San Lucas 10:40 - Triqui de San Juan Copala

⁴⁰ Tza̱j ne̱ Marta roꞌ, da̱j a̱ suun caráyaꞌa̱nj noꞌ a. Dan me se nichrunꞌ Marta rihaan Jesús, ne̱ cataj noꞌ rihaan soꞌ a: ―Me cheꞌé ne rihuun rá so̱ꞌ se vaa dínj yáán chuꞌvij ꞌu̱nj, ne̱ o̱rúnꞌ ma̱ꞌanj ꞌyaj chuvi̱i, ga̱a Seño̱rꞌ. Cata̱j so̱ꞌ rihaan noꞌ se vaa ra̱cuíj noꞌ manj á ―taj Marta rihaan Jesús a.

San Lucas 10:40 Iomraidhean Croise

San Mateo 14:15

Dan me se cachén ndoꞌo orá, ne̱ nanij güii, ne̱ cuchiꞌ nij síí tucuꞌyón snana̱ Jesús rihaan soꞌ, ne̱ cataj nij soꞌ a: ―Rcoꞌ tacaan u̱u̱n me nihánj, ne̱ cachén ndoꞌo orá na̱nj ado̱nj. Qui̱ꞌyáá so̱ꞌ se ndoꞌo, ne̱ naꞌne̱j so̱ꞌ chrej man nij yuvii̱ ri̱i̱, caꞌa̱nj nij soꞌ chumanꞌ quira̱a̱n nij soꞌ se cha̱ nij soꞌ á ―taj nij soꞌ rihaan Jesús a.

San Mateo 16:22

Ga̱a ne̱ quirii yaníj Pedró man Jesús, ne̱ guun cheꞌe̱ soꞌ cataj soꞌ se vaa ne nó xcúún Jesús caꞌmi̱i̱ Jesús da̱nj maꞌ. Ne̱ cataj Pedró a: ―Cunu̱u ꞌe̱e̱ rá Yaꞌanj mán so̱ꞌ, Señor. Daj chiha̱a̱ míj se̱ quiránꞌ so̱ꞌ da̱nj maꞌ ―taj Pedró rihaan Jesús a.

San Marcos 3:21

Ga̱a ne̱ cuchiꞌ nana̱ rihaan nij tuviꞌ Jesús da̱j ranꞌ soꞌ ꞌyaj nij yuvii̱, ne̱ cheꞌé dan caꞌanj nij tuviꞌ Jesús ta̱ꞌaa nij soꞌ man Jesús, cheꞌé se cataj nij soꞌ se vaa snúú Jesús a.

San Lucas 10:38

Dan me se va̱j Jesús chrej ga̱ nij síí tucuꞌyón snana̱ soꞌ, ne̱ cuchiꞌ soꞌ ꞌo̱ chumanꞌ, ne̱ dan me se caꞌvej rá ꞌo̱ chana̱ cuꞌna̱j Marta ya̱nj chumanꞌ yoꞌ cara̱nꞌ Jesús tucuá noꞌ a.

San Lucas 10:41

Tza̱j ne̱ cataj Jesús rihaan noꞌ a: ―Nanó ndoꞌo rá so̱ꞌ ne̱ aráya̱ꞌáán so̱ꞌ cheꞌé queꞌe̱e̱ suun, Marta.

San Lucas 12:29

’Ne̱ xa̱ꞌ soj, tza̱j ne̱ se̱ nanoꞌ ndoꞌo soj se cha̱ soj do̱ꞌ, se coꞌo̱ soj do̱ꞌ maꞌ. Ne̱ se̱ nanó ndoꞌo rá soj cheꞌé nij yoꞌ maꞌ.

San Lucas 9:55

Tza̱j ne̱ niꞌya̱j Jesús man ro̱j soꞌ, ne̱ caxríj yuva̱a̱ Jesús man ro̱j soꞌ a.

San Juan 11:1

Dan me se vaa ꞌo̱ síí ranꞌ, ne̱ síí cuꞌna̱j Lázaro me soꞌ, ne̱ síí ya̱nj chumanꞌ Betania me soꞌ a. Ne̱ chumanꞌ Betania yoꞌ me chiháán chana̱ cuꞌna̱j Mariá ga̱ chuꞌvij Mariá chana̱ cuꞌna̱j Marta a.

San Juan 11:5

Ne̱ Jesús me se nda̱ꞌ se ꞌe̱e̱ ndoꞌo rá soꞌ man chana̱ cuꞌna̱j Marta do̱ꞌ, man chuꞌvij noꞌ chana̱ cuꞌna̱j Mariá do̱ꞌ, man Lázaro do̱ꞌ,

San Juan 12:2

Dan me se quiꞌyaj chuvi̱i nii cha̱ xtiꞌno̱ Jesús, ne̱ chana̱ cuꞌna̱j Marta me chana̱ rqué chá nij síí ꞌnaꞌ, ne̱ ya̱nj Lázaro rihaan mesá ga̱ Jesús ga̱a chá soꞌ a.

San Juan 6:27

’Se̱ guun quiꞌya̱j suun soj cheꞌé ina̱nj se cha̱ soj maꞌ. ꞌO̱ se vaa güii, ne̱ navi̱j nu̱ꞌ nij rasu̱u̱n yoꞌ na̱nj ado̱nj. Cheꞌé dan quiꞌya̱j suun soj cheꞌé se vaa quiꞌya̱j cavi̱i̱ sa̱ꞌ nimán soj, ga̱a ne̱ ga̱a̱ iꞌna̱ꞌ ya̱ nimán soj nu̱ꞌ cavii nu̱ꞌ caꞌanj á. ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me síí rque̱ se sa̱ꞌ yoꞌ rihaan soj na̱nj ado̱nj. ꞌO̱ se Réj Yaꞌanj me síí cataj se vaa caꞌve̱e qui̱ꞌyáj da̱nj cheꞌé soj ado̱nj ―taj Jesús rihaan nij yuvii̱ a.