San Lucas 12:20 - Triqui de San Juan Copala

²⁰ Tza̱j ne̱ Yaꞌanj caꞌmii rihaan soꞌ, cataj Yaꞌanj a: “Síí niꞌyo̱n mé so̱ꞌ ado̱nj. ꞌO̱ se nii̱ corá me se cavi̱ꞌ so̱ꞌ, ne̱ xa̱ꞌ rasu̱u̱n caraa sa̱ꞌ so̱ꞌ, tza̱j ne̱ me se gu̱un yoꞌ rihaan so̱ꞌ, rá so̱ꞌ ga̱”, taj Yaꞌanj rihaan ruꞌvee yoꞌ a.

San Lucas 12:20 Iomraidhean Croise

San Lucas 11:40

Né si̱j acaj cuentá me soj a̱ maꞌ. Ne neꞌen soj se vaa Yaꞌanj me síí quiꞌyaj raꞌa soj do̱ꞌ, nimán soj do̱ꞌ naꞌ.

1 Tesalonicenses 5:3

Dan me se vaa güii cata̱j yuvii̱ a: “Ya̱j me se dínj vaa rihaan chumii̱, ne̱ taj cheꞌé cuchuꞌvi̱ꞌ níꞌ maꞌ”, cata̱j nij yuvii̱ a. ꞌO̱ se güii yoꞌ me se ta̱j niꞌyo̱n ne̱ ase vaa ranꞌ chana̱ cuchru̱j neꞌej roꞌ, da̱nj ga̱a̱ quira̱nꞌ ndoꞌo nij yuvii̱ sayuun, ne̱ se̱ nanii nij soꞌ maꞌ.

1 Timoteo 6:17

Narque̱ so̱ꞌ chrej nucua̱j man nij síí ruꞌvee ya̱nj rihaan chumii̱ nihánj cuano̱ se vaa se̱ guun cata̱j nij soꞌ se vaa si̱j sa̱ꞌ uxrá me nij soꞌ cheꞌé se vaa saꞌanj rihaan nij soꞌ maꞌ. Se̱ gaa nucua̱j rá nij soꞌ man siꞌyaj nij soꞌ maꞌ. Xraj, ne̱ caꞌa̱nj niꞌya̱ se‑saꞌa̱nj nij soꞌ a. Cheꞌé dan ꞌo̱ ga̱a̱ nucua̱j rá nij ruꞌvee man Yaꞌanj, ne̱ Yaꞌanj me síí rqué cunuda̱nj se sa̱ꞌ rihaan níꞌ, cheꞌé rej gu̱un niha̱ꞌ rá níꞌ quiꞌya̱j rasu̱u̱n yoꞌ a.

1 Timoteo 6:7

Dan me se xca̱j níꞌ cuentá, ne̱ ga̱a caꞌngaa níꞌ rihaan chumii̱ nihánj, ne̱ taj se nica̱j níꞌ caꞌnaꞌ níꞌ maꞌ. Ne̱ taj rasu̱u̱n ni̱caj níꞌ caꞌa̱nj níꞌ asa̱ꞌ caviꞌ níꞌ a̱ maꞌ.

Santiago 4:14

Nij soj me se ne neꞌen uxrá soj da̱j quira̱nꞌ soj aꞌyuj a̱ maꞌ. ꞌO̱ se ase vaa ngaa yaꞌa̱an roꞌ, da̱nj vaa soj rihaan chumii̱ nihánj, ne̱ nanij ngaa yaꞌa̱an ꞌo̱ orá leꞌe̱j nii, ne̱ raꞌya̱nj naxtunꞌ uún ngaa yaꞌa̱an yoꞌ na̱nj ado̱nj.