San Lucas 1:30 - Triqui de San Juan Copala

³⁰ Ga̱a ne̱ cataj uún se‑mo̱zó Yaꞌanj rihaan noꞌ a: ―María, se̱ cuchuꞌvíꞌ so̱ꞌ maꞌ. Aranꞌ rá Yaꞌanj quiꞌya̱j Yaꞌanj se lu̱j cheꞌé so̱ꞌ ado̱nj.

San Lucas 1:30 Iomraidhean Croise

San Mateo 14:27

Veé dan, ne̱ nu̱ꞌ cataj Jesús rihaan nij soꞌ a: ―Naquiꞌya̱j nucua̱j soj nimán soj á. ꞌU̱nj ꞌnaꞌ ado̱nj. Se̱ cuchuꞌviꞌ soj maꞌ ―taj soꞌ rihaan nij soꞌ a.

San Mateo 28:5

Veé dan, ne̱ cuchiꞌ ro̱j chana̱ yoꞌ rihaan se‑mo̱zó Yaꞌanj, ne̱ cataj se‑mo̱zó Yaꞌanj rihaan ro̱j noꞌ a: ―Se̱ cuchuꞌviꞌ ro̱j so̱j maꞌ. ꞌO̱ se a̱j neꞌén ꞌu̱nj se vaa nanoꞌ ro̱j so̱j man Jesús síí caviꞌ rihaan rcutze̱ ado̱nj.

San Lucas 1:13

Tza̱j ne̱ cataj se‑mo̱zó Yaꞌanj rihaan soꞌ a: ―Se̱ cuchuꞌvíꞌ so̱ꞌ, maan Zacarías. ꞌO̱ se a̱j cuno Yaꞌanj nana̱ cachíín ni̱ꞌyáá so̱ꞌ rihaan soꞌ, ne̱ cheꞌé dan cuchru̱j nica̱ so̱ꞌ Elisabet taꞌnij sno̱ꞌo so̱ꞌ ado̱nj. Juan tu̱cuꞌnáj so̱ꞌ man soꞌ á.

San Lucas 12:32

’Se̱ cuchuꞌviꞌ soj maꞌ. Ase vaa daán Yaꞌanj matzinj vaa soj, ne̱ Yaꞌanj tumé man soj, ne̱ a̱j guun rá Rej soj Yaꞌanj se vaa gu̱un chij soj ga̱ soꞌ vaa güii a.

Hechos 27:24

ne̱ cataj soꞌ a: “Se̱ cuchuꞌvíꞌ so̱ꞌ, maan Pablo. ꞌO̱ se no̱ xcúún so̱ꞌ ca̱nicúnꞌ so̱ꞌ rihaan emperador cuꞌna̱j César, ne̱ nihánj me se cata̱j xnaꞌanj ꞌu̱nj rihaan so̱ꞌ se vaa a̱j guun rá Yaꞌanj se vaa ya̱ ya̱ ca̱ráán Yaꞌanj rihaan sayuun cavi̱ꞌ cheꞌé so̱ꞌ ga̱ cunuda̱nj nij síí nu̱u̱ rque rihoo nihánj ado̱nj”, taj se‑mo̱zó Yaꞌanj rihanj a.

Romanos 8:31

Dan me se Yaꞌanj me tuviꞌ níꞌ, ne̱ cheꞌé dan taj síí quisi̱j quiꞌya̱j sayuun man níꞌ maꞌ.

Hebreos 13:6

Cheꞌé dan vaa cheꞌé caꞌmi̱i̱ níꞌ nana̱ nihánj nana̱ no̱ rihaan Danj Yaꞌanj a: Síí racuíj manj me Síí ꞌNi̱j Raꞌa man níꞌ ado̱nj. Cheꞌé dan se̱ cuchuꞌvíꞌ ꞌu̱nj sayuun quiꞌya̱j yuvii̱ manj maꞌ, cata̱j níꞌ a.