San Lucas 12:14 - Triqui de San Juan Copala

¹⁴ Ga̱a ne̱ cataj Jesús a: ―Me cheꞌé uun rá so̱ꞌ se vaa guún ꞌu̱nj síí aꞌneꞌ cacunꞌ cheꞌé soj ga̱. Me cheꞌé caꞌmi̱i̱ ꞌu̱nj cheꞌé rasu̱u̱n vaa rihaan ro̱j tinu̱j soj, rá so̱ꞌ, ga̱ tinu̱ꞌ ―taj Jesús rihaan soꞌ a.

San Lucas 12:14 Iomraidhean Croise

San Lucas 12:13

Dan me se cataj ꞌo̱ nij yuvii̱ yoꞌ rihaan Jesús a: ―Cata̱j so̱ꞌ rihaan tinúú ꞌu̱nj se vaa cuxra̱ꞌ taꞌa̱j soꞌ toꞌóó réj do̱ꞌ, rasu̱u̱n siꞌya̱j réj do̱ꞌ, ga̱j, maestro ―taj soꞌ rihaan Jesús a.

San Lucas 22:58

Ne̱ ꞌó orá nii me se queneꞌen ꞌó soꞌ man Pedró ne̱ cataj soꞌ a: ―ꞌO̱ nij síí chéé ga̱ soꞌ mé so̱ꞌ chugua̱nj ―taj soꞌ rihaan Pedró a. ―Taj maꞌ. Né si̱j chéé ga̱ soꞌ mé ꞌu̱nj, maan tinu̱j ―taj Pedró a.

San Lucas 5:20

Ga̱a queneꞌen Jesús se vaa cuchumán uxrá rá nij tuvi̱ꞌ síí ranꞌ yoꞌ se vaa caꞌve̱e nahu̱un soꞌ quiꞌya̱j Jesús, ga̱a ne̱ cataj Jesús rihaan síí ranꞌ yoꞌ a: ―Navij cacunꞌ xráá so̱ꞌ, na̱nj tinu̱j ―taj Jesús rihaan soꞌ a.

San Juan 6:15

Tza̱j ne̱ a̱j neꞌen Jesús se vaa caꞌna̱ꞌ nij soꞌ, ne̱ ta̱ꞌaa nij soꞌ man soꞌ, ne̱ cune̱ꞌ nij soꞌ man Jesús gu̱un soꞌ síí nica̱j suun rey gu̱un chij rihaan nij soꞌ, ne̱ cheꞌé dan naxuun soꞌ man soꞌ, ne̱ cavii uún o̱rúnꞌ soꞌ caꞌanj soꞌ quij a.

San Juan 8:11

Ga̱a ne̱ cataj chana̱ yoꞌ a: ―Taj va̱j a̱ ꞌó síí me rá caꞌmi̱i̱ da̱nj a̱ maan, Señor ―taj chana̱ yoꞌ rihaan Jesús a. Ga̱a ne̱ cataj Jesús rihaan noꞌ a: ―A̱ ꞌu̱nj se̱ cataj se vaa quiꞌya̱j nii sayuun mán so̱ꞌ a̱ maꞌ. Dan me se caꞌa̱nj so̱ꞌ, ne̱ se̱ quiꞌyáá so̱ꞌ a̱ doj cacunꞌ rej rihaan so̱ꞌ a̱ maꞌ ―taj Jesús rihaan chana̱ yoꞌ a.

Romanos 2:1

Me cheꞌé taj so̱ꞌ se vaa ina̱nj maꞌa̱n tuvíꞌ so̱ꞌ tumé cacunꞌ ga̱. ꞌO̱ se ꞌo̱ cuya̱a̱n vaa cacunꞌ ꞌyaj ma̱ꞌán so̱ꞌ ga̱ cacunꞌ ꞌyaj tuvíꞌ so̱ꞌ, ne̱ sese cuta̱ꞌ so̱ꞌ cacunꞌ xráá tuvíꞌ so̱ꞌ, ne̱ cuta̱ꞌ nii cacunꞌ xráá ma̱ꞌán so̱ꞌ uún ado̱nj.

Romanos 2:3

Dan me se utáꞌ so̱ꞌ cacunꞌ xráá tuvíꞌ so̱ꞌ, tza̱j ne̱ ꞌo̱ cuya̱a̱n vaa cacunꞌ ꞌyaj ma̱ꞌán so̱ꞌ uún a. Asa̱ꞌ caꞌve̱e nani̱i̱ so̱ꞌ rihaan sayuun asa̱ꞌ caꞌneꞌ Yaꞌanj cacunꞌ cheꞌé cunuda̱nj yuvii̱, rá so̱ꞌ ga̱.

Romanos 9:20

Tza̱j ne̱ ne nó xcúún níꞌ cata̱j níꞌ se vaa ne nó xcúún Yaꞌanj quiꞌya̱j soꞌ nda̱a vaa ꞌyaj soꞌ maꞌ. Caꞌve̱e xna̱ꞌanj ꞌo̱ xruj yoꞌóó man síí quiꞌyaj man xruj: “Me cheꞌé quiꞌyáá so̱ꞌ da̱nj mán ꞌu̱nj ga̱.”