San Juan 9:34 - Triqui de San Juan Copala

³⁴ Ga̱a ne̱ cataj nij soꞌ rihaan soꞌ a: ―Na̱nj síí tumé cacunꞌ mé so̱ꞌ asi̱j caꞌngaa so̱ꞌ chugua̱nj. Ne nó xcúún so̱ꞌ tu̱cuꞌyón so̱ꞌ a̱ ꞌó nana̱ rihaan núj a̱ maꞌ ―taj nij soꞌ rihaan soꞌ a. Ga̱a ne̱ quirii nij soꞌ man soꞌ xeꞌ a.

San Juan 9:34 Iomraidhean Croise

San Lucas 11:45

Ga̱a ne̱ caꞌmii ꞌo̱ síí naquiꞌyaj cu̱u stucua̱nj Moisés, ne̱ cataj soꞌ rihaan Jesús a: ―Tza̱j ne̱ nachríꞌ so̱ꞌ niꞌya̱j so̱ꞌ man maꞌa̱n núj ga̱a aꞌmii so̱ꞌ nana̱ vaa da̱nj na̱nj á ―taj soꞌ rihaan Jesús a.

San Lucas 14:11

ꞌO̱ se xa̱ꞌ síí me rá ti̱cavii sa̱ꞌ man maꞌa̱n ni̱ꞌyaj yuvii̱, tza̱j ne̱ quiri̱ꞌ soꞌ, ne̱ gu̱un naꞌa̱j soꞌ ado̱nj. Ne̱ xa̱ꞌ síí ꞌyaj nica̱ꞌ nimán, tza̱j ne̱ cavi̱i̱ sa̱ꞌ soꞌ ni̱ꞌyaj yuvii̱ ado̱nj ―taj Jesús rihaan nij síí fariseo do̱ꞌ, rihaan nij síí naquiꞌyaj cu̱u stucua̱nj Moisés do̱ꞌ a.

San Lucas 18:17

Ya̱ ya̱ cata̱j xnaꞌanj ꞌu̱nj rihaan soj cuano̱ se vaa síí naꞌvej rá gu̱un chij Yaꞌanj nimán, nda̱a vaa aꞌvej rá xnii leꞌe̱j gu̱un chij Yaꞌanj nimán xnii leꞌe̱j roꞌ, daj chiha̱a̱ míj se̱ catúj soꞌ rej uun chij Yaꞌanj a̱ maꞌ ―taj Jesús rihaan nij síí tucuꞌyón snana̱ soꞌ a.

San Lucas 6:22

’Ne̱ cavi̱i̱ sa̱ꞌ ndoꞌo soj sese quita̱j riꞌyunj yuvii̱ man soj do̱ꞌ, sese quiri̱i̱ yaníj yuvii̱ man soj do̱ꞌ, sese caꞌmi̱i̱ yuvii̱ nana̱ nij rihaan soj do̱ꞌ, sese nachri̱ꞌ yuvii̱ ni̱ꞌyaj yuvii̱ man soj se vaa si̱j chiꞌi̱i̱ me soj do̱ꞌ, cheꞌé se me soj síí noco̱ꞌ manj Si̱j Caꞌnéé Yaꞌanj Ni̱caj Yuꞌunj man Yuvii̱ ado̱nj.

San Juan 6:37

Xa̱ꞌ nij síí rqué Réj Yaꞌanj manj, tza̱j ne̱ caꞌna̱ꞌ nij soꞌ rihanj, ne̱ veꞌé caꞌmi̱i̱ ꞌu̱nj ga̱ nij soꞌ a. Ne̱ xa̱ꞌ nij síí ꞌnaꞌ rihanj, tza̱j ne̱ daj chiha̱a̱ míj se̱ quiriꞌíj yaníj ꞌu̱nj man nij soꞌ maꞌ.

San Juan 8:41

Ma̱an se ꞌyaj soj ina̱nj se vaa ꞌyaj rej soj na̱nj á ―taj Jesús rihaan nij soꞌ a. Cheꞌé dan cataj nij soꞌ rihaan Jesús a: ―Né taꞌni̱j cacunꞌ me núj maꞌ. ꞌO̱ se o̱rúnꞌ Rej núj, ne̱ Yaꞌanj me soꞌ na̱nj á ―taj nij soꞌ a.

San Juan 9:2

Ga̱a ne̱ xnáꞌanj nij síí tucuꞌyón snana̱ Jesús man Jesús, cataj nij soꞌ a: ―Me cheꞌé tuchri̱i síí nihánj, ga̱a maestro̱ꞌ. Maꞌa̱n soꞌ quiꞌyaj cacunꞌ naꞌ. Ase rej soꞌ quiꞌyaj cacunꞌ xa̱ꞌ ―taj nij soꞌ, xnáꞌanj nij soꞌ man Jesús a.

San Juan 9:22

Da̱nj caꞌmii ro̱j ni̱ca̱ rej síí naxraꞌ rihaan yoꞌ cheꞌé se cuchuꞌviꞌ ro̱j soꞌ niꞌya̱j ro̱j soꞌ man nij síí uun chij rihaan nij yuvii̱ israelitá a. Dan me se a̱j guun ya̱ caꞌmii nij síí uun chij yoꞌ se vaa sese cata̱j ꞌo̱ soꞌ se vaa Si̱j Caꞌnéé Yaꞌanj Ti̱nanii man Yuvii̱ rihaan Sayuun me Jesús, ne̱ quiri̱i̱ nij soꞌ xeꞌ man síí aꞌmii da̱nj rá veꞌ tucuꞌyón nij síí israelitá stucua̱nj Moisés a.

San Juan 9:35

Dan me se cuchiꞌ nana̱ rihaan Jesús se vaa quirii nij soꞌ man síí naxraꞌ rihaan yoꞌ xeꞌ a. Cheꞌé dan nanoꞌ Jesús man soꞌ, ga̱a ne̱ cataj Jesús rihaan soꞌ a: ―So̱ꞌ me síí amán rá niꞌya̱j man Síí Caꞌnéé Yaꞌanj Ni̱caj Yuꞌunj man Yuvii̱ naꞌ ―taj Jesús rihaan síí naxraꞌ rihaan yoꞌ a.

San Juan 9:40

Dan me se cachéé taꞌa̱j nij síí fariseo ga̱ Jesús, ne̱ cuno nij soꞌ nana̱ caꞌmii Jesús a. Cheꞌé dan xnáꞌanj nij soꞌ man Jesús, cataj nij soꞌ a: ―Ne̱ ase vaa síí aráán rihaan vaa núj, rá so̱ꞌ naꞌ ―taj nij soꞌ, xnáꞌanj nij soꞌ man Jesús a.

Gálatas 2:15

Dan me se yuvii̱ israelitá me níꞌ á. Né yuvi̱i̱ yaníj yuvii̱ ꞌyaj ndoꞌo cacunꞌ me níꞌ maꞌ.

Efesios 2:3

Ne̱ ase vaa ꞌyaj nij yuvii̱ vaa da̱nj roꞌ, da̱nj quiꞌyaj gue̱e̱ ta̱ranꞌ níꞌ ga̱a rque̱, ne̱ quiꞌyaj níꞌ cacunꞌ ga̱ nij soꞌ, ne̱ quiꞌyaj níꞌ ina̱nj se me rá nee̱ man níꞌ quiꞌya̱j níꞌ a. Ina̱nj se cavii raa̱ maꞌa̱n níꞌ quiꞌyaj níꞌ, ne̱ yuvii̱ caꞌmaan rá Yaꞌanj niꞌya̱j Yaꞌanj man me níꞌ ga̱a rque̱ a. Ne̱ ase vaa nij yuvii̱ chéé rihaan chumii̱ nihánj cuano̱ roꞌ, taꞌngaꞌ da̱nj vaa níꞌ ga̱a rque̱ ado̱nj.

1 Pedro 5:5

Da̱nj na̱nj soj si̱j tachru̱u̱, ne̱ cuno̱ soj rihaan nij síí chij, ne̱ ta̱ranꞌ soj me se naquiꞌya̱j nica̱ꞌ soj nimán soj rihaan tuviꞌ soj á. ꞌO̱ se nana̱ nihánj nó rihaan Danj Yaꞌanj, taj yoꞌ a: Aráán Yaꞌanj chrej rihaan nij síí xta̱ꞌ nimán se̱ cavii sa̱ꞌ nij soꞌ, tza̱j ne̱ ꞌyaj Yaꞌanj se lu̱j ga̱ nij síí nica̱ꞌ nimán a, taj nana̱ yoꞌ a.

3 Juan 1:10

Cheꞌé dan, sese cuchi̱ꞌ uún ꞌu̱nj, ne̱ cata̱j xnaꞌanj ꞌu̱nj cheꞌé se nij ꞌyaj Diótrefes ga̱a aꞌmii soꞌ nana̱ nij cheꞌé núj ado̱nj. Ne̱ né ina̱nj nana̱ nij aꞌmii soꞌ maꞌ. Dan me se ga̱a uchiꞌ nij tinúú níꞌ, ne̱ ne aꞌmii soꞌ ga̱ nij tinúú níꞌ maꞌ. Da̱nj na̱nj uún, ne̱ me maꞌa̱n síí me rá veꞌé caꞌmi̱i̱ ga̱ tinúú níꞌ, ne̱ aráán soꞌ chrej rihaan nij yuvii̱ se̱ gaa na̱nj veꞌé caꞌmi̱i̱ nij yuvii̱ ga̱ tinúú níꞌ, ne̱ nda̱a rii soꞌ man nij yuvii̱ scaꞌnúj xꞌneꞌ nij síí noco̱ꞌ man Cristó chugua̱nj.

3 Juan 1:9

Dan me se quiꞌyáj ꞌo̱ yanj cartá caꞌnéé ꞌu̱nj rihaan xꞌneꞌ nij síí noco̱ꞌ man Cristó, tza̱j ne̱ síí cuꞌna̱j Diótrefes roꞌ, me ndoꞌo rá soꞌ gu̱un chij soꞌ rihaan nij soꞌ, ne̱ naꞌvej rá soꞌ cuno̱ soꞌ snana̱j maꞌ.

Apocalipsis 13:17

Ne̱ dan me se sese nuviꞌ taꞌngaꞌ yoꞌ raꞌa ꞌo̱ soꞌ do̱ꞌ, rihaan ꞌo̱ soꞌ do̱ꞌ, ne̱ ne caꞌve̱e quira̱a̱n soꞌ rasu̱u̱n do̱ꞌ, cutuꞌve̱e̱ soꞌ rasu̱u̱n do̱ꞌ, quiꞌyaj se tinanga̱ꞌ xcuu yoꞌ a̱ maan ado̱nj. Ne̱ taꞌngaꞌ yoꞌ roꞌ, me se‑chuvi̱i xcuu cavii rque na yaꞌa̱nj, ne̱ dan me se número̱ me yoꞌ ado̱nj.