̱o do̱ꞌ, nij chumanꞌ raꞌa̱ do̱ꞌ, ne̱ tucuꞌyón soꞌ snana̱ soꞌ rihaan nij yuvii̱ a. Ne̱ doj a̱ doj a̱ nichrunꞌ soꞌ chumanꞌ Jerusalén a.

San Lucas 13:24

―Ase vaa taꞌyaa chru̱j ndoꞌo vaa rej cache̱n yuvii̱ catu̱u̱ yuvii̱ rihaan Yaꞌanj ado̱nj. Quiꞌya̱j nucua̱j soj nimán soj cheꞌé rej catu̱u̱ soj rej yoꞌ na̱nj á. Cata̱j xnaꞌanj ꞌu̱nj rihaan soj cuano̱ se vaa vaa ndoꞌo yuvii̱ gu̱un ndoꞌo rá catu̱u̱ rej yoꞌ, tza̱j ne̱ se̱ guun nucua̱j nij soꞌ catu̱u̱ nij soꞌ maꞌ.