San Lucas 1:77 - Triqui de San Juan Copala

⁷⁷ ne̱ so̱ꞌ quiꞌya̱j xca̱j nij síí canoco̱ꞌ man Yaꞌanj cuentá se vaa caꞌve̱e navi̱j cacunꞌ tumé nij soꞌ, ne̱ caꞌve̱e nani̱i̱ nij soꞌ rihaan sayuun a.

San Lucas 1:77 Iomraidhean Croise

San Lucas 3:3

Dan me se cachéé Juan nu̱ꞌ rej na̱j nichru̱nꞌ tuꞌva chráá cuꞌna̱j Jordán, ne̱ guun cheꞌe̱ soꞌ caꞌmii natáj soꞌ rihaan yuvii̱, cataj soꞌ se vaa cata̱ꞌ ne nij yuvii̱ cheꞌé yan ti̱haa̱n nij soꞌ se vaa ya̱ nuchranꞌ nimán nij soꞌ ne̱ tanáj nij soꞌ chrej chiꞌi̱i̱, ne̱ caꞌve̱e tinavi̱j Yaꞌanj cacunꞌ tumé nij soꞌ, taj Juan ado̱nj.

San Lucas 3:6

Ga̱a ne̱ queneꞌe̱n nu̱ꞌ nij síí ma̱n rihaan chumii̱ se vaa caꞌve̱e ti̱nanii Yaꞌanj man yuvii̱ rihaan sayuun na̱nj á.” Dan me nana̱ cachrón Isaías rihaan yanj ga̱a naá nana̱ taj xnaꞌanj cheꞌé Juan a.

San Juan 1:29

Dan me se ꞌó güii, ne̱ queneꞌen síí cuꞌna̱j Juan se vaa caꞌnaꞌ Jesús rihaan soꞌ, ne̱ cataj soꞌ a: ―Ni̱ꞌyaj soj á. Daán Yaꞌanj Matzinj Leꞌe̱j cavi̱ꞌ cheꞌé yuvii̱ me síí nihánj, ne̱ dan me se síí nihánj me síí caꞌne̱e̱ cacunꞌ tumé yuvii̱ ma̱n rihaan chumii̱ ado̱nj.

San Juan 1:34

Ga̱a ne̱ queneꞌen ma̱ꞌán ꞌu̱nj man Jesús nihánj, se vaa nanij Nimán Yaꞌanj xráá soꞌ, ne̱ a̱j cataj yá ꞌu̱nj rihaan soj se vaa Taꞌni̱j Yaꞌanj me soꞌ ado̱nj ―taj Juan a.

Hechos 10:43

Ne̱ cunuda̱nj nij síí nataꞌ snana̱ Yaꞌanj ga̱a naá roꞌ, cataj xnaꞌanj nij soꞌ cheꞌé Jesús yoꞌ, ne̱ cataj nij soꞌ se vaa cheꞌé se‑chuvi̱i soꞌ me se tinavi̱j Yaꞌanj cacunꞌ tumé cunuda̱nj nij síí amán rá niꞌya̱j man Jesús a ―taj Pedró rihaan nij tuvi̱ꞌ Cornelió a.

Hechos 19:4

Ga̱a ne̱ cataj Pabló rihaan nij soꞌ a: ―Xa̱ꞌ Juan, tza̱j ne̱ cutaꞌ ne soꞌ man yuvii̱ cheꞌé se canica̱j nimán nij yuvii̱ canocoꞌ nij yuvii̱ tucuáán sa̱ꞌ a. Ne̱ cataj Juan rihaan nij yuvii̱ se vaa síí caꞌna̱ꞌ rej xco̱ Juan roꞌ, me síí no̱ xcúún nij yuvii̱ cuchuma̱n rá nij soꞌ ni̱ꞌyaj nij soꞌ man, ne̱ síí caꞌnaꞌ rej xco̱ Juan roꞌ, me Jesús a ―taj Pabló rihaan nij yuvii̱ yoꞌ a.

Hechos 2:38

Ga̱a ne̱ cataj Pedró rihaan nij soꞌ a: ―Ca̱nica̱j nimán cunuda̱nj soj ta̱náj soj chrej chiꞌi̱i̱, ne̱ cata̱ꞌ ne soj cheꞌé se‑chuvi̱i Jesucristó Si̱j Caꞌnéé Yaꞌanj, ne̱ tinavi̱j Yaꞌanj cacunꞌ tumé soj a. Ne̱ rque̱ Yaꞌanj Nimán Yaꞌanj catu̱u̱ soꞌ nimán soj ado̱nj.

Hechos 3:19

’Cheꞌé dan ca̱nica̱j nimán soj canoco̱ꞌ soj chrej sa̱ꞌ, ga̱a ne̱ caꞌve̱e tinavi̱j Yaꞌanj cacunꞌ tumé soj á. Ga̱a ne̱ caꞌve̱e quisi̱j güii cunu̱u cui̱j rá ta̱ranꞌ níꞌ si̱j israelitá, quiꞌya̱j Síí ꞌNi̱j Raꞌa man níꞌ a.

Hechos 5:31

Ga̱a ne̱ maꞌa̱n Yaꞌanj quiꞌyaj cavii Jesús xta̱ꞌ, ne̱ nicu̱nꞌ Jesús rej xꞌnu̱j Yaꞌanj rej nuva̱ꞌ Yaꞌanj a. Ne̱ guun Jesús Síí Uun Chij Ndoꞌo, ne̱ Síí Tinanii man Yuvii̱ rihaan Sayuun guun soꞌ, cheꞌé rej caꞌve̱e ca̱nica̱j nimán níꞌ si̱j israelitá ga̱a ne̱ navi̱j cacunꞌ tumé níꞌ ado̱nj.

Romanos 3:25

ne̱ dan me se caꞌnéé Yaꞌanj man Jesús nayo̱n Jesús rihaan yuvii̱ tumé cacunꞌ, ne̱ cuchuma̱n rá nij síí tumé cacunꞌ se vaa caviꞌ Jesús cheꞌé nij soꞌ, ne̱ nani̱i̱ nij soꞌ rihaan sayuun na̱nj ado̱nj. Dan me se neꞌen níꞌ se vaa tinavij Yaꞌanj cacunꞌ tumé yuvii̱, ne̱ xcaj níꞌ cuentá se vaa vaa nica̱ rá Yaꞌanj ga̱a tinavij Yaꞌanj cacunꞌ tumé nij yuvii̱ cayáán ga̱a naá a. Yuvii̱ cayáán ga̱a naá roꞌ, ne quira̱nꞌ nij soꞌ sayuun cheꞌé cacunꞌ tumé nij soꞌ maꞌ.

Efesios 1:7

Ne̱ cheꞌé ton cayanj man Cristó ga̱a caviꞌ soꞌ cheꞌé níꞌ roꞌ, cheꞌé dan navij cacunꞌ xráá níꞌ, cheꞌé se sa̱ꞌ uxrá vaa rá Yaꞌanj niꞌya̱j Yaꞌanj man níꞌ a.