San Lucas 13:22 - Triqui de San Juan Copala

²² Ga̱a ne̱ va̱j Jesús cachén soꞌ nij chumanꞌ noco̱o do̱ꞌ, nij chumanꞌ raꞌa̱ do̱ꞌ, ne̱ tucuꞌyón soꞌ snana̱ soꞌ rihaan nij yuvii̱ a. Ne̱ doj a̱ doj a̱ nichrunꞌ soꞌ chumanꞌ Jerusalén a.

San Lucas 13:22 Iomraidhean Croise

San Mateo 9:35

Ga̱a ne̱ caꞌanj Jesús nu̱ꞌ nij chumanꞌ noco̱o nu̱ꞌ nij chumanꞌ cunii nu̱ꞌ, ne̱ tucuꞌyón soꞌ rihaan nij yuvii̱ ma̱n rá veꞌ tucuꞌyón nij yuvii̱ israelitá stucua̱nj Moisés a. Ne̱ caꞌmii natáj soꞌ nana̱ sa̱ꞌ cheꞌé da̱j vaa uun chij Yaꞌanj, ne̱ nahuun sa̱ꞌ ta̱ranꞌ nij síí ranꞌ do̱ꞌ, nij síí ninaj do̱ꞌ, quiꞌyaj uún soꞌ ado̱nj.

San Marcos 6:6

Ne̱ caráyaꞌa̱nj ndoꞌo soꞌ se vaa ne cuchuma̱n rá nij síí ma̱n chiháán soꞌ niꞌya̱j nij soꞌ man soꞌ a. Ga̱a ne̱ cavii soꞌ caꞌanj soꞌ nij chumanꞌ na̱j nichru̱nꞌ, tucuꞌyón soꞌ snana̱ soꞌ man nij yuvii̱ a.

San Lucas 13:23

Ne̱ xnáꞌanj ꞌo̱ soꞌ man Jesús, cataj soꞌ a: ―Ne̱ do̱j nij síí nani̱i̱ rihaan sayuun, quiꞌya̱j Yaꞌanj a̱ naꞌ ―taj soꞌ, xnáꞌanj soꞌ man Jesús a. Ga̱a ne̱ cataj Jesús rihaan nij yuvii̱ a:

San Lucas 9:51

Dan me se ga̱a nichrunꞌ güii quina̱nꞌ Jesús xta̱ꞌ, ga̱a ne̱ ꞌo̱ caꞌnéé nucua̱j nimán soꞌ caꞌa̱nj soꞌ chumanꞌ Jerusalén a.

Hechos 10:38

Ne̱ nana̱ yoꞌ taj se vaa cuneꞌ Yaꞌanj man Jesús síí cavii chumanꞌ Nazaret, ne̱ rqué ndoꞌo Yaꞌanj Nimán Yaꞌanj man soꞌ, ne̱ rqué ndoꞌo Yaꞌanj rej nucua̱j man soꞌ a. Ne̱ dan me se cachéé Jesús, ne̱ quiꞌyaj ndoꞌo soꞌ suun sa̱ꞌ, ne̱ cunuda̱nj nij síí ranꞌ sayuun ꞌyaj Síí Chre̱e cheꞌé se quirii taꞌngaꞌ Síí Chre̱e rihaan nij soꞌ roꞌ, nahuun sa̱ꞌ nij soꞌ, quiꞌyaj Jesús a. ꞌO̱ se Yaꞌanj roꞌ, racuíj ndoꞌo man Jesús ꞌyaj soꞌ da̱nj ado̱nj.