San Lucas 10:34 - Triqui de San Juan Copala

³⁴ Caꞌanj soꞌ quiꞌyaj conoꞌó soꞌ man síí quiranꞌ chiꞌii̱ yoꞌ, ne̱ cutaꞌ soꞌ rmedió rej quiranꞌ chiꞌii̱, ne̱ nacutáj soꞌ yatzíj rej quiranꞌ chiꞌii̱ yoꞌ a. Ga̱a ne̱ cutaꞌ síí avii Samaria yoꞌ man síí quiranꞌ chiꞌii̱ yoꞌ xráá daán soꞌ xcuu va̱j ga̱ soꞌ, ne̱ caꞌanj ro̱j soꞌ veꞌ aranꞌ yuvii̱ chéé chrej, ne̱ taj yaꞌanj síí avii Samaria yoꞌ man síí quiranꞌ chiꞌii̱ yoꞌ a.

San Lucas 10:34 Iomraidhean Croise

San Marcos 14:8

Ne̱ chana̱ nihánj quiꞌyaj nu̱ꞌ nda̱a vaa caꞌvee quiꞌyaj noꞌ, ne̱ dan me se ga̱a ataa cavi̱ꞌ ꞌu̱nj ne̱ a̱j caxríj noꞌ casté gunꞌ da̱j manj cheꞌé rej xca̱j soj cuentá se vaa nichrunꞌ güii cachi̱nꞌ nii manj ado̱nj.

San Lucas 10:33

’Ga̱a ne̱ caꞌnaꞌ ꞌo̱ síí avii rej Samaria uún a. Né si̱j israelitá me soꞌ maꞌ; si̱j yaníj me soꞌ a. Queneꞌen soꞌ man síí quiranꞌ chiꞌii̱ yoꞌ, ga̱a ne̱ cunuu ꞌe̱e̱ rá soꞌ man síí yoꞌ a.

San Lucas 10:35

Cachén ꞌo̱ yanꞌ, ne̱ ꞌó güii me se guun rá síí avii Samaria caꞌa̱nj soꞌ, ne̱ quirii soꞌ vi̱j saꞌanj vaa tuꞌvee yuvii̱ ꞌyaj suun ꞌo̱ güii, ne̱ caxríj soꞌ ston síí tucua̱ veꞌ se vaa ta̱j yaꞌanj soꞌ man síí ranꞌ, ga̱a ne̱ cataj soꞌ rihaan síí tucua̱ a: “Asa̱ꞌ caꞌnaꞌ uún ꞌu̱nj, ne̱ na̱ruꞌvee ꞌu̱nj me daj maꞌa̱n saꞌanj me ga̱a̱ tuꞌvee so̱ꞌ, rá so̱ꞌ a”, taj síí avii Samaria rihaan síí tucua̱ a ―da̱nj vaa síj cuentó nanó Jesús rihaan síí naquiꞌyaj cu̱u stucua̱nj Moisés yoꞌ a.

San Lucas 2:7

Taj yan vaa yaꞌnúj cara̱nꞌ ro̱j soꞌ caꞌnga̱a̱ neꞌej a̱ maꞌ. Dan me se da̱j doj rej ma̱n scúj vaa yaꞌnúj cara̱nꞌ ro̱j soꞌ a. Ne̱ cuchruj noꞌ neꞌej sno̱ꞌo taꞌníí noꞌ síí chava̱ꞌ a. Quiꞌyaj yanu̱ꞌ noꞌ man neꞌej, ne̱ caꞌnéé noꞌ man neꞌej rá rihoo yan nu̱u̱ coꞌyo̱o̱ chá scúj a.

Romanos 12:20

Tza̱j ne̱ ino̱ quiꞌya̱j soj rihaan yuvii̱ ta̱j riꞌyunj man níꞌ cuano̱, taj Danj Yaꞌanj a. Nihánj me nana̱ aꞌmii Danj Yaꞌanj a: “Sese naꞌaan rque síí ta̱j riꞌyunj man soj, ne̱ rque̱ soj se chá cha̱ soꞌ á. Sese nacoo̱ soꞌ na, ne̱ rque̱ soj na coꞌo̱ soꞌ á. Da̱nj quiꞌya̱j soj, ne̱ gu̱un naꞌa̱j síí ta̱j riꞌyunj man soj, ne̱ nano̱ rá soꞌ cheꞌé sayuun quiꞌyaj soꞌ ado̱nj.” Da̱nj taj Danj Yaꞌanj a.

1 Tesalonicenses 5:15

Tu̱mé soj man soj se̱ guun quiꞌya̱j chiꞌi̱i̱ ꞌo̱ tuviꞌ soj man síí ꞌyaj chiꞌi̱i̱ man soꞌ maꞌ. Tana̱nj ina̱nj suun sa̱ꞌ quiꞌya̱j soj cheꞌé tuviꞌ soj do̱ꞌ, cheꞌé cunuda̱nj yuvii̱ do̱ꞌ á.