San Lucas 13:15 - Triqui de San Juan Copala

¹⁵ Ga̱a ne̱ cataj Síí ꞌNi̱j Raꞌa man níꞌ rihaan síí ꞌni̱j raꞌa veꞌ a: ―Síí nucuiꞌ ndoꞌo rá me soj ado̱nj. ꞌO̱ se ta̱ranꞌ soj me se ne nache soj daán soj scúj do̱ꞌ, daán soj burró do̱ꞌ, rej numi̱i xoꞌ, ne̱ nica̱j soj man xoꞌ ꞌanj soj rej coꞌo̱ xoꞌ na güii naránj rá níꞌ ga̱a a̱ naꞌ.

San Lucas 13:15 Iomraidhean Croise

San Mateo 15:14

Se̱ cuno soj aꞌmii nij soꞌ maꞌ. ꞌO̱ se ase vaa síí aráán rihaan vaa nij soꞌ ado̱nj. Dan me se neꞌen soj se vaa sese gu̱un rá síí tuchri̱i ra̱cuíj soꞌ man ꞌó síí tuchri̱i nari̱ꞌ soꞌ chrej caꞌa̱nj soꞌ, ne̱ quini̱j ro̱j síí tuchri̱i yoꞌ rá yuꞌuj na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Mateo 15:7

Dan me se síí tuꞌva rmaꞌa̱n me soj na̱nj á. Dan me se caꞌmii natáj síí cuꞌna̱j Isaías snana̱ Yaꞌanj ga̱a naá, ne̱ cataj xnaꞌanj soꞌ da̱j si̱j me soj a. Cataj soꞌ a:

San Mateo 23:13

Ga̱a ne̱ canica̱j Jesús caꞌmii Jesús rihaan nij síí fariseo do̱ꞌ, rihaan nij síí naquiꞌyaj cu̱u stucua̱nj Moisés do̱ꞌ, cataj soꞌ a: ―Nique̱ soj si̱j fariseo do̱ꞌ, si̱j naquiꞌyaj cu̱u stucua̱nj Moisés do̱ꞌ a. Quira̱nꞌ uxrá nij soj sayuun na̱nj ado̱nj. Síí nucuiꞌ rá me nij soj ado̱nj. Dan me se aráán soj chrej catu̱u̱ yuvii̱ rej uun chij Yaꞌanj a. ꞌO̱ se ne uun chij Yaꞌanj nimán soj, ꞌyaj soj maꞌ. Ne̱ nda̱a nij síí me rá gu̱un chij Yaꞌanj nimán roꞌ, aráán soj chrej cuno̱ nij soꞌ rihaan Yaꞌanj ado̱nj.

San Mateo 23:28

Dan me se ase vaa síí nica̱ nimán vaa soj chéé soj niꞌya̱j yuvii̱, tza̱j ne̱ ꞌyaj yuve̱ ndoꞌo soj se chiꞌi̱i̱, ne̱ ne uno uxrá soj rihaan Yaꞌanj a̱ maꞌ. Ina̱nj da̱nj vaa nimán soj na̱nj ado̱nj.

San Mateo 7:5

Síí nucuiꞌ rá mé so̱ꞌ ado̱nj. Asino quiri̱i̱ so̱ꞌ chruun ma̱nj nu̱u̱ rihaan ma̱ꞌán so̱ꞌ, ga̱a ne̱ caꞌve̱e quiri̱i̱ so̱ꞌ niꞌya nu̱u̱ rihaan tinúú so̱ꞌ ado̱nj.

San Lucas 12:1

Dan me se cunuu chre̱ꞌ queꞌe̱e̱ míj yuvii̱ rej va̱j Jesús, ne̱ uxrá chru̱j mán nij soꞌ, ne̱ nda̱a tiguíj tuviꞌ maꞌa̱n nij soꞌ a. Ga̱a ne̱ guun cheꞌe̱ Jesús caꞌmii soꞌ asino ya̱a̱n ga̱ nij síí tucuꞌyón snana̱ soꞌ, cataj soꞌ a: ―Tu̱mé soj man soj se̱ gaa na̱nj quira̱nꞌ soj sayuun, quiꞌya̱j nana̱ nucuiꞌ rá aꞌmii nij síí fariseo á. ꞌO̱ se ase ꞌyaj se cuꞌna̱j levadura se ꞌyaj naraa nana̱ rque rachrúún ꞌyaj snana̱ nij soꞌ ado̱nj.

San Lucas 14:5

Ga̱a ne̱ niꞌya̱j Jesús rihaan nij síí fariseo yoꞌ, cataj soꞌ a: ―Ne̱ sese quini̱j taꞌníí ꞌo̱ soj do̱ꞌ, ꞌo̱ daán soj scúj do̱ꞌ, rá cuxruj na güii naránj rá níꞌ, ne̱ raꞌya̱nj quiri̱i̱ soj man taꞌníí soj do̱ꞌ, man daán soj scúj do̱ꞌ, rá ꞌu̱nj na̱nj asânj ―taj Jesús rihaan nij síí fariseo a.

San Lucas 6:42

Asa̱ꞌ caꞌve̱e cata̱j so̱ꞌ rihaan tinúú so̱ꞌ a: “Rque̱ so̱ꞌ rihaan so̱ꞌ quiri̱i̱ ꞌu̱nj niꞌya á.” Se̱ guun a̱ doj cata̱j so̱ꞌ da̱nj ti̱háꞌ so̱ꞌ man tinúú so̱ꞌ maꞌ. Asino quiri̱i̱ so̱ꞌ chruun ma̱nj nu̱u̱ rihaan ma̱ꞌán so̱ꞌ, ga̱a ne̱ curuvi̱ꞌ sa̱ꞌ rihaan so̱ꞌ, ga̱a ne̱ caꞌve̱e quiri̱i̱ so̱ꞌ niꞌya nu̱u̱ rihaan tinúú so̱ꞌ ado̱nj ―taj Jesús rihaan nij síí tucuꞌyón snana̱ soꞌ a.

San Lucas 7:13

Dan me se queneꞌen Jesús man chana̱ yoꞌ, ga̱a ne̱ cunuu ꞌe̱e̱ rá soꞌ man noꞌ, ga̱a ne̱ cataj soꞌ a: ―Se̱ taꞌveé so̱ꞌ maꞌ ―taj soꞌ a.

San Lucas 7:19

ga̱a ne̱ caꞌnéé soꞌ man ro̱j soꞌ cuchi̱ꞌ ro̱j soꞌ rihaan Jesús Si̱j ꞌNi̱j Raꞌa man níꞌ a. Ne̱ nana̱ nihánj roꞌ, xna̱ꞌanj ro̱j soꞌ man Jesús, taj Juan rihaan ro̱j soꞌ a: “So̱ꞌ me Síí Caꞌna̱ꞌ Ti̱nanii man Yuvii̱ rihaan Sayuun naꞌ. Ase na̱ꞌvi̱j níꞌ caꞌna̱ꞌ ꞌó soꞌ xa̱ꞌ.” Dan me nana̱ me rá Juan xna̱ꞌanj ro̱j soꞌ man Jesús a.