San Lucas 10:1 - Triqui de San Juan Copala

¹ Cachén doj, ga̱a ne̱ narii Jesús man ꞌó vaꞌnu̱j chiha̱a̱ chuvi̱j (72) snóꞌo, ne̱ caꞌnéé soꞌ man vi̱j vi̱j nij soꞌ quita̱j ya̱a̱n nij soꞌ rihaan Jesús caꞌa̱nj nij soꞌ da̱j a̱ chumanꞌ ga̱ da̱j a̱ rej cache̱n Jesús,

San Lucas 10:1 Iomraidhean Croise

San Lucas 1:17

Dan me se gu̱un soꞌ síí caꞌa̱nj suun rihaan Yaꞌanj ado̱nj. Asino taꞌníí so̱ꞌ gu̱un cheꞌe̱ caꞌmi̱i̱ natáj rihaan yuvii̱, ga̱a ne̱ caꞌmi̱i̱ síí caꞌne̱j Yaꞌanj man a. Da̱j se quiꞌyaj Nimán Yaꞌanj, racuíj Nimán Yaꞌanj man síí cuꞌna̱j Elías ga̱a naá roꞌ, da̱nj quiꞌya̱j gue̱e̱ Nimán Yaꞌanj, ra̱cuíj ndoꞌo soꞌ man taꞌníí so̱ꞌ a. Veꞌé caꞌmi̱i̱ yuvii̱ ga̱ taꞌníí yuvii̱ do̱ꞌ, natuna̱ nimán nij síí chiꞌi̱i̱ cuno̱ nij soꞌ rihaan Yaꞌanj do̱ꞌ, quiꞌya̱j soꞌ na̱nj á. Juan me síí quiꞌya̱j se vaa cara̱yaꞌa̱nj nu̱ꞌ yuvii̱ cheꞌé se caꞌna̱ꞌ Síí Qui̱ꞌnij Raꞌa man níꞌ ado̱nj ―da̱nj cataj xnaꞌanj se‑mo̱zó Yaꞌanj rihaan Zacarías a.

San Lucas 1:76

Ne̱ xa̱ꞌ ma̱ꞌán so̱ꞌ, tza̱j ne̱ guún so̱ꞌ síí nata̱ꞌ snana̱ Yaꞌanj Si̱j Uun Chij Doj, rej. Asino so̱ꞌ gu̱un cheꞌe̱ caꞌmi̱i̱ natáj, ga̱a ne̱ caꞌna̱ꞌ Síí Qui̱ꞌnij Raꞌa man níꞌ ado̱nj. Dan me se cunu̱u nica̱ nimán yuvii̱, qui̱ꞌyáá so̱ꞌ, ne̱ cara̱yaꞌa̱nj yuvii̱ ni̱ꞌyaj yuvii̱ man síí caꞌna̱ꞌ qui̱ꞌnij raꞌa man níꞌ, qui̱ꞌyáá so̱ꞌ,

San Lucas 7:13

Dan me se queneꞌen Jesús man chana̱ yoꞌ, ga̱a ne̱ cunuu ꞌe̱e̱ rá soꞌ man noꞌ, ga̱a ne̱ cataj soꞌ a: ―Se̱ taꞌveé so̱ꞌ maꞌ ―taj soꞌ a.

San Lucas 7:19

ga̱a ne̱ caꞌnéé soꞌ man ro̱j soꞌ cuchi̱ꞌ ro̱j soꞌ rihaan Jesús Si̱j ꞌNi̱j Raꞌa man níꞌ a. Ne̱ nana̱ nihánj roꞌ, xna̱ꞌanj ro̱j soꞌ man Jesús, taj Juan rihaan ro̱j soꞌ a: “So̱ꞌ me Síí Caꞌna̱ꞌ Ti̱nanii man Yuvii̱ rihaan Sayuun naꞌ. Ase na̱ꞌvi̱j níꞌ caꞌna̱ꞌ ꞌó soꞌ xa̱ꞌ.” Dan me nana̱ me rá Juan xna̱ꞌanj ro̱j soꞌ man Jesús a.

San Lucas 9:52

Dan me se caꞌneꞌ soꞌ suun rihaan do̱j síí chéé ga̱ soꞌ quita̱j ya̱a̱n nij soꞌ nano̱ꞌ nij soꞌ veꞌ cara̱nꞌ nij tuvi̱ꞌ nij soꞌ, ga̱a ne̱ caꞌanj nij síí caꞌanj suun, ne̱ cuchiꞌ nij soꞌ ꞌo̱ chumanꞌ ya̱nj nij síí samaritano a.