San Lucas 11:22 - Triqui de San Juan Copala

²² Tza̱j ne̱ sese caꞌna̱ꞌ ꞌó síí nucua̱j doj, ga̱a ne̱ quiꞌya̱j canaán soꞌ rihaan síí ya̱nj xraan, ga̱a ne̱ caꞌne̱e̱ soꞌ nu̱ꞌ saga̱ꞌ soꞌ do̱ꞌ, nu̱ꞌ siꞌyaj soꞌ do̱ꞌ, ne̱ cuxra̱ꞌ taꞌa̱j soꞌ ga̱ tuviꞌ soꞌ na̱nj ado̱nj.

San Lucas 11:22 Iomraidhean Croise

San Lucas 11:21

’Dan me se sese ꞌo̱ síí nucua̱j ya̱nj rá veꞌ me se vaa agaꞌ siha̱a̱ do̱ꞌ, vaa mixté do̱ꞌ, rihaan soꞌ, ne̱ tumé soꞌ siꞌyaj soꞌ yáán soꞌ, ne̱ taj síí caꞌne̱e̱ siꞌyaj soꞌ maꞌ.

San Lucas 11:23

’Síí naꞌvej rá gu̱un tuvi̱ꞌ ga̱ ꞌu̱nj roꞌ, síí ta̱j riꞌyunj manj me soꞌ a. Ne̱ síí ne racuíj manj naquiꞌya̱j chre̱ꞌ ꞌu̱nj man yuvii̱ canoco̱ꞌ man Yaꞌanj roꞌ, soꞌ me síí tichaꞌnuu̱ man nij yuvii̱, ne̱ aráán soꞌ rihaan nij yuvii̱ se̱ canocoꞌ nij yuvii̱ man Yaꞌanj maꞌ ―taj Jesús rihaan nij yuvii̱ a.

Efesios 6:11

Dan me se nu̱ꞌ se nucua̱j rqué Yaꞌanj man soj roꞌ, caꞌne̱j soj se nucua̱j yoꞌ nimán soj, ne̱ gu̱un nucua̱j soj quiꞌya̱j canaán soj rihaan Síí Chre̱e ga̱a me rá soꞌ tiha̱ꞌ yuꞌunj soꞌ man soj ado̱nj.

Efesios 6:13

Cheꞌé dan caꞌne̱j soj nu̱ꞌ se nucua̱j rqué Yaꞌanj man soj nimán soj, ne̱ güii quiꞌya̱j ndoꞌo Síí Chre̱e sayuun rihaan chumii̱ nihánj roꞌ, ne̱ gu̱un nucua̱j soj quiꞌya̱j canaán soj rihaan soꞌ ado̱nj. Ne̱ asa̱ꞌ cunuꞌ soj ga̱ Síí Chre̱e yoꞌ, ne̱ síí ga̱a̱ nucua̱j doj rihaan soꞌ gu̱un soj ado̱nj.

Colosenses 2:15

Dan me se cheꞌé se caviꞌ Cristó rihaan rcutze̱ roꞌ, cheꞌé dan quiꞌyaj canaán Yaꞌanj man da̱j a̱ nij nana̱ chre̱e uun chij do̱ꞌ, da̱j a̱ nij nana̱ chre̱e nica̱j suun do̱ꞌ, ne̱ caxríj naꞌa̱j ranga̱ꞌ Yaꞌanj man nij soꞌ a.

1 Juan 3:8

Ne̱ síí ꞌyaj cacunꞌ me se síí noco̱ꞌ stucua̱nj Síí Chre̱e me soꞌ na̱nj ado̱nj. ꞌO̱ se asi̱j guun cheꞌe̱ Yaꞌanj quiꞌyaj Yaꞌanj chumii̱ nihánj, ne̱ si̱j ꞌyaj ina̱nj cacunꞌ me Síí Chre̱e na̱nj ado̱nj. Ne̱ caꞌnaꞌ Taꞌníí Yaꞌanj rihaan chumii̱ nihánj, cheꞌé rej caꞌve̱e tiri̱ꞌ soꞌ nu̱ꞌ se vaa ꞌyaj Síí Chre̱e yoꞌ ado̱nj.

1 Juan 4:4

Tza̱j ne̱ ya̱j nihánj me se síí ya̱ noco̱ꞌ man Yaꞌanj me nij soj, tinu̱j, nocoj. Ne̱ a̱j quiꞌyaj canaán soj rihaan nij síí ne̱ cuano̱ ado̱nj. ꞌO̱ se nu̱u̱ Nimán Yaꞌanj nimán soj, ne̱ nucua̱j doj Nimán Yaꞌanj rihaan Síí Chre̱e va̱j rihaan chumii̱ nihánj chugua̱nj.