San Lucas 10:29 - Triqui de San Juan Copala

²⁹ Tza̱j ne̱ síí sa̱ꞌ ina̱nj me síí tucuꞌyón stucua̱nj Moisés, rá maꞌa̱n soꞌ a. Cheꞌé dan xnáꞌanj soꞌ nana̱ nihánj man Jesús a: ―Me síí me tuvíꞌ ꞌu̱nj ga̱ ―taj soꞌ a.

San Lucas 10:29 Iomraidhean Croise

San Marcos 8:34

Ga̱a ne̱ canacúún Jesús man nij yuvii̱ caꞌna̱ꞌ nij yuvii̱ rej nicu̱nꞌ soꞌ ga̱ nij síí tucuꞌyón snana̱ soꞌ, ga̱a ne̱ cataj soꞌ a: ―Sese me rá ꞌo̱ soꞌ canoco̱ꞌ soꞌ manj, ne̱ se̱ guun rá soꞌ quiꞌya̱j soꞌ se vaa me rá maꞌa̱n soꞌ quiꞌya̱j soꞌ maꞌ. Caꞌve̱e se quira̱nꞌ uxrá soꞌ sayuun do̱ꞌ, caꞌve̱e se nda̱a cachro̱n nii man soꞌ rihaan rcutze̱ do̱ꞌ, tza̱j ne̱ ꞌo̱ canoco̱ꞌ xraan soꞌ manj ado̱nj.

San Lucas 10:36

Ga̱a ne̱ xnáꞌanj Jesús nana̱ nihánj man síí naquiꞌyaj cu̱u stucua̱nj Moisés yoꞌ a: ―Vaꞌnu̱j nij síí va̱j rá chrej yoꞌ, ga̱a ne̱ me soꞌ me tuviꞌ síí quiranꞌ chiꞌii̱ yoꞌ, rá so̱ꞌ ga̱ ―taj Jesús, xnáꞌanj Jesús man soꞌ a.

San Lucas 16:15

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ nuviꞌ cacunꞌ tumé soj niꞌya̱j yuvii̱, ꞌyaj soj maꞌ. Tza̱j ne̱ Yaꞌanj roꞌ, me síí neꞌen ya̱ da̱j vaa nimán soj ado̱nj. ꞌO̱ se sa̱ꞌ uxrá vaa ꞌyaj yuvii̱, rá tuviꞌ yuvii̱, tza̱j ne̱ chiꞌi̱i̱ ndoꞌo ꞌyaj nij yuvii̱, rá Yaꞌanj na̱nj ado̱nj.

Romanos 10:3

Ne xca̱j nij soꞌ cuentá cheꞌé se vaa a̱j quiꞌyaj Yaꞌanj cheꞌé nij soꞌ, ne̱ ne xca̱j nij soꞌ cuentá se vaa caꞌve̱e cunu̱u sa̱ꞌ nij soꞌ rihaan Yaꞌanj, quiꞌya̱j maꞌa̱n Yaꞌanj maꞌ. Ma̱an se nanoꞌ maꞌa̱n nij soꞌ chrej cunu̱u sa̱ꞌ maꞌa̱n nij soꞌ rihaan Yaꞌanj, ne̱ cheꞌé dan ataa quiꞌya̱j nij soꞌ nda̱a vaa me rá Yaꞌanj quiꞌya̱j nij soꞌ, ne̱ cheꞌé dan ataa cunu̱u sa̱ꞌ nij soꞌ ado̱nj.

Romanos 4:2

ꞌO̱ se ne nó xcúún Abraham cata̱j Abraham se vaa ma̱an cheꞌé se sa̱ꞌ quiꞌyaj soꞌ, cheꞌé dan cunuu sa̱ꞌ nimán soꞌ quiꞌyaj Yaꞌanj maꞌ. Neꞌen Yaꞌanj se vaa ne ya̱ vaa nana̱ yoꞌ maꞌ.

Gálatas 3:11

Tza̱j ne̱ taj Danj Yaꞌanj a: “Síí a̱j cunuu sa̱ꞌ nimán rihaan Yaꞌanj roꞌ, ꞌo̱ amán rá soꞌ niꞌya̱j soꞌ Yaꞌanj ga̱a vaa iꞌna̱ꞌ soꞌ ado̱nj”, taj Danj Yaꞌanj uún a. Ne̱ cheꞌé dan me neꞌen níꞌ se vaa ina̱nj nij yuvii̱ amán rá niꞌya̱j man Yaꞌanj me yuvii̱ cunu̱u sa̱ꞌ rihaan Yaꞌanj á. Se̱ cunuu sa̱ꞌ nij yuvii̱ nucua̱j rá man stucua̱nj Moisés maꞌ.

Santiago 2:24

Xca̱j soj cuentá se vaa cheꞌé se lu̱j ꞌyaj níꞌ roꞌ, cheꞌé dan nuu sa̱ꞌ nimán níꞌ rihaan Yaꞌanj, ne̱ né cheꞌe̱ se ina̱nj taj níꞌ se vaa amán rá níꞌ niꞌya̱j níꞌ man Yaꞌanj me nuu sa̱ꞌ nimán níꞌ rihaan Yaꞌanj maꞌ.