San Juan 9:31 - Triqui de San Juan Copala

³¹ ꞌO̱ se neꞌen níꞌ se vaa ne uno Yaꞌanj rihaan nij síí tumé cacunꞌ a̱ maꞌ. Tza̱j ne̱ sese aráj cochro̱j níꞌ rihaan Yaꞌanj, ne̱ sese ꞌyaj níꞌ se vaa me rá Yaꞌanj, ne̱ quiꞌya̱j Yaꞌanj se vaa achíín niꞌya̱j níꞌ rihaan Yaꞌanj na̱nj á.

San Juan 9:31 Iomraidhean Croise

San Juan 11:22

Tza̱j ne̱ cuano̱ nihánj me se neꞌenj se vaa me maꞌa̱n rasu̱u̱n cachi̱nj so̱ꞌ rihaan Yaꞌanj, ne̱ quiꞌya̱j soꞌ na̱nj á ―taj Marta rihaan Jesús a.

San Juan 15:16

’Ne nari̱i̱ soj manj a̱ maꞌ. Tana̱nj ma̱ꞌán ꞌu̱nj narii man soj ne̱ cunéꞌ ꞌu̱nj man soj, yan cavi̱i̱ soj quiꞌya̱j ndoꞌo soj se vaa me rá Yaꞌanj quiꞌya̱j soj, ne̱ se̱ navij suun sa̱ꞌ ꞌyaj soj daj chiha̱a̱ míj maꞌ. Ne̱ cheꞌé se cunéꞌ ꞌu̱nj man soj, cheꞌé dan me maꞌa̱n rasu̱u̱n cachi̱nj soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ rasu̱u̱n yoꞌ man soj ado̱nj.

San Juan 4:34

Ga̱a ne̱ cataj Jesús rihaan nij soꞌ a: ―Sese ꞌyáá ꞌu̱nj nda̱a vaa me rá síí caꞌnéé manj qui̱ꞌyáj, ne̱ sese navij quisíj suun caꞌneꞌ soꞌ rihanj, ne̱ ase vaa se chá vaa yoꞌ rihanj ado̱nj.

San Juan 7:17

Dan me se sese me rá ꞌo̱ soꞌ cuno̱ soꞌ rihaan Yaꞌanj, ne̱ xca̱j soꞌ cuentá ase tucuáán avii raá ꞌu̱nj me tucuáán tucuꞌyón ꞌu̱nj naꞌ, ase stucua̱nj Yaꞌanj me tucuáán yoꞌ xa̱ꞌ.

San Juan 9:30

Ga̱a ne̱ cataj soꞌ rihaan nij soꞌ a: ―Niha̱ꞌ uxrá vaa snana̱ soj xa̱ꞌ. Ne neꞌen soj me rej cavii soꞌ, tza̱j ne̱ síí naxraꞌ rihanj me soꞌ na̱nj ado̱nj.

San Juan 9:32

Dan me se síí tuchri̱i mej ga̱a caꞌngaj, ne̱ nu̱ꞌ caꞌnaꞌ me se ne caꞌna̱ꞌ nana̱ rihaan níꞌ se vaa nacuchraꞌ ꞌo̱ soꞌ rihaan síí vaa da̱nj a̱ maꞌ.

Hebreos 10:7

Dan me se cataj ꞌu̱nj a: “Veé ꞌu̱nj nicunꞌ rihaan so̱ꞌ na̱nꞌ. Rihaan dáán so̱ꞌ yanj libró nó nana̱ aꞌmii cheꞌé ꞌu̱nj, se vaa qui̱ꞌyáá ꞌu̱nj nu̱ꞌ se vaa me rá so̱ꞌ qui̱ꞌyáj, Ata̱j”, taj ꞌu̱nj rihaan so̱ꞌ a. Da̱nj taj nana̱ no̱ rihaan Danj Yaꞌanj, nana̱ caꞌmii maꞌa̱n Cristó rihaan Yaꞌanj a.