San Lucas 12:24 - Triqui de San Juan Copala

²⁴ ’Xca̱j soj cuentá da̱j ꞌyaj nij xcaa, ne̱ ne unô nij xoꞌ ꞌnúú, ne̱ ne rii nij xoꞌ naa̱, ne̱ taj se‑cuchru̱u̱ nij xoꞌ, tza̱j ne̱ Yaꞌanj roꞌ, rqué se chá nij xoꞌ ado̱nj. Ne̱ ya̱ sa̱ꞌ doj vaa soj rihaan xcaa niꞌya̱j Yaꞌanj ado̱nj.

San Lucas 12:24 Iomraidhean Croise

San Mateo 10:31

ne̱ cheꞌé dan se̱ cuchuꞌviꞌ soj cheꞌé sayuun quiꞌya̱j yuvii̱ man soj maꞌ. ꞌO̱ se uxrá doj vaa yuꞌvee nó soj rihaan xtâj chri̱nꞌ yoꞌ, ꞌyaj Yaꞌanj ado̱nj.

San Mateo 3:12

Dan me se ase vaa síí oro̱ꞌ chruun palá vaa soꞌ cuano̱ ado̱nj. Dan me se síí nica̱j chruun palá roꞌ, rii ꞌnúú trigó na̱j rihaan yoꞌóó, ne̱ naquiꞌyaj chre̱ꞌ soꞌ man ꞌnúú trigó sa̱ꞌ, ne̱ araa soꞌ man yoꞌ rá cuchruu̱, ne̱ anica̱j soꞌ araa soꞌ squíj niꞌya xráá trigó rihaan yaꞌan a. Ne̱ ase vaa síí nica̱j palá ma̱n cuano̱ roꞌ, da̱nj quiꞌya̱j síí caꞌna̱ꞌ, ne̱ naquiꞌya̱j chre̱ꞌ soꞌ man cunuda̱nj nij síí cunuu sa̱ꞌ nimán, ne̱ cara̱a soꞌ man nij síí chiꞌi̱i̱ rihaan yaꞌan, ne̱ caca̱a̱ nij soꞌ nu̱ꞌ cavii nu̱ꞌ caꞌanj, ne̱ daj chiha̱a̱ míj se̱ quinaꞌáj yaꞌan yoꞌ a̱ maan ado̱nj ―da̱nj caꞌmii Juan rihaan nij yuvii̱ yoꞌ a.

San Mateo 6:26

’Xca̱j soj cuentá da̱j ꞌyaj nij xtâj va̱j xta̱ꞌ, ne̱ ne unô nij xoꞌ ꞌnúú, ne̱ ne rii nij xoꞌ naa̱, ne̱ ne araa nij xoꞌ ꞌnúú rá cuchruu̱, tza̱j ne̱ Rej soj síí nicu̱nꞌ xta̱ꞌ roꞌ, aꞌvee rqué se chá nij xoꞌ na̱nj á. Ne̱ táá a̱ soj, ne̱ sa̱ꞌ doj vaa soj rihaan xtâj neꞌen Yaꞌanj na̱nj ado̱nj.

San Marcos 6:26

Ga̱a ne̱ nanó ndoꞌo rá síí nica̱j suun rey se vaa cachíín noꞌ man soꞌ, tza̱j ne̱ cheꞌé se a̱j cutaꞌ soꞌ raa̱ Yaꞌanj ne̱ a̱j cuno ta̱ranꞌ nij síí ya̱nj rihaan mesá ga̱ soꞌ, ne̱ cheꞌé dan ne caꞌve̱j rá soꞌ tari̱ꞌ soꞌ snana̱ soꞌ se vaa se̱ quiꞌyaj soꞌ nda̱a vaa taj chana̱ ya̱a̱n yoꞌ rihaan soꞌ a.

San Lucas 12:18

Ga̱a ne̱ guun rá soꞌ a: “A̱j neꞌenj me se qui̱ꞌyáj á. Tu̱cuanee ꞌu̱nj man nij cuchruu̱ nii, ne̱ qui̱ꞌyáj doj veꞌ xi̱j, ne̱ ꞌo̱ cara̱a chre̱ꞌ ꞌu̱nj man nij rasu̱u̱n, ne̱ ti̱navii ꞌu̱nj man nij yoꞌ rá nij veꞌ,

San Lucas 12:23

Vaa se uun doj se vaa iꞌna̱ꞌ níꞌ rihaan se cha̱ níꞌ, ne̱ vaa se uun doj nee̱ man níꞌ rihaan yatzéj ca̱ráán xráá níꞌ ado̱nj.

San Lucas 12:7

Ne̱ Yaꞌanj me se vaa cuentá yuvé raa̱ soj ꞌyaj soꞌ, ne̱ neꞌen soꞌ me daj yuvé raa̱ soj, ne̱ cheꞌé dan se̱ cuchuꞌviꞌ soj cheꞌé sayuun quiꞌya̱j yuvii̱ man soj maꞌ. ꞌO̱ se uxrá vaa yuꞌvee doj nó soj rihaan xtâj chri̱nꞌ yoꞌ, rihaan Yaꞌanj ado̱nj.